Éxodo 10:7 - Bible in Tzotzil de Chamula

⁷ Ja' yu'un un, ti yaj'abteltac ti faraone xi laj yalique: —¿C'usi to ora ta xcom jvocoltic yu'un ti vinic le'e? Ja' lec, Jcuch abtel, ti jnaclejetic li'e, ja' lec, ac'o ba yich'ic ta muc' ti sDiosique, ti ja' Ajvalile. ¿Mi mu to xatuc'ulan lec, Jcuch abtel, ti soc xa sjunlej ti Egiptoe?

Bible in Tzotzil de Chenalhó with Deuterocanon

⁷ Li xchi'iltac ta abtel faraone jech laj yalic: —¿Ajvalil, baq'uin to chlaj jvocoltic yu'un li vinic le'e? Ja' lec coltao batel li cristianoetique; ac'o bat yich'ic ta muc' li Muc'ul Dios yu'unique. ¿Me yu'un muc chavil ti ep xa isoc li Egiptoe? —xutic.

Éxodo 10:7 Iomraidhean Croise

Salmos 107:34

Ti ve'ebal banomile, ta sjoybin ta quechtic ta scoj smulic ti jnaclejetique.

Éxodo 12:33

Jech ti egipcioetique laj sujic ti israeletic ti ac'o loq'uicuc batel ta ora no'ox ti ta slumalique. Yu'un laj snopic ti xu' ta xchamic scotolique.

Éxodo 23:33

Mi ja'uc xavaq'uic nacliicuc ti ta alumalique yo' jech mu xata amulic yu'unic ta jtojol. Yu'un mi tey no'ox aq'ueloje, ta xlic anijan abaic ta yich'bel ta muc' ti sdiosique. Yu'un mi jech taje, ta xac'oxuc ta ch'ayel.”

Éxodo 7:5

C'alal mi laj xa cac' iluc ti jmuc'ul jtsatsal ta stojol ti Egiptoe, mi loc' xa talel cu'un ti israeletique, jech ti egipcioetique ja' jech ta sna'ic ti Vu'un Ajvalilune.

Éxodo 8:19

Jech o xal un, ti buch'utic xilic ti toyol cajale, xi bat yalbeic ya'i ti faraone: —Le'e, ja' xa yabtel ti Diose. Ja' no'ox un, ti faraone pucujib ti yo'ntone. Mu xich' ta muc'. C'ot ta pasel jech c'u cha'al yaloj ono'ox ti Diose.

Proverbios 29:6

Spets'al ti buch'u mu'yuc xch'ulel xa'i sbae, ta scoj no'ox smul stuc; ti buch'u oy stuq'uile mu'yuc c'usi sna', xmuyubaj no'ox cuxul.

Eclesiastés 7:26

Laj jta ta ilel xtoc un ti xi s'elan x'ech' to ti chopole, ti ja' mu sta sc'oplal ti chijchame: ja' ti ants ti sna' syac ta u'ninel ti o'ntonal ti xmeyelet xae. Mu sq'uelojuc sba ma' ti buch'u sna' xi'ta ti Diose, ja'uc ti buch'u xyal oe, yacbil xa c'ot yu'un un.

Isaías 14:20

Mu'yuc ta xavich' muquel jech c'u cha'al laj yich'ic muquel ti yan ajvaliletique, yu'un laj atubbe sc'oplal ti alumale, laj amil ti ateclumale. Snitilultac ti jti'ovale mu xjalijic sbatel osil.

Isaías 51:9

Ta smuc'ul stsatsal Dios, vic'o asat, julavan, tijo ach'ulel, tsatsajan, ac'bo yipal, vic'o asat jech c'u cha'al laj apas talel le' xa ta vo'nee. Laj asesinta ti muc' ta chanul-nab Rahab sbie.

Jeremías 48:4

“Stuc xa xch'uch'ulil busul ma' ti Moabe; x'avlajetic yu'un ti yipal xc'uxul ti c'ot c'alal to ta Zoare.

Jeremías 51:8

Ta jech no'ox yepal un, sbusus yalel ta lum ti jteclum Babiloniae. Oc'anic liquel yu'un un. Ich'ic talel poxiletic yu'un ti syayijemalique, jq'ueltic quic mi xpoxtaj to.”

Sofonías 1:18

Ti sc'ac'alil yorail ti liquem sc'ac'al yo'nton ti Diose, mu xpojat yu'un yoroic splataic ti jnaclejetique. Ti sc'ac'al stilemal sc'ac'al yo'nton ti Diose, ta stubbe sc'oplal scotol ti jteclume. Scotol ti jnaclejetic ta banomile, ta jliquel no'ox ch'ab xi ti sc'oplalique.

1 Corintios 7:35

Ti va'i s'elan laj calboxuc taje, ma'uc ta jmac avo'ntonic, ja' alequilalic, ja' no'ox ta jc'an junuc avo'ntonic, ti mu'yuc macaloxuc ta xavac' abaic ta tunel yu'un ti Cajvaltique.

Josué 23:13

ja'uc ti Dios une, mu sten loq'uel ta aba ta asatic ti jnaclejetic ti oy ta atojolique. Yu'un ja' no'ox ta xc'ot ta pasel yu'un ti ta sjoybin ta achucobilique, ti ta apets'alique. Tsalbil ta xac'otic yu'un, ti co'ol s'elan junuc nucul ta xavich' jisbel ta apatique, ti co'ol s'elan junuc ch'ix ti pajal ta xti'van ta asatique, ja' to ti c'uxi latsuts acotolic ta lequil banomil ti bu laj yac'boxuc ti Ajvalil Dios avu'unique.

1 Samuel 18:21

Laj snop ti ta xac'be yic' ti Davide yo' ta xpaybat sc'oplal ti ta xlaj ta milel yu'un ti filisteoetique. Va'i un, xi laj yalbe ya'i ti David yan veltae: —Ja' to ta xa jni'inot cac'tic un.

1 Samuel 5:11

Ti jech tanijem xa batel ta scotol jteclum ti chamel ti xi'bal sba ta scoj ti tsots vocol ta x'ac'batic yu'un ti Diose, xi laj yalic ta stojol ti c'alal laj staic ta iq'uel ti banquilaletic yu'un ti filisteoetique: “Chechic loq'uel ti xcaxa Dios yu'un ti Israel ti li' oye. Ba sutesic ta yavil ti bu ono'ox oye yo' jech mu xismilotic jcotoltic.”