Éxodo 10:3 - Bible in Tzotzil de Chamula

³ Jech ti Moisese xchi'uc ti Aarone batic ta stojol ti faraone, ti xi laj yalbeic ya'ie: —Xi ta xalbot ava'i ti Ajvalil ti ja' Dios yu'unic ti hebreoetique: “¿C'u to sjalil ti toyobbaot ta jtojole? Ac'o ave ati' ti xu' ta xloq'uic batel ti calab jnich'nabe yo' chbat xiyich'icun ta muc'.

Bible in Tzotzil de Chenalhó with Deuterocanon

³ Jech li Moisés xchi'uc Aarone ibatic ta stojol li faraone. Jech laj yalbeic: —Jech chayalbot li Muc'ul Diose, ja' li Dios yu'un hebreoetique: ‘¿Baq'uin to chabic'tajes aba ta jtojol? Coltabun batel li jteclum cu'une yu'un chbat yich'icun ta muc'.

Éxodo 10:3 Iomraidhean Croise

1 Reyes 18:21

Va'i un, ti Eliase xi laj yalbe ya'i ti lum ti nopaj ech'el ta sts'ele: —¿Bu to c'alal ta xac'an xac'ot ava'iic xchi'uc ti cha'tos snopobil avu'unique? Mi ja' bats'i Dios ti Ajvalil Diose, ts'acliic batel. Mi ja' Dios ti Baale, jechuc unbi, ts'acliic batel. Mi jbeluc c'usi laj stac' ti jteclume.

1 Reyes 21:29

“¿Mi laj xa avil ti Acab ti biq'uit yac'oj sba ta jtojole? Ti jech biq'uit yac'oj sba ta jtojole, mu'yuc ta xcac'be svocol ti li' to cuxule, ja' xa smacoj ta xc'ot ti xnich'nabe.”

2 Reyes 22:19

ti jech abol aba laj ava'ie, ti laj anijan aba ta ya'yiel ti c'u s'elan xcholet sc'oplal laj calbe ti jteclume, ti jnaclejetic yu'une, ti ta jbel sc'oplal mu'yuc c'usi x'ayan ta xcome xchi'uc ti bac svocolique. Ti jech laj ach'i' ta jatel ti ac'u'e, ti la'oc' yu'un ta jba ta jsate, jech ti vu'un eque, laj ca'i ti ac'ope. Jech ta xcal ava'i ti vu'un Diosune.

2 Crónicas 33:12

Ja'uc le' une, c'alal yacal xa ta xich' ti svocole, xvocolet liquel ta stojol ti Ajvalil Dios yu'une. Biq'uit xa laj yac' sba ta stojol Dios yu'un ti smolmuc'totaque.

2 Crónicas 33:19

Ti c'u s'elan tac'bat talel yu'un Dios ti c'alal laj sta ta c'oponele, scotol ya'yejal ti smul ti c'alal yanijem ti yo'ntone, ti laj smeltsanan ti ch'ulnaetic ti ma'uc ta sventa ti Diose, ti bu laj sva'anan sloc'obbail ti Aserae, xchi'uc ti yan meltsanbil diosetic ti c'alal mu'yuc to ta sbic'tajes sba ta stojol ti Diose, ts'ibabil com ta slo'il ya'yej ti j'alc'opetic yu'une.

2 Crónicas 34:27

La'och ta at-o'nton yu'un. Laj axi'taun c'alal laj ava'i c'u s'elan laj calbe sc'oplal ti jteclum li'e, xchi'uc ti jnaclejetic yu'une. Laj abic'tajes aba ta jtojol. Laj ach'i' ta jatel ti ac'u'e. Xa'oc'olet xa ta jtojol. Jech o xal ti vu'une laj ca'i ma' ti ac'op une.

2 Crónicas 7:14

mi ta sbic'tajes sbaic ti jteclumale, mi ta xc'opoj xti'inic ta jventa ti jteclumale, mi ta xtalic ta jtojole, mi ta sutes sbaic ti bu chopol stamojic batele, jech ti vu'une, ta vinajel to, ta xca'ibe ti sc'opique. Ta jch'aybeic ti smul scolo'ique. Ta xcha'utsibaj ti yosilic cu'une.

Job 42:6

Jech o xal j'ech'el ta jsutes que jti' ti xivulvun no'ox ti chotolun ta pucuque, ti ta stanil c'oq'ue.

Éxodo 10:4

Mi staoj no'ox yav mu xava'ibe xchiquinal ti mu xavac' loc'uc batele, oc'om ta xcac' taluc c'ulubetic ta alumal.

Éxodo 16:28

Va'i un, ti Diose xi laj yalbe ya'i ti Moisese: —¿C'usi to ora ta xabic'tajes abaic ti mu xavaq'uic ta venta ti jmantaltaque xchi'uc ti chanubtaseletic cu'une?

Éxodo 4:23

Laj xa calbot ava'i, coltao loq'uel ti jnich'one yo' jech ta xbat yich'icun ta muc'. Ja' no'ox un, ti jech mu xac'an xavac' loc'uc batele, ta jmil ti abanquilal nich'one.’ ”

Éxodo 5:1

Ts'acal to taj une, ti Moisese xchi'uc ti Aarone xi bat yalbeic ya'i ti faraone: —Xi laj yal ti Ajvalil Dios yu'un ti Israele: “Ac'o ave ati' ti xu' ta xloq'uic batel ta sbajtical banomil ti calab jnich'nabe yo' jech xba spasic q'uin sventa quich'el ta muc'.”

