Éxodo 11:3 - Bible in Tzotzil de Chamula

³ Ti Diose laj yac' c'uxubajuc yo'ntonic ti egipcioetic ta stojol ti israeletique. Ma'uc no'ox taje, yu'un ti yaj'abteltac ti faraone laj yilic ti cajal yabtel yich'oj ti Moisese, ja' jech ta snopic sjunlej ti Egiptoe.

Bible in Tzotzil de Chenalhó with Deuterocanon

³ Li Muc'ul Diose laj yac' ti ac'o lecubuc yo'nton egiptoetic ta stojol li israeletique. Jech noxtoc li xchi'iltac ta abtel faraone xchi'uc scotol li egiptoetique laj yilic ti tsots yabtel yich'oj li Moisese.

Éxodo 11:3 Iomraidhean Croise

Génesis 12:2

Yu'un ta sventa ti anitilultaque, ta xlic c'oticuc cu'un ta jun muc' ta lum. Ta jts'uiltasot yo' jech ich'bilot ta muc' ta xac'ot, ja' sliqueb c'uxubinel ta xac'ot yu'unic ta sventa ti yane.

Génesis 39:21

ja' no'ox un, chi'inbil yu'un ti Diose. Yu'un sva'anoj sba ta stojol yo' jech ta sta ti lec x'ilat yu'un ti banquilal jchabiej chuqueletique.

2 Samuel 7:9

Ti buyuc no'ox xajoyet batele, laj jchi'inot. Laj jtubbe sc'oplal ti avajcontra ti laj stsacot ta letoe. Cajal c'ot ac'oplal cu'un jech c'u cha'al ti viniquetic ti tsots xu' yu'unic li' ta banomile.

Ester 9:4

Yu'un ti Mardoqueoe ja' xa jun vinic cajal yabtel c'otem ta sna ti ajvalile, ti puc xa batel sc'oplal ya'yejal ta scotol ti lumetique, ti jujun c'ac'al ta xich' yip ti yabtele.

Salmos 106:46

C'ot ta pasel yu'un ti ayan slequil yo'nton yu'un ti scontraique.

Éxodo 12:35

Ja' jech xtoc jech laj spasic jech c'u cha'al albilic yu'un ti Moisés ti laj sc'anbeic ti egipcioetic ti c'usitic meltsanbil ta oroe, ti ta platae, xchi'uc ti c'u'ile.

Éxodo 12:36

Jech ti egipcioetique, ac'bat xc'uxul yo'ntonic yu'un ti Diose. Jech o xal sjunul yo'ntonic laj yaq'uic batel ti c'usi ta xc'anbatic yu'un ti israeletique. Ja' jech laj spojic batel ti israeletic ti c'usi x'ayan yu'unic ti egipcioetique.

Éxodo 3:21

Ja' jech xtoc ta jpas ta stojolic ti ta x'ayan slequil yo'ntonic ti egipcioetic ta stojol ti israeletique yo' jech mu jeche'uc no'ox ameyoj avoc ac'obic ti c'alal ta xaloq'uic batele.

Isaías 60:14

Xnich'nabic ti buch'u laj yil ti avocole, ta xtal sbic'tajes sbaic ta atojol. Scotolic ti buch'utic laj sjip laj stenote, ta xtal squejan sbaic ta avoc ti xi ta xalbote, ‘Steclumalot ti Ajvalile’, ‘Sión, steclumal ch'ul Dios yu'un ti Israele’.

Hechos 7:22

Ti jech taj une, ti Moisese chanubtasat ta sventa c'u s'elan oy sbijil ti egipcioetique. Muc'tic no'ox ti c'usi ta spase. Ch'unbil ti sc'op ti c'usi ta xale.

Deuteronomio 34:10

Manchuc mi jech un, mu'yuc xa x'ayan talel j'alc'op jech c'u cha'al ma' ti Moisese ti yilojbe sba satic xchi'uc ti Dios ti c'alal ta sc'opon sbaique.

Deuteronomio 34:11

Mu'yuc xa yan j'alc'op jech c'u cha'al ti Moisese ti albat mantal yu'un ti Dios ti laj yac' iluc ti smuc'ul stsatsale, ti ch'ayal ta xc'ot o'ntonal yu'un ti laj spas ta stojol ti faraone, ti ta stojol ti yaj'opisialtaque, xchi'uc ta stojol scotol ti slumale.

Josué 4:14

Ti jech c'ac'al taje, ja' o yorail ti aq'ue ta ich'el ta muc' yu'un Dios ti Josuee, ti ch'ayal yo'ntonic ta xc'ot scotol ti israeletique, co'ol s'elan jech c'u cha'al laj spas ta stojol ti Moisés ti c'u sjalil cuxule.

Apocalipsis 3:9

Ta jpas ta mantal ti ta snijan sbaic ta atojol ti buch'utic ventainbilic yu'un ti pucuje, ti ta xalic bats'i israeletic ti c'alal ma'uque, yo' jech ta sna'ic ti c'uxot ta co'ntone.