Éxodo 12:15 - Bible in Tzotzil de Chamula

¹⁵ Vucub c'ac'al sjalil ta xave'ic pan ti mu'yuc yich'oj ti spajubtasobile. Yu'un ta xlic ta sliquebal sba c'ac'al ti ch'abal xa yich'oj spajubtasobil ti pan ta anaique. Buch'uuc no'ox ta sve' pan ti yich'oj spajubtasobil ti vucub c'ac'al taje, tenbil ta xloc' ta stojol ti israeletique.

Bible in Tzotzil de Chenalhó with Deuterocanon

¹⁵ Vucub c'ac'al te xlic ave'ic batel pan ti mu'yuc yich'oj svolesubil xch'ute. Ta sba c'ac'ale tsc'an mu'yuc xa boch'o oy svolesubil xch'ut pan te ta sna. Me oy boch'o tsve' pan ti yich'oj svolesubil xch'ut li vucub c'ac'al xbate, taquic loq'uel ta atojolic.

Éxodo 12:15 Iomraidhean Croise

Génesis 17:14

Yan ti buch'u mu xich' ti circuncisione, tsots sc'oplal ac'o yich' ch'aquel loq'uel ta atojolic ta scoj ti mu xac' ta venta ti jtratee.

2 Crónicas 30:21

Vucub c'ac'al (7) sjalil un, xmuyubajic no'ox ta j'ech'el oyic ta Jerusalén ti israeletic ta spasbel q'uin c'alal ta xich' ve'el pan ti ch'abal yich'oj spajubtasobile. Stuc xa no'ox jech xlomet yu'unic ti ep ta tos ch'ul músicaetic ti xlic xcaj stoyel xi'el Dios yu'unic jujun c'ac'al ti paleetique, xchi'uc ti levitaetique.

Esdras 6:22

Vucub c'ac'al sjalil xmuyubajic laj spasic q'uin, laj sve'ic pan ti ch'abal ac'bil ti spajubtasobile. Ac'bat smuyubajel yo'ntonic yu'un Dios ti c'uxubinatic yu'un ti ajvalil ta Persiae, ti coltaatic ta xcha'meltsanel xch'ulna ti Diose, Dios yu'un ti Israele.

Éxodo 12:8

Ti jech ac'ubal taje, vobil ta c'oc' ta xati'ic ti beq'uete, capal ta ch'ail itaj, xchi'uc pan ti mu'yuc yich'oj ti spajubtasobile.

Éxodo 13:3

Va'i un, ti Moisese xi laj yalbe ya'i ti xchi'iltaque: “Mu xach'ay ta avo'ntonic ti c'ac'al li'e. Ja' o yorail ta smuc'ul stsatsal ti Diose, laj sloq'uesoxuc talel ta Egipto, ti bu to ox tiq'uiloxuc ta mosovile. Tsots sc'oplal ti mu xave'ic ti pan ti yich'oj spajubtasobile.

Éxodo 23:15

Ta xapasbeic sq'uinal pan ti ch'abal ac'bil ti spajubtasobile. Jech c'u cha'al calojboxuc ava'iic ti jmantale, vucub (7) c'ac'al sjalil ta xave'ic pan ti ch'abal ac'bil ti spajubtasobile. Ti jech albil sc'oplal taje, ja' me ta yual Abib, yu'un ti jech u laloq'uic talel ta Egiptoe. Yu'un mu'yuc buch'u junuc xu' ta xtal ta jtojol ti mi mu'yuc c'usi yich'oj talele.

Éxodo 30:33

Yan ti mi oy buch'u ta xchapan yan aceite ti co'ol jech c'u cha'al taje, mi ta smalbe ta sba ti buch'uuc no'oxe, tenbil ta xloc' ta stojol ti xchi'iltaque.’ ”

Éxodo 30:38

Yu'un mi oy buch'u ta smeltsan yan pom ti co'ol s'elan ti ja' no'ox c'upil ta xa'i ti smuile, ten xi loq'uel ta stojol ti xchi'iltaque.”

Éxodo 31:14

Ti sc'ac'alil cuxob o'ntonale, ja' ch'ul c'ac'al avu'unic. Jech o xal tsots sc'oplal ta xavich'ic ta muc'. Ti buch'u mu xich' ta muc' ti jech c'ac'al taje, ti ja' no'ox ta x'abteje, chapal sc'oplal ta xich' milel.

Éxodo 34:18

“Pasic ti q'uin ti yorail ta xich' ve'el ti pan ti mu'yuc ac'bil spajubtasobile. Co'ol s'elan jech c'u cha'al laj calboxuc ava'iique, vucub c'ac'al sjalil ta xave'ic pan ti mu'yuc ac'bil spajubtasobile. Ti t'ujbil ta sc'ac'alil ta x'ech'e, ja' me ta yual Abib, yu'un ja' jech yual laloq'uic talel ta Egipto.

