Éxodo 12:12 - Bible in Tzotzil de Chamula

¹² Yu'un ti jech ac'ubal taje, ta xi'ech' ta stojol scotol ti egipcioetic ti ta jyayijesbe ta milel scotol ti sbanquilal nich'nabic ti jujuchop jnaclej egipcioetique, xchi'uc scotol ti sba yoltac ti xchon sbolomique. Yu'un ta jchapan ya'iic ti diosetic yu'un ti egipcioetique. Yu'un jech xcal ti Vu'un Ajvalilune.

Bible in Tzotzil de Chenalhó with Deuterocanon

¹² Te no'ox ta yac'ubalil ta xijelov ta scotol li Egiptoe. Ta x'ech' jmilanbe sba xnich'nab li egiptoetic ta jujubej snaique xchi'uc li sba yol sts'unub yovolique, yu'un chcac' ta ilel ti mu'yuc svu'el li diosetic yu'unique. Jech ta jpas, vu'un li Muc'ul Diosune.

Éxodo 12:12 Iomraidhean Croise

1 Crónicas 14:12

Ma'uc no'ox un, ti filisteoetique, stuc laj sjipic comel ti sdiosique. Ti David une laj yal mantal ti ac'o yich' chiq'uele.

Salmos 135:8

Laj syales yoc sc'ob ta smilel scotol ti banquilal nich'nabiletic yu'un ti jujuchop jnaclej egipcioetique, xchi'uc sba yoltac ti chon bolometic yu'unique.

Salmos 82:1

Ti Diose chotol c'ot ec un xchi'uc ti j'abteletic ti yich'ojic tsots yabtelic ti oy ta toyol cajale, ti jamal xi ta x'albat ti smulique:

Salmos 82:6

Acotolic dioseticoxuc ec xacutic ono'ox; acotolic xnich'naboxuc ti Buch'u oy ta toyole.

Salmos 91:7

Jmil (1,000) ta vo' chamemic ta xyalic ta lum ta stuq'uil ats'et c'ob; lajunmil (10,000) ta vo' chamemic ta xyalic ta lum ta stuq'uil abats'i c'ob, ti vo'ot une, mu'yuc c'usi xanuptan xayain.

Salmos 95:3

Yu'un ti Ajvalile, ja' muc'ul Dios, muc'ul Ajvalil yu'un ti diosetique.

Éxodo 12:23

C'alal ta x'ech' ti Dios ta syayijesel ta milel xnich'nab ti egipcioetique, ta xil ti ch'ich' ti bonbil ta sjunul smarcoil ti ti'nae, jelavel ta xjelav xtoc ti ta na taje. Ja' jech ti Diose mu xac' ochuc ta anaic ti buch'u yich'oj yabtel ta yayijesvanej ta milele.

Éxodo 18:11

ti mu albajuc chopol ti c'usi laj spasboxuque. Avi ta un, ta jna' lec ti jelavem smuc'ul stsatsal ti Diose, ti ja' mu sta scotol ti yan diosetique.

Éxodo 21:6

va'i un, ti yajvale ta xic' batel ta stojol ti Diose. Xbat sva'an ta ti'na, mi ta smarcoil ti'na. Tey ta sjombe xchiquin ta jun jich'il ni' taq'uin. Ja' yu'un un, ja' smosov o ta xcom.

Éxodo 22:28

“Mi ja'uc xasoquesbe yo'nton ti Diose. Mu xabis ta cotol chaval ti ajvaliletic yu'un ti alumale.

Éxodo 6:2

Ti Moisese xi albat yu'un ti Dios yan veltae: —VU'UN TI AJVALILUNE.

Éxodo 9:6

Ta yoc'omal un, jech laj spas ti Diose. Cham scotol xchon sbolomic ti egipcioetique. Yan ti israeletique, mi ja'uc jcotuc cham ti xchon sbolomique.

