Éxodo 12:41 - Bible in Tzotzil de Chamula

⁴¹ C'alal ts'aqui sc'ac'alil ti chanib ciento xchi'uc lajuneb xcha'vinic (430) jabile, xvoletic no'ox loq'uel ta j'ech'el ta Egipto ti yu'untac ti Diose.

Bible in Tzotzil de Chenalhó with Deuterocanon

⁴¹ Li c'usi mero sc'ac'alil its'aqui li chanib ciento xchi'uc lajuneb xcha'vinic (430) jabile, ja'o iloq'uic tal ta Egipto scotol li jaychop yu'untac Muc'ul Diose.

Éxodo 12:41 Iomraidhean Croise

Génesis 50:24

Oy jun c'ac'al un, ti Josee xi laj yalbe ti xchi'iltac ta voq'uele: “Jutuc xa sc'an xicham. Le' une, ja' no'ox Dios ac'o xtal stic' sba ta scoltaeloxuc yo' jech ta sloq'uesoxuc batel li' ta muc' ta lume, yo' jech ta xic'oxuc batel ta banomil bu albilic ono'ox ta x'ac'batic ti Abrahame, ti Isaaque, xchi'uc ti Jacobe.

1 Reyes 6:1

Ti Salomone och ta sva'anel xch'ulna Dios ti c'alal oy xa ta xchanibal jabil yochel ta ajvalilal yu'un ti Israele, ta yu'al Ziv ti ja' xa xchibal u yu'un ti jabile, c'alal xchanibal xa ciento xchi'uc chanvinic (480) jabil ti sloq'uelic talel ta Egipto ti israeletique.

2 Crónicas 14:12

Ti Diose laj yac'be stsal yajcontra ti Asa xchi'uc ti svinquileltac Judá ta stojol ti etiopeetique, ti jatvil loq'uic ta stojolique.

Salmos 102:13

Va'lan tec'lan un cha'e, c'uxubajan yu'un ti jteclum Sione; sta xa sc'ac'alil un, yorail xa ta xach'aybe ti smul scolo'e.

Salmos 114:1

Ti Israel snitilultac ti Jacobe, c'alal loq'uic talel ta Egipto ti oyic to ox ta yan lume,

Salmos 136:11

Colaval, utic ti Buch'u laj sloq'ues talel ti israeletic ta Egiptoe, yu'un sbatel osil oy syail xc'uxul yo'nton,

Éxodo 12:17

Sq'uinal ti pan ti mu'yuc yich'oj ti spajubtasobile, ja' jun c'ac'al ti tsots sc'oplal ta xapasic ti q'uine. Yu'un jech yorail laj jloq'uesoxuc talel ta Egipto, ti ta xc'ot ta jbel c'usi albil ti tsots sc'oplal bejtsanbil ta xcom ta ajolique, ta stojol ti totil me'ile xchi'uc ti alab nich'nabiletique.

Éxodo 12:51

Ti jech c'ac'al taje, ja' o ti Diose laj sloq'ues batel ta Egipto ti mu albajuc yepal xvoletic batel ti israeletique.

Éxodo 13:14

Mi oy bu ta xc'ot ta pasel ti xi ta xlic sjac'boxuc ti anich'nabic ta ts'acale: ‘¿C'usi smelol ti jech ta xich' pasel le'e?’ xi xatac'beique: ‘Yu'un ja' o laj sloq'uesuncutic talel ta smuc'ul stsatsal ti Dios ti c'alal tiq'uiluncutic to ox ta mosovil ta Egiptoe.

Éxodo 13:16

Ti jech taj une, co'ol s'elan oy smarcail avu'unic mi ta ac'obic, mi ta ati'baic. Ti va'i s'elan liquem ta xich' pasel taje, ja' ta xac' ta na'el ti ta smuc'ul stsatsal ti Dios laj sloq'uesuncutic talel ta Egiptoe.’ ”

Éxodo 13:3

Va'i un, ti Moisese xi laj yalbe ya'i ti xchi'iltaque: “Mu xach'ay ta avo'ntonic ti c'ac'al li'e. Ja' o yorail ta smuc'ul stsatsal ti Diose, laj sloq'uesoxuc talel ta Egipto, ti bu to ox tiq'uiloxuc ta mosovile. Tsots sc'oplal ti mu xave'ic ti pan ti yich'oj spajubtasobile.

Éxodo 13:9

Ti jech bejel ta o'ntonal avu'unic taje, co'ol s'elan avich'ojic marca ta ac'obic, mi ta ati'baic. Ti jech taje, ja' svulesobil ta ajolic ti tsots sc'oplal ta xalo'iltabe abaic ti oy c'usi tsots albil yu'un ti Diose. Yu'un ta smuc'ul stsatsal, laj sloq'uesuncutic talel ta Egipto.

Éxodo 3:10

Jech o xal, tamo batel abe, yu'un ta jtacot batel ta stojol ti faraone yo' jech ta xaloq'ues talel ta Egipto ti calab jnich'nab israeletique.

Éxodo 3:8

Jech o xal liyal talel yo' tal jpojic ti oyic ta yoc ta sc'ob ti egipcioetique. Ta jloq'ues batel li' ta jteclume. Ta xquic' batel ta lequil banomil ti bu lec jamale, ti bu co'ol s'elan vo' ta xbein ti chu' vacaxe, ti ajapome. Ti banomil taje, ja' ti osil bu nacalic ti cananeoetique, ti hititaetique, ti amorreoetique, ti ferezeoetique, ti heveoetique, ti jebuseoetique.

