Éxodo 12:13 - Bible in Tzotzil de Chamula

¹³ ‘Yu'un ti ch'ich'e, ja' ta xtun ta senyail ti ta xvinaj ti bu nail tiq'uiloxuque. Jech ti c'alal ta jyayijes ta milel ti egipcioetique, mi junuc ta xachamic. Yu'un ta xquil bu oy ti ch'ich'e, jelavel ta xijelav.

Bible in Tzotzil de Chenalhó with Deuterocanon

¹³ ‘Li xch'ich'al chije ja' chtun ta sventa senyail yu'un jech chquil ti bu jbejucal anaique. C'alal ch-ech' jmilbe sba xnich'nabic li egiptoetique, me laj quil li ch'ich'e, ta xijelov no'ox batel. Jech mu'yuc boch'o chcham avu'unic vo'oxuc li israeloxuque.

Éxodo 12:13 Iomraidhean Croise

Génesis 17:11

Yu'un tsots sc'oplal ta xich' joyel loq'uel ta setel ti snuculil sjol ac'unilique. Ti jech taje, ja' senyail cu'untic ti oy xa ta atojolic ti tratee.

Éxodo 12:11

Caj lapic xa ti ac'u'ique, ti axonobique, ti teyuc xa ta ac'obic ti anabte'ique, ti sujomoxuc ta ve'ele. Yu'un ja' xa sliquebal Colel yu'un ti Diose.

Éxodo 12:23

C'alal ta x'ech' ti Dios ta syayijesel ta milel xnich'nab ti egipcioetique, ta xil ti ch'ich' ti bonbil ta sjunul smarcoil ti ti'nae, jelavel ta xjelav xtoc ti ta na taje. Ja' jech ti Diose mu xac' ochuc ta anaic ti buch'u yich'oj yabtel ta yayijesvanej ta milele.

Éxodo 12:7

Ac'o xch'ambeic xch'ich'el ti chon bolome, xchi'uc ac'o sbonic ta smarcoil ti'na ti bu ta xich' ti'el ti chon bolome.

Ezequiel 9:4

Xi albat xtoc une: “Xani o sjunul ti jteclum Jerusalene. Ac'bo senyail ta sti'ba ti buch'u ta xa'i ti at-o'ntone, xchi'uc ti toj vocol ta xa'i ti c'usitic mu stac' q'uelel ta xc'ot ta pasel ti ta stojolique.”

1 Tesalonicenses 1:10

Ta xalic xtoc ti amalaojic ta xcha'sut talel ta vinajel ti Jesuse, ti ja' Xnich'on Diose, ti Buch'u cha'cuxesat yu'un ti Diose, ti Jpojvanej cu'untic yo' mu xquich'tic ti tsots tsitsel ti ta to xtale.

Hebreos 11:28

Ti jech c'otem ta yo'nton ta xch'unel ti Moisese, laj sliques ti q'uin Colele. Laj yal mantal ti ac'o yich' bonel ta ch'ich' ti ti' naetique yo' jech mu xmilbat sbanquilal nich'nabic ti israeletic yu'un ti jmilvanej ánjele.

Josué 2:12

Jech o xal un, avocolicuc, va'ano abaic ta yalbelun avi li'e, xchi'uc ta sba ta sat ti Diose, ti c'uxubinicun xchi'uc ti cuts' calaltac jech c'u cha'al laj jc'uxubinoxuque. Ac'bun quil ec un ti yutsilal slequilal avo'ntonique.

Josué 2:18

C'alal mi li'ochcutic talel ta yu'ninel ti lume, ti tsajal ch'ojon li'e, ti ta xiyalcutic batel yu'une, tsots sc'oplal ta xajoc'an ta ventana. Tsobo talel ta ana ti atot ame'e, ti achi'iltac ta voq'uele, xchi'uc scotol ti yuts' yalaltac ti atote.

1 Juan 1:7

Mi oyotic ta saquilal osil jech c'u cha'al ti Dios oy ta saquilal osile, va'i unbi, co'ol co'ntontic jcotoltic. Ja' jech xtoc xch'ich'el ti Xnich'one, ja' ti Jesucristoe, ta spoc ti c'usiuc no'ox mulil ti oy ta jtojoltique.