Éxodo 12:3 - Bible in Tzotzil de Chamula

³ Va'i un, xi s'elan xcholet xavalbe ya'i scotol ti jnaclej israeletique: ‘Ta slajunebal (10) c'ac'al yu'un ti u li'e, ti jujunoxuc ta jujuchope ta xaviq'uic talel jcotuc chij, mi ja' jcotuc tentsun.

Bible in Tzotzil de Chenalhó with Deuterocanon

³ Albo ya'yic scotol achi'iltac ta israelal jech chac li'i: ‘Ta slajunebal c'ac'al yochel li u li'i, milic jujucot ch'ium tot chij, o me ch'ium tot tentsun ta jujubej anaic.

Éxodo 12:3 Iomraidhean Croise

Génesis 22:8

—Dios ta sbain bu ta xtal jcotuc chij ti ta xich' chiq'uel ta sventa ti matanale, Nich'on —xi tac'bat yu'un ti stote. Jmoj xanavic batel xchibalic.

Génesis 4:4

Ja' jech xtoc ti Abele laj yich' batel ta smoton Dios ti sba yol xchij ti lec t'ujome. Va'i un, ti Abele lec ilat yu'un ti Diose, lec ilat ti matanal laj yaq'ue.

2 Crónicas 35:7

Jech ti Josías eque, xi s'elan ti oy ta sventa xchon sbolomtac stuque, loc' ayan yo'nton ti tunuc yu'un scotol ti jteclum ta sventa ti q'uin Colele: ti ch'iom tot chijetique, xchi'uc ti xch'iom tot tentsunetic, ti c'ot ta lajuneb xcha'vinic mil (30,000) ta cot ta scotole, laj yac' xtoc oxmil (3,000) ta cot capon vacaxetic.

Éxodo 12:2

—Ti u li'e, na'bil lec ta xcom avu'unic, yu'un ja' sliqueb u yu'un ti jabile.

Éxodo 12:21

Jech ti Moisese laj stac ta iq'uel ti banquilal moletic yu'un ti Israel ti xi laj yalbee: “Batanic, ba tsaquic talel jcotuc ti ch'iom tot chije, mi ja' jcotuc ti ch'iom tot tentsun ti ta xtun avu'unic xchi'uc ti avalab anich'nabique. Ta xamilic xtoc yo' jech ta xich' pasel ti q'uin sventa Colele.

Éxodo 12:4

Mi mu'yuc ep ti jchop ta na ti mu xlaj ta ti'el yu'un ti jcot chon bolome, ja' yu'un unbi, ti yajval nae, ac'o scomon chi'in sbaic ta ve'el xchi'uc ti buch'u nopol xil sbaic ta naclej xchi'uque. Ja' ac'o xch'acbe sbaic ti c'u yepal xu' yu'unic ta sti'el ti jujunique.

Éxodo 12:6

Chabiic to me un, yu'un ja' to ta xtun ta xchanlajunebal (14) sc'ac'alil ti u taje. Yu'un ti jech c'ac'ale, scotolic jujucot ta smilic ta smalil c'ac'al sjunul ti Israele.

Éxodo 14:15

Ja' yu'un un, ti Diose xi laj yalbe ti Moisese: —¿C'u cha'al ta xac'anbun ti pojele? ¡Albo ya'i mantal ti israeletic ti ac'o stam jelavel ti sbeique!

Éxodo 20:19

Ja' yu'un un, xi laj yalbeic ti Moisese: —Vo'ot c'oponuncutic. Ta jch'uncutic ti ac'ope, naca mi chamcuncutic ti mi ja' ta xisc'oponuncutic ti Diose.

Éxodo 4:30

Jech ti Aarone xchapet laj yal scotol c'u s'elan albat yu'un Dios ti Moisese. Laj spas xtoc ti ta xac' ta ilel ta stojol jnaclejetic ti yutsilal slequilal Dios ti ac'bat sbain ta yaq'uel iluque.

Éxodo 6:6

Ja' yu'un un, batan, ba albo ya'iic ti israeletique ti vu'un Ajvalilune ta jpoj loq'uel ta mosovil ti tsots ta sujatic ta abtel yu'un ti egipcioetique. Ta jvinajes ep ta tos ti c'u s'elan tuc' jna' xichapanvane.

