Éxodo 11:7 - Bible in Tzotzil de Chamula

⁷ Yo' jech ta xana'ic ti mu xco'olaj ta spas ti Dios ta stojol ti egipcioetique xchi'uc ta stojol ti israeletique, ja' yu'un un, ti bu oyique, mi ja'uc ti xme'lal oq'uic xa liquel ti ts'i'etic c'alal ta xlic yilic junuc jxanbile, mi ja' jun chon bolom yu'unic ti israeletique.

Bible in Tzotzil de Chenalhó with Deuterocanon

⁷ Yan te yo' bu nacal li israeletique, mu'yuc svocolic; me jcotuc ts'i' mu'yuc xvojvun tsti' cristiano, o me chonbolom. Jech chana'ic ti mu'yuc coltabilic yu'un Muc'ul Dios li egiptoetic, jech chac c'u cha'al coltabilic li israeletique.

Éxodo 11:7 Iomraidhean Croise

Job 5:16

C'otem ta spatobil yo'ntonic ti buch'utic abol sbaique; mu xa stoy ye sti' yu'un ti buch'utic mu'yuc xch'ulel xa'i sbaique.

Salmos 7:12

Mi ta xch'ac sba ta j'ech'el ti vinic ta stojol ti Diose, xjuxbe xa liquel ye yuni espada ma' ti Dios une, tsots xa xach'oj ti syolobe.

Éxodo 10:23

Jalij oxib c'ac'al ti mu'yuc buch'u ta xil ti slac'naique, ti mu ja'uc xa jutebuc xu' ta xloq'uic batel ti bu oyique. Yan ti bu oy sna scotolic ti israeletique, sac lec osil tey.

Éxodo 7:22

Pas yu'unic ec ta sc'op spucujic ti egipcio viniquetic ti xilic ti toyol cajale. Ja' yu'un un, c'ot ta pasel ti pucujib yo'nton ti faraone. Mu'yuc laj yich' ta muc' ti c'u s'elan albatic yu'un ti Moisese xchi'uc ti Aarone. C'ot ta pasel jech c'u cha'al yaloj ono'ox ti Diose.

Éxodo 8:19

Jech o xal un, ti buch'utic xilic ti toyol cajale, xi bat yalbeic ya'i ti faraone: —Le'e, ja' xa yabtel ti Diose. Ja' no'ox un, ti faraone pucujib ti yo'ntone. Mu xich' ta muc'. C'ot ta pasel jech c'u cha'al yaloj ono'ox ti Diose.

Éxodo 8:22

Ja' no'ox un, c'alal jech ta xc'ot ta pasel taje, ti jnich'nab ti nacalic ta Gosene, mu xlajic ta ti'el ta jts'uts'-ch'ich' vov. Yu'un mu jcotuc ta xc'ot tey. Yu'un ch'acbilic cu'un. Ja' to jech xana' ti li' oyun ta alumal ti Vu'un Ajvalilune.

Éxodo 9:26

Ac'o mi jech un, yan ti ta Gosén banomil ti bu nacalic ti israeletique, mi ja'uc jbej bot c'ot tey.

Éxodo 9:4

Yo' jech mu xcham jcotuc chon bolometic yu'un ti israeletique, ti Diose, jelel ti c'usi ta spasbe ta stojol ti chon bolometic yu'un ti israeletique xchi'uc ti chon bolometic yu'un ti egipcioetique.’ ”

Malaquías 3:18

Va'i unbi, ta xlic avilic xtoc ti mu xco'olaj ta q'uelel xchi'uc ti buch'u leque xchi'uc ti buch'u chopole, xchi'uc ti buch'utic ta snijan xchiman sbaic ta yich'el ta muc' ti Diose xchi'uc ti buch'u mu snijan xchiman sbaique.”

1 Corintios 4:7

Avi une, ¿mi yu'un ta xanop xana' ti x'ech' to lec oyote, ti ja' mu sta ti yane? Ti bijilile, ¿buch'u laj yac'bot? Mi ja' laj yac'bot ti Diose, ¿c'u cha'al ta xatoy abaic xchi'uc ti c'usi la'ac'bate, ti co'ol s'elan laj avac'be aba atuque?

Josué 10:21

Ja'uc ti lum Israele mu'yuc c'usi laj snuptanic, lec sutic talel ta Maquedá ti bu lamalic ti yane xchi'uc ti bu oy ti Josuee. Mu'yuc xa junuc ti oy buch'u ta xchopol c'opoj, ti ta stoy ye sti' ta stojol ti israeletique.