Isaías 19:1

Xi ta xcaj'albat ti muc' ta lum Egipto ti ta xich' contrainele: Q'uelo avilic ti Dios une: Ta xtal ta Egipto ti xvolet no'ox talel ta anil ti cajal ta ba toque. Ti c'usitic meltsanbil ta c'abal ta lum Egiptoe, xniquic xa ta xi'el ta stojol, ti batem xa xch'ulel ta xi'el ti egipcioetique.

Jeremías 43:12

Ti xch'ulnatac loc'tabil diosetic ta Egiptoe, ta xich' tilesanbel sc'ac'altac. Lats xi ta c'oc' ec ti loc'obbail diosetic yu'une, mi mo'oje, co'ol s'elan jchuquel poy xi batel ya'i yajval. Mesel ta xcom yu'un ti muc' ta lum Egiptoe. Ta spas ta stojol jech c'u cha'al junuc jq'uel-chij ti ta slilin lec loq'uel ti xch'aquil xchij xcuchoj ti sc'u'e. Mi laj une, mu'yuc buch'u spajesun ti bu sq'ueloj batele.

Jeremías 43:13

Ta xchichin comel ta voq'uel ti c'usitic va'ajtic sloc'obbail ta Heliópolis ti oy ta yosilal Egiptoe, xchi'uc ta stilesanbe sc'ac'al ti ch'ulnaetic yu'un loc'obbail diosetic ti oy ta Egiptoe.’ ”

Jeremías 46:25

Ti Ajvalil ti scotol xu' yu'une, Dios yu'un ti Israele, xi ta xale: “Ta jtsits ya'i ma' ti Amone, ti ja' dios yu'un ti Tebae, ti banomil Egiptoe, ti diosetic yu'une, xchi'uc ti ajvaliletic yu'unique, ti faraone xchi'uc ti buch'utic spatoj yo'nton ta stojole.

Ezequiel 12:16

Ja' no'ox un, ta jpas xtoc ta stojolic ti oy to jun chibuc ta xcolic c'alal ta x'ech' ti letoe, ti c'alal ta x'ech' ti vi'nale xchi'uc ti tsots chameletique, yo' jech ti bu ta xc'otic ta jteclumetique, ta xchapbeic ya'i scotol ti c'usitic mu'yuc smelol ti c'usitic laj spasique. Ja' jech ta xlic sna'ic ti vu'un Ajvalilune.”

Amós 5:17

Ta scotol ti ts'unubaletique, c'ajomal xa oq'uel ta xvinaj c'alal ta xtal jtsitsoxuque.” Ti Ajvalile, mu me lo'iluc no'ox ta xal.

Sofonías 2:11

Ti Diose, toj xi'bal sba ta j'ech'el ti c'usi ta spas ta stojolique. Ta j'ech'el ta stubbe sc'oplal scotol ti sbiinoj diosetic yu'un ti jteclume yo' jech ti stuque ich'bil ta muc' ta xc'ot yu'unic scotol ti buyuc no'ox oyique.

Números 33:4

Ti israeletique loq'uic batel ti c'alal ja' o ch'ayal yo'ntonic ti egipcioetic ta smuquic scotol ti sbanquilal nich'onique, ti c'alal c'ot ta pasel yu'un ti Dios ti milbatique, ti ac'bat yilic ti mu'yuc c'usi xu' yu'un ta xpojvan ti sdiosique.

1 Samuel 5:3

Ti jnaclejetic ta Asdode, ti c'alal c'otic ta yoc'omale, ja' to laj yilic ti telel xa ta banomil ti dios Dagón ta sts'el xcaxa ti Diose. Va'i un, laj stoyic liquel ti Dagone, bat sva'anic comel ti bu no'ox sva'lebe.

1 Samuel 6:5

Ja' yu'un un cha'e, lic meltsanic sloc'obbail ti chacaletique, xchi'uc sloc'obbail ti ch'oetic ti ochem ta soquesel ti jteclume. Ac'beic ta cajal toyol sc'oplal ti Dios yu'un ti Israele. Ja' to nan quic ta xicta sba ta yac'bel vocol ti diosetique, xchi'uc ti osil banomile.