Éxodo 11:1 - Bible in Tzotzil de Chamula

¹ Ti Diose xi laj yalbe ya'i ti Moisese: —Ta to xcac' taluc yan tsots yilbajinel ti faraone xchi'uc ti egipcioetique. Mi laj taj une, ti faraone ma'uc no'ox ta xac' loc'anic batele, yu'un ja' stuc ta stsatsal jipoxuc loq'uel.

Bible in Tzotzil de Chenalhó with Deuterocanon

¹ Li Muc'ul Diose jech laj yalbe li Moisese: —Ta to xcac' tal yan vocol ta stojol li faraone xchi'uc ta scotol li egiptoetique. C'alal me ic'ot ta pasel le'e, te xa ta scoltaoxuc o batel li faraone. Ja' xa stuc ta stacoxuc loq'uel.

Éxodo 11:1 Iomraidhean Croise

Génesis 15:14

Jech ti vu'un eque ta xcac'be stojic ti muc' ta lum ta xmosovinvanique. Ts'acal to un, ti anitilultaque ta xcolic loq'uel talel. Ta xc'otic ta c'ulej ta j'ech'el.

Job 10:17

Xana' ono'ox ti oy rexticoetic ta sva'an sba ta scontrainelune; yich' xa yip ta j'ech'el ti sc'ac'al avo'nton ta jtojole; jech c'u cha'al epal soldadoetic ti mu'yuc spajeb nutsbilun ta xca'i yu'une.

Éxodo 12:29

Ta o'lol ac'ubal un, ti Diose, mu yalel toyoluc ech' smilbe sbanquilal nich'nabtac ti jujuchop jnaclej egipcioetique. Yu'un jech c'ot ta stojol sbanquilal nich'on ti faraón ti oy sc'oplal ti ta xich' comel ti abtele, xchi'uc ti banquilal nich'oniletic ti tiq'uilic ta chuquele, xchi'uc sba yoltac ti chon bolometique.

Éxodo 3:20

Ac'o mi jech un, ja' no'ox un, ta xcac'be yil ti jmuc'ul jtsatsale. Ta xcac'be yil ti ch'ayal ta xc'ot yo'ntonic ti jujuti' xa mu ta xchamic o ti egipcioetic ti c'usi ta jpas ta slumalique. Mi laj taj une, ja' to jech xu' ta xac' loc'anic batel ti faraone.

Éxodo 6:1

Ti Diose xi laj staq'ue: —Avi tanae, ta xavil ti c'usi ta jpas ta stojol ti faraone, yu'un ja' to ta xac' loc'uc batel ta steclumal ti mi tsots ta sta ti ilbajinele. Va'i unbi, xu' xa ta xal stuc ti ac'o loq'uicuc batele.

Éxodo 9:14

Avi tana li'e, ta xcac' taluc scotol ti vocol ta atojole, ta stojol ti avaj'abteltaque, xchi'uc ta stojol ti avinquileltaque, yo' jech xana' ti mu'yuc buch'u jech yan ti li' ta banomil jech c'u cha'al ti vu'une.

Levítico 26:21

“Mi staoj no'ox yav ta xasoquesbeicun ti co'ntone, ti toyobbaoxuc ta j'ech'ele, x'ech' to me vucub velta yipal ta jtsitsoxuc yu'un ti avocolic jech c'u cha'al oy ti amulique.

Deuteronomio 4:34

¿Mi yu'un oy bu c'otem ta pasel ya'luc sc'oplal junuc dios ti laj stsob loq'uel jun lum ta stojol yan lum ti ep ta tos ti c'usitic laj spase? Yu'un ti tey ta aba ta asatique, laj cotuc ta pasel yu'un ti jchop o ta q'uelele, ti ch'ayal ta xc'ot o'ntonal yu'une, ti xletovaj no'oxe, ti laj slaman ta bail ti bu xa c'alal xu' yu'une, ti smuc'ul stsatsal ti xi'bal sbae, laj c'otuc ta pasel yu'un ti laj spas ta atojolic ti Ajvalil Dios avu'unic ta Egiptoe.

Apocalipsis 16:9

Manchuc mi scotolic laj ya'iic tsots xq'uixnal sat ti c'ac'ale, mu'yuc sutic talel ta stojol ti Diose, mi ja'uc lequil-c'opojic ta stojol. C'ajomal no'ox naca chopol c'usitic ta xloc' ta yeic ta stojol Dios ti jnaclejetic ta banomile, c'alal ja' oy ta sc'ob ta yaq'uel ti cuxul j'ilbajinvanej vocole.

1 Samuel 6:4

—¿C'usi ta xcac'becutic ta sventa ti slajesobil yo'nton une? —xi laj sjaq'uic ti filisteoetique. —Vo'bej oro ti co'ol s'elan sloc'obbail jech c'u cha'al ti chacale —xi laj staq'uic ti stuquique—, ti jujun ta xaq'uic ti banquilaletic yu'un ti filisteoetique. Jech xtoc ta xaq'uic vo'ob oro ti co'ol s'elan sloc'obbail jech c'u cha'al junuc ch'o. Yu'un jmoj oyoxuc ta vocol xchi'uc ti banquilaletic avu'unique.