Éxodo 6:26

Ti Aarone xchi'uc ti Moisés taje, ja'ic ti buch'utic albatic yu'un Dios ti ac'o sloq'uesic batel ti israeletic ta Egipto banomil jech c'u cha'al junuc soldado ta svol loq'uele.

Éxodo 6:6

Ja' yu'un un, batan, ba albo ya'iic ti israeletique ti vu'un Ajvalilune ta jpoj loq'uel ta mosovil ti tsots ta sujatic ta abtel yu'un ti egipcioetique. Ta jvinajes ep ta tos ti c'u s'elan tuc' jna' xichapanvane.

Éxodo 7:4

Ti faraone mu xayac'oxuc ta venta. Manchuc mi jech un, ta jbusanbe ya'i talel ta stojol Egipto ti jmuc'ul jtsatsale. Ta jva'an jba ta spasel ti ep ta tos ti c'usitic ta xc'ot ta pasele yo' xu' ta jloq'uesic batel ti cajsoldadotaque, ti xcaltique, ja' ti israeletic ti ja' jteclumale.

Daniel 9:24

“Ti lajuneb xchanvinic (70) xemunae, ja' jech sjalil ta xcom ta sbaic vocol ti ateclumale xchi'uc ti ch'ul jteclum avu'une. Ja' to jech ta xc'ot ta tsutsel ti toyobbaile, ti mulil colo'ile. Ja' jech ta xich' tael ti ta xich' ch'ayel ti mulil colo'ile, ti ta xc'ot ta pasel ti sbatel osil lec ta xcome. Ja' to jech ta xc'ot ta pasel ti c'usi laj yich' ilel ti c'alal jam ti ba satile xchi'uc ti laj yich' caj'alele, ti ta xich' cha'tunesel smelol ti bats'i ch'ulnae.

Levítico 23:43

yo' jech ta sna'ic scotol ti anitilulique ti lanaquiic cu'un ta yolon axibal yanal te' na ti c'alal laj jloq'uesoxuc talel ta Egiptoe. Yu'un vu'un ti Ajvalil Diosun avu'unique.”

Habacuc 2:3

Ti c'usi la'ac'bat avile, ta to xjalij jutuc yo' ta xc'ot ta pasel, ja' no'ox un, mu ono'ox sts'elbuj. Ac'o mi jal ya'luc, ja' no'ox un, malao no'ox ava'i, ja' to xavil ti xyaquet no'ox ta xc'ot ta pasele.

Números 23:22

Yu'un ti Diose laj sloq'ues talel ta Egipto, ti ja' c'otem ta jpojvanej yu'unic jech c'u cha'al ta spoj sba xchi'uc xulub ti te'tical vacax ti ja' bufalo sbie.

Números 33:1

Ti li'e, ja' ti bu ech'ic ti israeletic ti c'alal loq'uic talel ta Egiptoe, ti xvoletic talel ti co'ol s'elan jvoc' soldadoetic ti stamoj batel ti sbeique, ti ja' ic'bilic batel yu'un ti Moisese xchi'uc ti Aarone.

San Juan 7:8

Batan ta q'uin ti vo'oxuque, mu xibat ma' ti vu'une. Yu'un ma'uc to yorail ta xc'ot ta pasel ti bu q'uelel talel ti coraile.

Hechos 1:7

Xi tac'av ti Jesuse: —Le'e, ja' yabtel stuc ti Jtote. Yu'un sna'oj stuc ti c'usi ora ta spase. Ma'uc aventaic ti vo'oxuque.

Hechos 7:36

Ja' ti Moisés ti laj sloq'ues talel ti jmolmuc'totic ti oyic to ox ta mosovil ta Egiptoe, ti laj yac' iluc ti c'usitic ch'ayal ta xc'ot o'ntonal yu'une, ti c'usitic muc'tic no'ox laj yac' iluc ta Tsajal Nabe xchi'uc ti cha'vinic (40) jabil oyic ta xocol banomile.

Deuteronomio 16:1

“C'alal ta xc'ot yual ti Abib sbie, c'otuc ta pasel avu'unic ti ta xapasic sna'obil ti q'uin Colel sventa yich'obil ta muc' ti Ajvalil Dios avu'unique, yu'un ja' o me yu'al jech ac'ubal ti c'alal laj sloq'uesoxuc talel ti Ajvalil Dios avu'unic ta Egiptoe.

Deuteronomio 4:37

Yu'un laj xc'uxubinan ti amolmuc'totic laj ech'icuc ta vo'nee. Laj st'ujanan ti snitilultac yu'une, ti poj loq'uel talel yu'un ta Egipto ta sventa smuc'ul stsatsale.

Josué 24:5

Va'i un, laj jtac ech'el ti Moisese, xchi'uc ti Aarón ti bu taje. Laj jyayijesan ta milel ti egipcioetic ti ep chamic ta j'ech'ele, ja' to ti c'uxi laloq'uic talel cu'un teye.

Josué 5:14

—Mi junuc ta jujujot —xi la stac' ti vinique—. Talemun ta sventa jun banquilal yajtunel Dios ti scotol xu' yu'une. Va'i un, ti Josuee snupilan xa banomil laj spatan sba c'alal to lum, ti xi laj sjaq'ue: —¿C'usi mantalil stacoj talel ti Dios ta stojol ti yajtunel li'e?