Éxodo 10:26 - Bible in Tzotzil de Chamula

²⁶ Ma'uc no'ox taje, yu'un ti chon bolometic cu'uncutique, ta xquic'cutic batel. Mi ja'uc jcotuc ta jcomescutic. Yu'un tsots sc'oplal ti ta jt'ujcutic loq'uel jaycotuc ti ta xtun ta sventa spasel yich'el ta muc' ti Diose. Yu'un ti jech mu to ta xic'otcutic teye, mu jna'cutic c'usi ta xtun yo' jech ta xquich'cutic ta muc' ti Diose.

Bible in Tzotzil de Chenalhó with Deuterocanon

²⁶ Li jts'unub covolcutique ta xquic'cutic batel. Me jcotuc mu'yuc ta jcomtsancutic, yu'un ja' ta jt'ujcutic jaycotuc sventa chcac'becutic smotonin li Muc'ul Diose. Li' ta orae mu to jna'cutic c'usi chtun cu'uncutic ta sventa chquich'cutic o ta muc' li Muc'ul Diose ja' to me te xa oyuncutique —xut.

Éxodo 10:26 Iomraidhean Croise

Éxodo 10:25

Va'i un, ti Moisese xi laj staq'ue: —Bu xata, yu'un ti vo'ot eque, tsots sc'oplal ta xavac' milbil matanal chon bolometic ti ta xich' chiq'uel sventa yich'el ta muc' ti Dios cu'uncutique.

Éxodo 10:9

Ti Moisese xi laj staq'ue: —Tsots sc'oplal ta xibatcutic xchi'uc ti ololetique, ti me'el moletique, ti queremetique, ti tsebetique, xchi'uc ti jchijcutique, ti jvacaxcutique. Yu'un ja' jun muc'ul q'uin ta xca'icutic yu'un ti Diose.

Éxodo 12:32

Iq'uic batel ti achijique, ti avacaxique jech c'u cha'al laj ac'anique. Batanic xa. Ja' no'ox un, c'anbeic vocol ti Dios ta jtojolale.

Éxodo 8:27

Jech o xal tsots sc'oplal ta xibatcutic c'alal to sbajtical banomil ti ja' yich'oj oxib c'ac'al sbelele. Yu'un tey to c'alal chbat cac'becutic smoton ti Dios cu'uncutique co'ol jech c'u cha'al laj yalbuncutique.

Proverbios 3:9

Tuneso ta yich'el ta muc' Dios xchi'uc ti c'usitic x'ayan avu'une, xchi'uc ti sba sat-tac ats'unob xloc' x'ayane,

Isaías 23:18

Ja'uc le' une, ti scanal yu'un ti sbolomale, ta xc'ot ta yu'un ti Diose. Mi ja'uc ta xich' naq'uel, ta xich' tsobel. Ta xich'ic ac'bel ti buch'utic yac'oj sba ta tunel yu'un ti Diose yo' jech ep ta sman ti sve'elique, xchi'uc c'u'iletic ti jun yutsiquile.

Oseas 5:6

Xc'ulet xchi'uc xchijic xvacaxic ta x'ochic ta sa'el ti Diose. C'u stu un, mu'yuc ta staic, yu'un laj sq'uej sba batel ta stojolic.

Zacarías 14:20

Ti jech c'ac'al taje, ta xc'ot ta pasel ti uni campanaetic yu'un ti ca'etic ti xi ti sc'oplal ta x'albate: “Ta xc'ot ta jtunel yu'un Dios le'e.” Ja' jech xtoc ti binetic ti oy ta ch'ulnae, ta xc'ot ta jtunel jech c'u cha'al c'otem ta jtunel ti lech-lech taq'uinetic ti oy ta altare.

2 Corintios 8:5

Xcac'touc ti ja' no'ox jech yepal ta xaq'uique. Bu xata, xjelav to laj yaq'uic. Yu'un ba'yel laj yac' sbaic ta ventainel yu'un ti Diose. Laj taj une, laj yac' sbaic ta ventainel ta jtojolcutic yo' jech ta spasic ti c'usi ta sc'an yo'nton ti Diose.

Hebreos 11:8

Ti jech c'otem ta yo'nton ta xch'unel ti Abrahame, ti c'alal tae ta iq'uel yu'un ti Diose, laj xch'un, loc' batel yo' ta xbat ta banomil ti bu ta x'ac'bat ti xrexto yu'un ti Diose. Laj yicta comel ti yosil sbanomile c'alal mi ja'uc sna' ti bu ta xbate.