Éxodo 12:22 - Bible in Tzotzil de Chamula

²² Ti xch'ich'ele, tsots sc'oplal ta xach'amic ta jun xch'amobil. C'asic talel xtoc jyomuc yanal hisopo te', ti ts'ajic ta ch'ich'e. Bonic ta ch'ich' sjunul smarcoil ti ti'nae. Mu me buch'u junucal xloc' batel ta sna c'alal mu to ta sacub ti osile.

Bible in Tzotzil de Chenalhó with Deuterocanon

²² Ch'ambeic li xch'ich'ale. Sa'ic tal jyomuc isopo te', ts'ajic ta ch'ich', bonic ta xcha'jotal yoyal sti' anaic xchi'uc ta smarcoaltac. Pero me junuc mu me boch'o xloc' ta sna avu'unic, ja' to me isacub osile.

Éxodo 12:22 Iomraidhean Croise

Salmos 51:7

Mesun tusun ta hisopo te', mesbil ta xic'ot unbi; pocun un, x'ech'uc to sac lapanel ta xicom jech c'u cha'al ti bote.

Éxodo 12:7

Ac'o xch'ambeic xch'ich'el ti chon bolome, xchi'uc ac'o sbonic ta smarcoil ti'na ti bu ta xich' ti'el ti chon bolome.

Isaías 26:20

Batan, jteclumal, ochan batel ta ana. Maco ti ti'na ta apate. Nac'o aba uni jliqueluc, ja' to mi ech' sc'ac'al yo'nton ti Diose.

Números 19:18

Mi laj une, ta xtal jun vinic ti mu'yuc soquesoj sbae. Ta stsac jvichuc sc'ob hisopo te' ti ta sts'aj ochel ta vo'e. Ta svits'ulta batel xchi'uc ti Axibalnae, ti lech-lech taq'uine, ti buch'utic oyic to ox ta yute, xchi'uc ti buch'u laj stic' sba ta spiquel ti jmilele, mi ja' ti lequil chamel laj ya'ie, mi ja' ti baque, mi ja' ti muquinale.

San Mateo 26:30

C'alal laj yo'ntonic ta sq'uejintael q'uejimoletique, batic ta vits Olivos.

Hebreos 11:28

Ti jech c'otem ta yo'nton ta xch'unel ti Moisese, laj sliques ti q'uin Colele. Laj yal mantal ti ac'o yich' bonel ta ch'ich' ti ti' naetique yo' jech mu xmilbat sbanquilal nich'nabic ti israeletic yu'un ti jmilvanej ánjele.

Hebreos 12:24

Lanopajic xtoc ta stojol ti Jesuse, ti ja' j'et'esej-c'op yu'un ti ach' tratee. Lanopajic ta stojol xch'ich'el Jesús ti laj smale, ti ja' x'ech' to yutsil ta xac' ta na'ele, ti ja' mu sta sc'oplal xch'ich'el ti Abele.

Hebreos 9:1

Ti ba'yel tratee, oy smantaliltac c'u s'elan ta ich'el ta muc' ti Dios ta ch'ulna li' ta banomile.

Hebreos 9:14

Ti mi ja' jech taj une, buc xa la xch'ich'el ti Cristo ti ja' x'ech' to jelavem ti yip xu' yu'une. Ti jech coltabil yu'un Ch'ul Espíritu ti sbatel osil cuxule, ti Cristoe laj yac' sba ta milel ta stojol Dios ti c'ot ta jun matanal ti mu'yuc xchopolale, yo' ta xcac' jbatic ta tunel ta stojol ti Dios ta sventa ti tun ti xch'ich'el ta spoquel stusel ti sbolil jol co'ntontic ti naca ch'ayel jq'uelojtic batel yu'une.

Hebreos 9:19

Yu'un ti Moisese laj yavta scotol ti oy c'usi tsots sc'oplal albil ta stojol scotol ti jteclume. Laj taj une, laj stsac tsajal tsots xchi'uc jun sc'ob hisopo te'. Laj sts'aj ta xch'ich'el ti ch'iom tot vacaxetique xchi'uc xch'ich'el ti tentsunetic ti capal ta vo'e. Lic svaj ta sba ti jpoc svunal yu'un ti oy c'usi tsots sc'oplal albile, xchi'uc ta sba scotol xtoc ti jteclume.

Josué 2:19

Yan ti mi oy buch'u loc' batel ta ana une, sa'bil xa yu'un mi chame. Ma'uc xa cajal ta xc'ot ta jbacutic. Ja'uc le' une, mi oy buch'u laj sta milel ti oy ta yut anae, jbainojcutic ta xc'ot unbi.

1 Pedro 1:2

Ti vo'oxuque t'ujbiloxuc yu'un ti Jtotic Dios jech c'u cha'al snopoj ono'ox ta vo'nee. Yu'un ta sventa ti Ch'ul Espíritue, ventainbil lac'otic yu'un yo' jech ta xapasic c'usi ta sc'an ti Diose, xchi'uc ti pocbil tusbiloxuc lac'otic ta sventa xch'ich'el ti Jesucristoe. Yepaluc ac'o sva'an sba ta atojolic, ac'o yac'boxuc slamajemal avo'ntonic.