Éxodo 10:23 - Bible in Tzotzil de Chamula

²³ Jalij oxib c'ac'al ti mu'yuc buch'u ta xil ti slac'naique, ti mu ja'uc xa jutebuc xu' ta xloq'uic batel ti bu oyique. Yan ti bu oy sna scotolic ti israeletique, sac lec osil tey.

Bible in Tzotzil de Chenalhó with Deuterocanon

²³ Oxib c'ac'al mu'yuc boch'o xu' tsq'uel jutuc xchi'il ta naclej, me jutuc mu xu' c'usi tspasic o. Yan ti bu nacalic li israeletique lec sac osil.

Éxodo 10:23 Iomraidhean Croise

Éxodo 14:20

Ti voletel toque com ta o'lol yu'unic ti egipcio soldadoetic xchi'uc ti israeletique. Ti bu oy ti egipcioetique, ic' ta jmec ti toque. Yan ti bu oy ti israeletique, sac jaman ta xanavic batel. Jech o xal ti egipcioetique sjunul ac'ubal xanavic, ti mu ja'uc laj staic ta be ti israeletique.

Éxodo 7:25

C'alal ech' xa ox vucub c'ac'al ti laj smaj uc'um ti Diose,

Éxodo 8:18

Ti viniquetic ti xilic toyol cajale, sc'an ox ta spasic jech ta sc'op spucujic ti ta xesomtaic ti usetic eque. Ja' no'ox un, mu'yuc xa xu' yu'unic. Jech ti usetique lic yilbajin ti jnaclejetique xchi'uc ti chon bolometique.

Éxodo 8:19

Jech o xal un, ti buch'utic xilic ti toyol cajale, xi bat yalbeic ya'i ti faraone: —Le'e, ja' xa yabtel ti Diose. Ja' no'ox un, ti faraone pucujib ti yo'ntone. Mu xich' ta muc'. C'ot ta pasel jech c'u cha'al yaloj ono'ox ti Diose.

Éxodo 8:22

Ja' no'ox un, c'alal jech ta xc'ot ta pasel taje, ti jnich'nab ti nacalic ta Gosene, mu xlajic ta ti'el ta jts'uts'-ch'ich' vov. Yu'un mu jcotuc ta xc'ot tey. Yu'un ch'acbilic cu'un. Ja' to jech xana' ti li' oyun ta alumal ti Vu'un Ajvalilune.

Éxodo 9:26

Ac'o mi jech un, yan ti ta Gosén banomil ti bu nacalic ti israeletique, mi ja'uc jbej bot c'ot tey.

Éxodo 9:4

Yo' jech mu xcham jcotuc chon bolometic yu'un ti israeletique, ti Diose, jelel ti c'usi ta spasbe ta stojol ti chon bolometic yu'un ti israeletique xchi'uc ti chon bolometic yu'un ti egipcioetique.’ ”

Isaías 42:16

Ti ma'satetique, ta xquic' batel ta be. Ta stamic batel cu'un ti bu mu xojtiquinic jutebuque. Ta sba ta satic, ta xlic joybin ta saquilal osil ti ic'al osile. Ta jpas ta stenlej ti bu syalobalil ti banomile. Ti va'i s'elan taje, ta j'ech'el mi ja'uc stselbuj cu'un.

Amós 4:7

Ja' jech xtoc laj jpas ti mu'yuc xtal oxib (3) u ti vo'e, ti c'alal ja' o xa yorail ta xich' ts'unel ti ts'unubale. Ja'uc ti ta yan jteclume, laj cac' taluc vo'. Ti ta yan jteclume, mu'yuc xcac' taluc vo'. Ti ta yan osil banomile, laj cac' taluc vo'. Ti ta yan osil banomile, mu'yuc xcac' taluc ti vo'e.

Malaquías 3:18

Va'i unbi, ta xlic avilic xtoc ti mu xco'olaj ta q'uelel xchi'uc ti buch'u leque xchi'uc ti buch'u chopole, xchi'uc ti buch'utic ta snijan xchiman sbaic ta yich'el ta muc' ti Diose xchi'uc ti buch'u mu snijan xchiman sbaique.”

Colosenses 1:13

Yu'un ti Diose laj spojotic loq'uel ta yoc ta sc'ob ti ic'al osil ti q'uelel ta jtojoltique. Laj xa yic'otic ochel ti bu ta xventainvan ti xc'uxubinbil Nich'one,

Josué 24:7

Ti amolmuc'totique laj staicun ta c'oponel. Laj cac' taluc jun muc' ta ic'ubel osil ta o'lol yu'unic xchi'uc ti egipcioetique. C'ot ta pasel cu'un ti laj cac' taluc ti nab ta sbaique yo' jech mut'ijic ti egipcioetique. Yu'un ti c'usi laj jpas ta Egiptoe, rexticooxuc. ‘Ts'acal to un, jal lajalijic ta sbajtical banomil,

1 Pedro 2:9

Ti vo'oxuque, alab nich'nabiloxuc ti t'ujbiloxuque, yu'un paleoxuc ti avac'oj abaic ta tunel yu'un ti Diose, yu'un ch'ul jteclumoxuc, yu'un yalab xnich'naboxuc ti Diose. Ti jech taj une, yo' jech ta xavabtelanic ta yalel ti oy c'usi jun yutsil slequil laj spas ti Diose. Yu'un laj yic'oxuc loq'uel ta ic'al osil, la'ochic xa batel ta saquilal ti ja' xch'ul lequilale.