Éxodo 11:2 - Bible in Tzotzil de Chamula

² Avi tana une, albo ya'i ti israel viniquetique xchi'uc ti antsetique, ti ac'o sc'anbeic ti c'usi x'ayan yu'unic ti slac'naic ti c'usitic meltsanbil ta oroe, ti ta platae.

Bible in Tzotzil de Chenalhó with Deuterocanon

² Li' ta orae albo ya'yic scotol achi'iltac c'alal ta vinic ta antsetic ti ac'o sc'anbeic batel c'usitic pasbil ta c'anal taq'uin, ta saquil taq'uin li egiptoetic ti te nopol nacal xchi'uquique —xut.

Éxodo 11:2 Iomraidhean Croise

Génesis 24:53

Ts'acal to un, laj sloq'uesan talel ep ta tos c'usitic meltsanbil ta oro, ta plata, xchi'uc c'u'iletic xtoc. Laj yac'be jelavel ti Rebecae. Jech xtoc ti xchi'il ta voq'uele, ti sme'e, laj yich'ic smotonic ec.

Génesis 31:9

Ja' yu'un un, c'ot ta pasel pojbat yu'un Dios ti xchijtaque yo' jech laj yac'bun.

Salmos 105:37

Ta ts'acal to un, ti Diose laj sloq'ues batel ti steclumal ti xcuchojic loq'uel ti oroe, xchi'uc ti platae, ti mu'yuc c'usi laj snuptanic ti jujuvoc' nitiluletique.

Salmos 24:1

Scotol ti banomile, ti c'usi ta xch'ie, xchi'uc scotol li c'usi cuxule, ja' yu'un ti Diose.

Éxodo 3:21

Ja' jech xtoc ta jpas ta stojolic ti ta x'ayan slequil yo'ntonic ti egipcioetic ta stojol ti israeletique yo' jech mu jeche'uc no'ox ameyoj avoc ac'obic ti c'alal ta xaloq'uic batele.

Éxodo 3:22

Ti jujun antsetique, ac'o sc'anbeic ti c'usi x'ayan yu'unic ti slac'naique, ti buch'uuc no'ox antsil nacal ta snaique. Ac'o yac'boxuc ti c'usi stac' tunesele jech c'u cha'al ti pasbil ta plata taq'uine, ti pasbil ta oroe, xchi'uc ti ac'o yac'boxuc ti c'u'iletique, yo' jech oy c'usi ta slapic ti avalab anich'nabique. Ja' jech ta xapojbeic batel scotol ti c'usi oy yu'unic ti egipcioetique.

Éxodo 32:24

Xichi laj jtac'beique: “Ti buch'u oy oro yu'une, ac'o xch'ac loq'uel.” Laj yac'beicun ti oroe. Laj jtic' ochel ta c'oc'. Ja' tey lic joybijuc talel sloc'obbail ti ch'in tot vacaxe.

Éxodo 35:22

Viniquetic, antsetic, talic scotolic taje, ti loc' ayan ta yutsil yo'ntonic ti yich'ojic talel ti c'usitic uinbile, ti yixtol c'obile, ti xoj nuc' c'obale, ti taq'uinal chiquinal meltsanbil ta oroe, xchi'uc scotol ti c'usitic yan nichimtic no'ox ti ja' meltsanbil ta oroe. Ta jujun tal laj yich'ic talel matanal oro ti tsots sc'oplal ti ja' ta xc'ot ta yu'un ti Diose.

Proverbios 13:22

Ti vinic oy yutsil slequile oy xrexto ta xictabe comel ti smamobtaque; ti c'u yepal sbusanoj sc'ulejal ti jsa'mulile, ta xc'ot ta yu'un ti buch'u oy stuq'uil yo'ntone.

Hageo 2:8

Ti platae, ti oro xtoque, ja' cu'un.

San Mateo 20:15

yu'un oy ta coc ta jc'ob ti jtaq'uin ti xu' c'usi jc'an jpas xchi'uque. ¿Mi yu'un van toj it'ix ta xava'i ti oy slequilal co'ntone?’