Éxodo 10:22 - Bible in Tzotzil de Chamula

²² Jech ti Moisese laj stoy muyel sc'ob ta vinajel. Tal ti muc'ul ic'ubel ta osil ta sjunlej ti Egiptoe.

Bible in Tzotzil de Chenalhó with Deuterocanon

²² Li Moisese la stoy muyel sc'ob ta vinajel, jech toj ven ic' osil icom ta scotol li Egiptoe.

Éxodo 10:22 Iomraidhean Croise

Job 5:14

sac jaman lec ti osil banomile, ta chav-chav picbil ta xanavic batel, ti volibilic ta jun ic'al osil co'ol s'elan ti ac'ubaltique.

Salmos 105:28

Tal ic'ubel ta osil yu'un ti Diose, scotol ic'uneb com yu'un, ti egipcioetic une mu'yuc laj yaq'uic ta venta.

Éxodo 20:21

C'alal nom va'alic ti israeletique, jech ti Moisese nopaj batel ti bu oy ti pimil toc ti ja' tey oy ti Diose.

Isaías 8:22

Ts'acal to xtoc un, ta sq'uelic xa yalel ti banomile. Ta xilic ti mu'yuc xa c'usi x'ayane, ti c'ajomal no'ox ti me'un mu'natile, ti ilbajinele, ti mu x'ech' xjelav ti vocole, ti ic'uneb ti osil banomil ta scoj ti vocole, ti ic'uneb ti osil banomil ta xa'iic scotolique. Ti buch'u ilbajinbilique, mi ja'uc xa ta sta spojel scolelic.

Ezequiel 32:7

C'alal ta jtsutsesote, ta x'ic'ub cu'un ti vinajele. Ta xmac sat ti c'analetique. Ta xmac ta toc sat ti c'ac'ale. Mu xac' xojobal ti ue.

Ezequiel 32:8

Ta acoj vo'ot un, ta jmacbe sat scotol ti c'usitic ta xac' xojobal ta vinajele. Ic'uneb ta osil ta xc'ot ti ateclumale. Ti vu'un Ajvalilune, mu lo'iluc no'ox ta xcal.

Joel 2:2

Ta xc'ot sc'ac'alil ti ic'ubel ta osil banomile. Ta xc'ot sc'ac'alil ti toc xqueovin ti banomil yu'une. Co'ol s'elan jun yepal soldadoetic ti tsots xu' yu'unic ta j'ech'ele, ta xvulic ta loq'uel ta vitstic jech c'u cha'al ta xvul ta loq'uel ti saquilal osil ta sobe. Mi ja'uc xa oy bu jech ta xvinaj ta ts'acal to ti oy bu co'ol s'elan ta xvul ta loq'uel jech c'u cha'al le'e.

Joel 2:31

Ta x'ic'ub ti c'ac'ale, ta xjoybij ta ch'ich' ti ue. Ja' no'ox un, ba'yel oy c'usi muc'tic ta xc'ot ta pasel ti xi'bal sba c'alal ma'uc to sc'ac'alil yorail ta xvul ta loq'uel ti Diose.”

Amós 4:13

Ti Diose laj smeltsan ti vitsetique, ta xac' taluc ti iq'ue. Ta xac' ta ojtiquinel ta stojol vinic ti c'u s'elan snopoje. Ta sjoybin ta ic'al osil ti saquilal osile. Ta slajun xanubta ti bu toyol ta j'ech'el ti banomile. Ajvalil Dios ti scotol xu' yu'une, xi ma' ti sc'oplal une.

Amós 4:7

Ja' jech xtoc laj jpas ti mu'yuc xtal oxib (3) u ti vo'e, ti c'alal ja' o xa yorail ta xich' ts'unel ti ts'unubale. Ja'uc ti ta yan jteclume, laj cac' taluc vo'. Ti ta yan jteclume, mu'yuc xcac' taluc vo'. Ti ta yan osil banomile, laj cac' taluc vo'. Ti ta yan osil banomile, mu'yuc xcac' taluc ti vo'e.

Deuteronomio 4:11

Lanopajic ech'el ta yoc ti vitse, ti c'alal xtil ti c'oq'ue, ti natic ta xmuy ti slebe, ti lic talel jun muc' ta ic'al lumal toque.

Deuteronomio 5:22

“C'alal tsoboloxuc acotolic ta yoc ti vitse, ja' jech s'elan tsots lic c'opojuc ti Dios ti vinaj talel ta o'lol leb c'oq'ue xchi'uc ti volibil ta jun lumal ic'al toque. Ts'acal un, mi ja'uc oy xa c'usi laj yal, c'ajomal laj sts'iba talel ti c'opetic ta chib pech-pech tone. Laj yac'bun talel.

Apocalipsis 16:10

Loc' batel ti yo'obal anjele, laj scocan yalel ti sbel sbis ta sba ti bu chotol ta spas mantal ti xi'bal sba jti'oval chone. J'ech'el ic' com scotol ti bu c'alal sventainoje. Xc'uxet xa yeic ma' ti jnaclejetic ta banomil ta scoj ti yipal xc'uxule.