Éxodo 12:16 - Bible in Tzotzil de Chamula

¹⁶ Ti c'u s'elan ta xapasic ti ta sliquebal sba c'ac'ale, ja' jech ta xapasic ti ta yucubal c'ac'ale, yu'un ta xapasic ch'ul tsoblej. Yu'un ti jech c'ac'al taje, mu xa'abtejic, ja' no'ox mi tsots sc'oplal ta xameltsan ave'elic ti jujune.

Bible in Tzotzil de Chenalhó with Deuterocanon

¹⁶ Ta sba c'ac'al xchi'uc ta svucubal c'ac'ale, tsc'an chapasic jun ch'ul tsobajel. Li chib c'ac'al le'e mu xu' cha'abtejic. Ja' no'ox xu' chameltsan jutuc ave'elic.

Éxodo 12:16 Iomraidhean Croise

Éxodo 16:23

Va'i un, xi albatic yu'un ti Moisese: —Ti va'i s'elan taje, ja' no'ox jech yaloj mantal ti Diose. Yu'un ti oc'ome, ja' cuxob o'ntonal, jun cuxob o'ntonal ti ja' t'ujbil yu'un ti Diose. Meltsanic ti ave'elic ti c'u s'elan sc'an meltsanel ti jun c'ac'al li'e. Lacanic ti c'usi sc'an lacanele, ti c'usi sc'an pasel ta xavilique. Ti c'u yepal ta xcom scomelale, q'uejic sventa yoc'omal.

Éxodo 16:29

Aq'uic ta venta ti vu'un Ajvalilun ti cac'oj jun c'ac'al ti cuxobil o'ntonale. Jech o xal ti c'alal ta sta ti svaquibal (6) c'ac'ale, ta xcac'boxuc ave'elic sventa chib c'ac'al. Ja' yu'un un, ti yucubal (7) c'ac'ale, mi ja'uc xaloq'uic ta anaic, tey comanic.

Éxodo 16:5

Yan, c'alal ta sta ti svaquibal (6) c'ac'ale, ti c'u ono'ox yepal ta xchapanic ti ta xich'ic batel ta nae, le' une, sc'an ac'o xchapanic ta sventa chib c'ac'al ti c'u yepal ta stsobic ono'ox ti jujun c'ac'ale.

Éxodo 20:10

Yan ti ta yucubal (7) c'ac'ale, ja' cuxob o'ntonal ti t'ujbil yu'un ti Ajvalil Dios avu'unique. Mi ja'uc xa'abtejic jset'uc ti jech c'ac'al taje, mi ja'uc ti aquerem nich'one, ti avantsil nich'one, mi ja'uc ti amosov vinique, ti antse, mi ja'uc ti chon bolometic avu'une, mi ja'uc ti jyanlum ti oy ta atojole.

Éxodo 34:18

“Pasic ti q'uin ti yorail ta xich' ve'el ti pan ti mu'yuc ac'bil spajubtasobile. Co'ol s'elan jech c'u cha'al laj calboxuc ava'iique, vucub c'ac'al sjalil ta xave'ic pan ti mu'yuc ac'bil spajubtasobile. Ti t'ujbil ta sc'ac'alil ta x'ech'e, ja' me ta yual Abib, yu'un ja' jech yual laloq'uic talel ta Egipto.

Isaías 1:13

Mu xa xavich'beicun talel matanaletic ti mu'yuc xa sc'oplal cu'une. Mu xa ts'icbaj ta xca'i ti xch'ailale. Ti vo'oxuque ta xatsobic talel ta svolel ti jteclum ta spasbel sq'uinal ti ach' ue, xchi'uc sc'ac'alil ti cuxob o'ntonale, ja'uc le' une, mu ts'icbaj ta xca'i sq'uinic ta spasic ti jchopol jnaclejetic ti mu xicta sba ta spasel ti c'usi chopole.

Levítico 23:21

“Ti jech c'ac'al taj une, tsots sc'oplal ta xapasic jun ch'ul tsoblej. Mi jtosuc abtel stac' xapasic. Taje, ja' jun mantal ti na'bil ta xcom ti ta x'ech' ta stojol ti totil me'ile, xchi'uc ti alab nich'nab ti buyuc no'ox nacaloxuque.

Levítico 23:27

“Ta slajunebal c'ac'al yu'un ti yucubal ue, ja' sc'ac'alil ti ch'aybil ta xc'ot ti mulile. Tsots sc'oplal ta xapasic jun ch'ul tsoblej, xchi'uc ta xavicta avotic ti jech c'ac'al taje, xchi'uc ta xachiq'uic ti matanal sventa yich'el ta muc' ti Diose.

Levítico 23:35

Va'i un, ti sliqueb c'ac'ale, ta xapasic jun ch'ul tsoblej. Mi ja'uc jtosuc abtel ta xapasic.

Números 28:18

Ti sliquebal c'ac'al yu'un ti yucubal c'ac'ale, ta xich' pasel jun ch'ul tsoblej. Ti jech c'ac'al taje, mi ja'uc xavabtelanic jtosuc abtel.

Números 28:25

C'alal ta sta ti yucubal c'ac'ale, ta xapasic jun ch'ul tsoblej. Yu'un ti jech c'ac'al taje, mi jtosuc tsots abtel ta xich' pasel.

Números 28:26

“Ti c'alal ta xc'ot sc'ac'alil sq'uinal ti sba sat ts'unubal ti c'alal ta xavac'beic Dios ti ach' sba sat ti jchop o ta trigoe, ti xcaltique, ja' ti q'uinetic ta x'ech' sjunul xemunae, ta xapasic jun ch'ul tsoblej xtoc. Yu'un ti jech c'ac'al taje, mi jtosuc tsots abtel ta xich' pasel.

Números 29:1

“Ti sba c'ac'al yu'un ti yucubal ue, oy ch'ul tsoblej avu'unic. Ti jech c'ac'al taje, mi jtosuc abtel ta xavabtelanic. Yu'un ja' o sc'ac'alil ta xavinajesic ta yoq'uisanel ti oq'uese.

Números 29:12

“Ta yo'lajunebal sc'ac'alil ti yucubal ue, ta xapasic jun ch'ul tsoblej. Ti jech c'ac'al taje, mi ja'uc xavabtelanic jtosuc abtel. Yu'un vucub c'ac'al sjalil ta xapasic q'uin sventa yich'el ta muc' ti Diose.

San Juan 19:31

Jun xa c'ac'al sc'an ti q'uin Colele. Ti israeletique mu sc'anic ti jipil ta curus ta xcom sbec'tal ti jmileletic c'alal ta sta sc'ac'alil ti cuxob o'ntonale, yu'un ja' jun c'ac'al ich'bil ta muc' yu'unic. Jech o xal laj sc'anbeic ti Pilatoe, ac'o yal mantal ti ac'o yich'ic c'asbel sbaquil yo'ic ti buch'u jipil ta curuse, yo' xu' ta syalesic talel ta curus ti sbec'talique.

Deuteronomio 16:8

Yu'un vaquib c'ac'al sjalil ta xave'ic pan ti ch'abal ac'bil ti spajubtasobile. Ja'uc ta yucubal c'ac'al une, ta xapasic jun muc' ta ch'ul tsoblej sventa stael ta na'el ti Ajvalil Dios avu'unique. Yu'un ti jech c'ac'al taje, mi jtosuc abtel ta xavabtelanic.