Éxodo 12:2 - Bible in Tzotzil de Chamula

² —Ti u li'e, na'bil lec ta xcom avu'unic, yu'un ja' sliqueb u yu'un ti jabile.

Bible in Tzotzil de Chenalhó with Deuterocanon

² “Li u li'i, ja' li sliqueb u yu'un jabile, tsots me sc'oplal chcom avu'unic.

Éxodo 12:2 Iomraidhean Croise

Ester 3:7

Ta sba u yu'un ti jabile, ti u sbiinoj Nisane, ti ja' xlajchebal (12) xa jabil stic'lej ta ajvalil ti Asueroe, lic sq'uelic yorail, ta stojol Amán, ta sventa yo' jech ta sna'ic c'usi c'ac'alil, c'usi ual ta xc'ot ta pasel yu'unic ti c'usi nopbile. Vinaj ti ta xc'ot ta yoxlajunebal (13) c'ac'al yu'un xlajchebal (12) ue, ta yual ti sbiinoj Adare.

Éxodo 12:1

Xi laj yal ti Dios ta stojol ti Moisese xchi'uc ti Aarón ti tey ta Egiptoe:

Éxodo 12:18

Ta xlic ave'ic pan ti mu'yuc yich'oj ti spajubtasobil ta smaleb c'ac'al yu'un ti xchanlajunebal (14) sliqueb ue, c'alal to ta smaleb c'ac'al ta jun xcha'vinic (21) c'ac'al yu'un ti u ta xc'ot ta tsutsele.

Éxodo 12:3

Va'i un, xi s'elan xcholet xavalbe ya'i scotol ti jnaclej israeletique: ‘Ta slajunebal (10) c'ac'al yu'un ti u li'e, ti jujunoxuc ta jujuchope ta xaviq'uic talel jcotuc chij, mi ja' jcotuc tentsun.

Éxodo 13:3

Va'i un, ti Moisese xi laj yalbe ya'i ti xchi'iltaque: “Mu xach'ay ta avo'ntonic ti c'ac'al li'e. Ja' o yorail ta smuc'ul stsatsal ti Diose, laj sloq'uesoxuc talel ta Egipto, ti bu to ox tiq'uiloxuc ta mosovile. Tsots sc'oplal ti mu xave'ic ti pan ti yich'oj spajubtasobile.

Éxodo 13:4

Ti c'ac'al ta xaloq'uic batel tanae, ja' yual Abib.

Éxodo 23:15

Ta xapasbeic sq'uinal pan ti ch'abal ac'bil ti spajubtasobile. Jech c'u cha'al calojboxuc ava'iic ti jmantale, vucub (7) c'ac'al sjalil ta xave'ic pan ti ch'abal ac'bil ti spajubtasobile. Ti jech albil sc'oplal taje, ja' me ta yual Abib, yu'un ti jech u laloq'uic talel ta Egiptoe. Yu'un mu'yuc buch'u junuc xu' ta xtal ta jtojol ti mi mu'yuc c'usi yich'oj talele.

Éxodo 34:18

“Pasic ti q'uin ti yorail ta xich' ve'el ti pan ti mu'yuc ac'bil spajubtasobile. Co'ol s'elan jech c'u cha'al laj calboxuc ava'iique, vucub c'ac'al sjalil ta xave'ic pan ti mu'yuc ac'bil spajubtasobile. Ti t'ujbil ta sc'ac'alil ta x'ech'e, ja' me ta yual Abib, yu'un ja' jech yual laloq'uic talel ta Egipto.

Éxodo 40:17

C'alal ta xa xlic stam xchibal jabil sloq'uelic talel ta Egiptoe, ta sba sc'ac'alil yu'un ti sliquebal ue, ja' o c'ot ta chapajel ti lic va'iuc ti Axibalnae.

Ezequiel 45:18

“Xi ta xcal ti vu'un Diosune: Ta sliquebal c'ac'al yu'un ti sliqueb ue, ta xavaq'uic ta matanal jcot ch'in tot vacax mi jutebuc xchopolil yo' ta xich' mesel tusel ti ch'ulna ta scoj ti mulile.

Ezequiel 45:21

“Ta xchanlajunebal (14) c'ac'al yu'un ti sliqueb ue, ta xaliquesic ta spasel q'uin Colel, vucub (7) c'ac'al sjalil mu'yuc yich'oj spajubtasobil ti pan ta xave'ique.

Levítico 23:5

“Ta smalil c'ac'al ta xchanlajunebal sc'ac'alil ti sliqueb ue, ta xich' pasel sna'obil ti q'uin Colel sventa yich'el ta muc' ti Diose.

Números 28:16

“Ta xchanlajunebal sc'ac'alil ta sliqueb u yu'un ti jabile, ta xich' pasel ti q'uin Colele ta sventa yich'el ta muc' ti Diose.

Deuteronomio 16:1

“C'alal ta xc'ot yual ti Abib sbie, c'otuc ta pasel avu'unic ti ta xapasic sna'obil ti q'uin Colel sventa yich'obil ta muc' ti Ajvalil Dios avu'unique, yu'un ja' o me yu'al jech ac'ubal ti c'alal laj sloq'uesoxuc talel ti Ajvalil Dios avu'unic ta Egiptoe.