Éxodo 12:25 - Bible in Tzotzil de Chamula

²⁵ C'alal mi la'ochic batel ta osil ti ta xa'ac'batic yu'un Dios jech c'u cha'al yaloj ono'oxe, jechuc me staojuc yav ta xapasic ti q'uin ti va'i s'elan lique.

Bible in Tzotzil de Chenalhó with Deuterocanon

²⁵ C'alal me la'ochic xa'ox batel ta banamil bu chayac'boxuc Muc'ul Dios jech chac c'u cha'al yaloj ono'oxe, jech me xapasilanic o, jech chac c'u cha'al la jchanubtasoxuc li'i.

Éxodo 12:25 Iomraidhean Croise

Éxodo 12:24

Ti va'i s'elan laj yich' alel taje, ta me xavich'ic ta muc' xchi'uc ti anitilultaque, ti ja' c'ot ta jbel c'usi albil ti tsots sc'oplal com o sbatel osile.

Éxodo 12:26

C'alal xi ta xasjac'boxuc ti anich'nabique: ‘¿C'usi smelol le'e ti q'ue s'elan ta xapasique?’

Éxodo 13:10

Jech o xal un, pasic ti q'uin jujun jabil ti ta x'ech' batel ti c'usi ual ta xc'ote.’

Éxodo 13:5

Jech me yual ta xapasic ti q'uin Colele c'alal mi j'ech'el laj xa yac' ochanic batel ti Dios ta banomil ti bu co'ol s'elan vo' ta xbein ti chu' vacaxe, ti ajapome. Yu'un ti osil taje, ja' yosilic ti cananeoetique, ti hititaetique, ti amorreoetique, ti heveoetique, xchi'uc ti jebuseoetique, ti albilic ono'ox ti amolmuc'totic ti ta xa'ac'batique.

Éxodo 3:17

Ja' jech xtoc laj yalbun ti ta xasloq'uesoxuc batele. Ta xaspojoxuc loq'uel ti jech mu x'ech' avocolic li' ta Egiptoe. Ta xayic'oxuc batel ta jteclum ti bu nacalic ti cananeoetique, ti hititaetique, ti amorreoetique, ti ferezeoetique, ti heveoetique, ti jebuseoetique, ta banomil ti bu co'ol s'elan vo' ta xbein ti chu' vacaxe, ti ajapome.”

Éxodo 3:8

Jech o xal liyal talel yo' tal jpojic ti oyic ta yoc ta sc'ob ti egipcioetique. Ta jloq'ues batel li' ta jteclume. Ta xquic' batel ta lequil banomil ti bu lec jamale, ti bu co'ol s'elan vo' ta xbein ti chu' vacaxe, ti ajapome. Ti banomil taje, ja' ti osil bu nacalic ti cananeoetique, ti hititaetique, ti amorreoetique, ti ferezeoetique, ti heveoetique, ti jebuseoetique.

Deuteronomio 4:5

Ta sventa ti oy c'usitic jbel tsots albile, xchi'uc ti c'usitic nopbil yu'un ti Dios cu'une, yu'un laj xa jchanubtasoxuc yu'un ti mantaletique, yo' jech ta xavabtelanic ta spasel ta jteclum ti bu ta xavu'ninique.