Éxodo 34:25

“Ti xch'ich'el ti milbil chon bolometic ti ta xich' svocolique, mu me jmojuc ta xavaq'uic xchi'uc ti pan ti yich'oj ti spajubtasobile. Mi ja'uc xaq'uejbeic scomelal ta yan c'ac'al ti milbil chon bolom ti ja' sventa q'uin Colele.

Levítico 17:10

“Ta jcontrain scotol ti israeletique, mi ja' ti jyanlum ti nacal ta atojolique, ti c'uc no'ox s'elan ta stun ta slajes ti ch'ich'e. Ta jten loq'uel ti ta ateclumalique.

Levítico 17:14

Yu'un ti ch'ich'e, ja' xcuxlejal scotol ti c'usi xvic'lajet sate. Jech o xal un, laj calboxuc ava'iic ti mu xu' xatun xalajesic ti ch'ich'e. Yu'un ti buch'uuc no'ox ta stun ta slajes ti ch'ich'e, tenbil ta xloc'.

Malaquías 2:12

Oc la ta alel ti tubbatuc ya'i sc'oplalic yu'un Dios ti jteclumaltic ti buch'utic yac'ojbeic yipal ta spasel ti va'i s'elan taje, mu'yuc ta alel buch'uuc no'ox, manchuc mi ta xich'ic talel ti matanaletic ta stojol Dios ti scotol xu' yu'une.

Números 28:17

Ta yo'lajunebal sc'ac'alil ti u taje, ja' o yutsilal ti q'uin ta j'ech'ele. Vucub c'ac'al sjalil xtoc ta xich' ve'el ti pan ti mu'yuc ac'bil ti spajubtasobile.

Números 9:13

Yan ti buch'u ta xicta sba ta spasel q'uin Colel ti c'alal mu'yuc soquesoj sbaique, ti mu'yuc nom batemique, tenbil ta xloc' ta stojol ti xchi'iltaque. Yu'un mu'yuc laj yac'be smoton ti Dios ti c'alal ja' o sc'ac'alile. Ta xich' tsitsel yu'un ti smule.

San Mateo 16:12

Va'i un, ti yajchanc'optaque ya'ibeic smelol ti albatic yu'un Jesús ti bijicuc yu'un spajubtasobil ti pane, ja' sc'oplal ti c'u s'elan ta xchanubtasvanic ti fariseoetique xchi'uc ti saduceoetique.

San Lucas 12:1

C'alal ja' o jech ta xlo'ilaje, ep ta mil laj stsobilan sbaic talel jnaclejetic ti mu sventaicuc ta stacoltaan sbaique. Ti Jesuse ba'yel xi laj yalbe ya'i ti yajchanc'optaque: —Bijanic yu'un spajubtasobil spanic ti fariseoetique. Ti xcaltique, ja' sc'oplal ti c'u s'elan ta spac'ta sbaique.

San Lucas 2:43

C'alal laj ti q'uine, sutic batel ta snaic. Ja'uc ti ch'in querem Jesuse, com ta Jerusalén, mu sna'ic ti stot sme'e.

Hechos 12:3

Ti jech laj spas taje, toj lec laj ya'iic ti israeletique. Jech o xal laj stsac ta chuquel ti Pedro eque. Taje, ja' o c'ot ta pasel ta yorail q'uin ti ta xich' ve'el pan ti ch'abal yich'oj ti spajubtasobile.

Gálatas 5:12

Ti oc ta alele, ta lec no'ox, ac'o sboj sba stuquic ti buch'utic ta xilbajinoxuc ta yich'el ti circuncisione.

Deuteronomio 16:3

“Ti milbil chon bolometique, ta xalajesic xchi'uc pan ti ch'abal ac'bil ti spajubtasobile. Vucub c'ac'al sjalil ta xave'ic pan ti ch'abal ac'bil ti spajubtasobile, ti ja' jun pan sventa svinajeb oy ti vocole, yu'un ta jech no'ox yepal laloq'uic talel ta anil ta Egiptoe. Ti jech to cuxuloxuc une, vuleso ta avo'ntonic ti sc'ac'alil laloq'uic talel ta Egiptoe.

Deuteronomio 16:5

Mi ja'uc buyuc no'ox ta xavaq'uic milbil matanal ta jujun lumetic ti bu la'ac'batic yu'un ti Ajvalil Dios avu'unique.

Deuteronomio 16:8

Yu'un vaquib c'ac'al sjalil ta xave'ic pan ti ch'abal ac'bil ti spajubtasobile. Ja'uc ta yucubal c'ac'al une, ta xapasic jun muc' ta ch'ul tsoblej sventa stael ta na'el ti Ajvalil Dios avu'unique. Yu'un ti jech c'ac'al taje, mi jtosuc abtel ta xavabtelanic.