Éxodo 9:17

Manchuc mi jech un, ti vo'ote avac'ojbe yipal ta xamacbe yo'nton ti calab jnich'nabe, yu'un mu xacolta batel.

Proverbios 1:22

“Querem viniquetic ti yan avuni jolique, xchi'uc ti xach'i o xava'iic ti labanvaneje xchi'uc ti avuni pimubelique, ¿bu to ora ta xavictaic ti me'inem ta xava'iic ti labanvanej ti yac'oj ajolic yu'une, ti mu'yuc stu avu'unic ti c'usi lec ta na'ele?

Proverbios 1:24

Laj jtaoxuc ta iq'uel, tsacalot lec ta venta ti ta xatale, le' une, mu'yuc xavaq'uicun ta venta.

Proverbios 18:12

C'alal oy ti toyobbaile, oy vocol; oy c'usi lec ta xich' tael mi oy ti nijil chimilulile.

Isaías 1:5

Ti vo'oxuque avac'ojbeic yipal ti toyobbaile, mi ja'uc xa oy bu jutebuc xocol yavil yu'un ti tsitsel ti abec'tal atacopalique. Yayijem scotol ti ajolique, ch'abal xa ta j'ech'el ti avipique.

Isaías 2:11

Ti jtoyobbaetique ta xc'ot ta stojolic ti mu xa toybaj ti sat yelovic ta xq'uelvanique. Ti buch'u cajal xa'i sbaique, peq'uel ta xc'ot sc'oplalic. C'ajomal no'ox stuc ti Dios ta xac' ta ilel ti smuc'ul stsatsal ti jech c'ac'al taje.

Jeremías 13:10

Ti jteclum ti mu'yuc xch'ulel xa'i sba le'e, ta svalopatinic ta xch'unel ti c'u s'elan ta xcalbeique. Pucujineb ta spasel c'usi xal ti yo'ntonique. Bat xa snaban sbaic ta sts'acliel yan diosetic, ta yaq'uel sbaic ta tunel ta yich'el ta muc' un. Mu xa xtunic xa un jech c'u cha'al ti chuquil ti mu xtune.

Jeremías 13:18

Xi laj yalbun ti Diose: “Xi xavalbe ya'i ti ajvalile, xchi'uc ti me' ajvalile: ‘Ictaic comel ti chotoloxuc ta lequil chotlebale, chotlanic ta lumtic. Ti xach'aletic to ox yu'un ti sronail ajolic alapojique, baj xa ta lumtic un.’

Jeremías 50:29

“Iq'uic talel scotol ti j'ac'-yolobetique yo' ta stsaquic ta leto ti Babiloniae. Joyobtaic ti muc' ta lume yo' mu junuc xjatav batel. ¡Ac'beic stoj ti c'u s'elan loc' ta sa'el yu'unique! Jech xapasbeic jech c'u cha'al laj spasique. Yu'un mu ts'icbaj ye sti'ic ta jtojol ti Ajvalilun ch'ul Diosun yu'un ti Israele.

Ezequiel 5:6

Jelav ti stoyobbailique. J'ech'el mu'yuc xc'ot ta pasel yu'unic ti jmantaltaque, ti oy c'usi jbel tsots albile, ja' mu sta c'usi ta spasic ti lumetique, xchi'uc ti muc'tiquil lumetic joyol ta spat ta xoconique.

Daniel 5:22

“Avi tana une, Belsasar, ti vo'ot Jcuch abtelote, ti ja' xnich'onot ti ajvalil taje, scotol ti va'i s'elan c'ot ta stojol taje, laj ana' xa lec ti c'usi c'ot ta pasele. C'u stu un, mi ja'uc ta xabic'tajes aba jutebuc ti c'u a'elan oyot ti vo'ot eque.

Números 14:27

—¿C'u to sjalil ta jts'ic ti xvulajetic ti jsoquesvanej israeletic li'e? Ca'binoj xa ti ta xischopol-c'optaique.

Romanos 2:4

Ti yutsilal slequilale xchi'uc ti sts'iquemal xcuchemal yu'un ti Diose, ta xabaj ta xajip ti c'alal ja' ta sventa yutsilal slequilal ac'o asutes aba talel ta stojol.

Hebreos 12:25

Jech o xal un, bijanic, tsotsanic, mu xabaj xaten ti Buch'u yacal ta xisc'oponotic avi tanae. Yu'un mu'yuc xcolic ti buch'utic laj sbajic ti bijubtasel yu'un ti buch'u c'opoj ta sventa Dios li' ta banomile. ¿Mi ja' xa van ta xijcolotic ti vo'otic mi ta jbajtic ti Buch'u ta xisbijubtasotic ti ta xlic talel sc'opojel ta vinajele?

Santiago 4:10

Bic'tajeso abaic ta stojol ti Cajvaltique, jech ti Cajvaltique ta stoyot liquel.

1 Pedro 5:6

Nijano chimano abaic ta yolon smuc'ul stsatsal yoc sc'ob ti Diose yo' jech ta xayac'oxuc ta ich'el ta muc' c'alal ta sta yoraile.