Ezequiel 40:1

Ta yo'obal xa xcha'vinic (25) jabil ti jbeq'uelcutic loq'uele, ta slajunebal (10) c'ac'al yu'un ti ach' jabile, xchanlajunebal (14) xa jabil yech'el u'nine ti jteclume, ti sc'ac'alil taje, laj yac' talel sc'ob Dios ta jtojolal ti laj yic'un batel bu taj une.

Levítico 1:2

“Va'ano aba ta sc'oponel ta stojol ti israeletique. Mi oy buch'u ta xich'bun talel ta jmoton ti chon bolometique, albo ya'iic ti ja' me ac'o yich' talel ti vacaxe, mi ja' ti chije, ti ja' yu'un stuquique.

Levítico 5:6

Va'i un, ac'o yac' ta stojol Dios jcotuc sme' yuni ts'unub stuc ti ta xich' svocol ta milel ta scoj ti mulil c'ot ta pasel yu'une, xu' jcotuc me' chij, mi mo'oje, jcotuc me' tentsun. Ta sventa ti milbil matanal taje, ti palee ta sta ti ch'aybil smul scolo' ta xc'ot ti buch'u jech c'ot ta pasel yu'une.

Números 15:11

Taje, ja' jech tsots sc'oplal ta xich' pasel ti c'alal ta xich' aq'uel ti jujucot tot vacaxe, ti jujucot tot chije, ti jujucot ch'iom tot chije, ti jujucot ch'iom tot tentsun ti ta xich' aq'uel ta matanale.

San Juan 1:29

Ta yoc'omal un, laj yil ti Juan ti ta xnopaj talel ti Jesús ta stojol ti xi laj yale: —Q'uelo avilic le'e, ja' ti xch'iom chij Dios ti ta xch'aybe smul scolo' ti jnaclejetic ta banomile.

San Juan 1:36

C'alal laj yil ti ta x'ech' ti Jesuse, ti Juane xi laj yale: —Q'uelo avilic le'e, ja' ti xch'iom chij ti Diose.

San Juan 12:1

Vaquib xa c'ac'al sc'an ti q'uin Colele, ti Jesuse bat ta Betania ti bu nacal ti Lazaroe, ti cha'cuxesat yu'un ti Jesuse.

San Juan 12:12

Yepal no'ox ti buch'utic batemic ta Jerusalén ta sventa ti q'uin Colele. Ta yoc'omal un, laj ya'iic ti ta xc'ot ta Jerusalén ti Jesuse.

1 Corintios 5:7

Jech o xal un, jipic loq'uel ti spajubtasobil pan ti ta soquesoxuque. Jechuc a'elanic jech c'u cha'al ti ach' pan ti ta xich' ve'el ta q'uin Colebale, ti pasbil ta ach' vots'bil jarina ti mu'yuc yich'oj ti spajubtasobile. Taje, ja' ac'oplalic vo'oxuc, yu'un ti Cristoe ja' c'ot ta ch'iom chij cu'untic ta sventa colebal ti laj yich' svocol ti cham cu'untique.

Josué 7:14

Ti oc'ome, ta jujuvoc' yu'un ti jujuchop nitiluliletique, taluc ava'an abaic. Ti jvoc' nitilulil ta xcac' iluque, ta xtal sva'an sba ta jujun ti totil me'il yu'une. Ti totil me'il ta xcac' iluque, ta xtal sva'an sba ti jujuchop yuts' yalale. Ti uts' alalil ta xcac' iluque, ta xtal sva'an ta jujun ti viniquetic yu'une.

Apocalipsis 13:8

Ti jti'oval chon loc' ta nab taje, ta x'ich'atic ta muc' yu'un ti jnaclejetic ta banomile, ja' ti buch'utic mu'yuc tsacal sbiic ta jpoc vun sventa cuxlejal c'alal mu'yuc to ox meltsajem ti banomile, xchi'uc ta jpoc vun ti oy ta yoc ta sc'ob ti jcot ta Uni Chij ti laj yich' svocol ta milele.

1 Samuel 7:9

Ti Samuele laj yic' talel jcot ch'iom tot chij ti scotlej laj xchic' ta smoton ti Diose. Xvocolet liquel ta stojol ti Dios ta sc'anbel spojel ti Israele, ti tsacbil ich'bil sc'op yu'un ti Diose.