Éxodo 10:2 - Bible in Tzotzil de Chamula

² Taje, yo' jech xu' xalo'iltabe ya'i ti anich'nabtaque, ti amamubtaque, ti c'u s'elan laj jvinajes ti mu'yuc stuq'uil sjol yo'nton ti egipcioetique, ti elom sba laj jvinajes ti jmuc'ul jtsatsal ta stojolique, yo' jech ta xana'ic xtoc ti vu'un Ajvalilune.

Bible in Tzotzil de Chenalhó with Deuterocanon

² Jech li vo'oxuque xu' chavalbe ya'yic anich'nabic xchi'uc amomnich'nabic c'u x'elan laj cac'be svocolic li egiptoetique xchi'uc c'u x'elan li muc'tic sq'uelubil jtsatsal la jpas ta stojolique. Yu'un jech ac'o sna'ic ti ta melel vu'un Muc'ul Diosune —xut.

Éxodo 10:2 Iomraidhean Croise

2 Samuel 7:22

¡Toj jelavem yutsil smuc'ul un cha'e, Cajval, ti c'usi ta xapase! ¡Yu'un mu'yuc buch'u xco'olaj jech c'u cha'al ti vo'ote! Yu'un mu'yuc xa yan xco'olaj jech c'u cha'al ti vo'ote. Mu'yuc xa yan dios jech c'u cha'al ti vo'ote, jech c'u cha'al jcotolcutic ca'binojcutique.

Salmos 44:1

Ch'ul Dios, c'otem ta jchiquincutic ti laj yalbuncutic ti jtot jme'cutic ti cuxulic to oxe, ti xi s'elan laj apas ta vo'nee:

Salmos 44:2

Ta ac'ob, laj ajip laj aten loq'uel ti buch'utic yan yajvalique; laj avac'be svocol ti muc'tiquil lumetique, laj atic' ochel ta naclej ti jtot jme'cutic ti bu taje.

Salmos 58:11

Va'i unbi, xi ta xalbe sbae: “Xloc' venta ma' ti jun jol co'ntone. Oy Dios ta xchapanel ti jnaclejetic ta banomile.”

Salmos 71:18

Cajval Dios, mu xajip xatenun mi liyijub xa une, mi sac chijan xa ti jole. Tsots to sc'oplal ta xcalbe ya'iic amuc'ul atsatsal ti jch'iel jc'opojeletic li'e, xchi'uc ti ta to xtale.

Salmos 78:3

Ti c'usi ca'binojtique, jna'tic xa lec, laj slo'iltabotic ca'itic ti jtot jme'tique.

Éxodo 13:14

Mi oy bu ta xc'ot ta pasel ti xi ta xlic sjac'boxuc ti anich'nabic ta ts'acale: ‘¿C'usi smelol ti jech ta xich' pasel le'e?’ xi xatac'beique: ‘Yu'un ja' o laj sloq'uesuncutic talel ta smuc'ul stsatsal ti Dios ti c'alal tiq'uiluncutic to ox ta mosovil ta Egiptoe.

Éxodo 14:18

C'alal mi laj xa cac'be yil jmuc'ul jtsatsal ti faraone, ta stojol ti scarretataque, xchi'uc ti jcajlejetic ta ca' yu'une. Jech ti egipcioetique ta sna'ic ti vu'un Ajvalilune.

Éxodo 14:4

Ja' no'ox un, vu'un ta xcac' pucujibuc yo'nton ti faraone yo' jech ta xlic sjol ta nutsvanej. Ti jech taje, ta xcac' iluc ti jmuc'ul jtsatsal ta stojole, xchi'uc ta stojol scotol ti yajsoldadotaque. Jech ti egipcioetique ta sna'ic ti vu'un Ajvalilune.” Ja' jech laj spasic ti israeletique.

Éxodo 7:17

Ja' yu'un un, ti Diose xi ta xayalbot ava'ie: Avi tana un, ta xavil ti Vu'un Ajvalilune. C'alal ta jmaj ti uc'um ta jvaxton ti oy ta jc'obe, ti uc'ume ta xjoybij ta ch'ich'.

Éxodo 7:5

C'alal mi laj xa cac' iluc ti jmuc'ul jtsatsal ta stojol ti Egiptoe, mi loc' xa talel cu'un ti israeletique, jech ti egipcioetique ja' jech ta sna'ic ti Vu'un Ajvalilune.

Éxodo 8:6

Jech ti Aarone laj stoy ti svaxton ta sba ti vo' ti oy ta jteclum Egiptoe. Scotol ti jteclume noj ta rana ti loq'uic talel ta uc'ume.

Isaías 38:19

C'ajomal xu' ta smuyubtaot ti buch'utic cuxulic toe jech c'u cha'al ta jpas ta atojol avie. Yu'un ti totil me'iletique ta slo'iltabeic yalab xnich'nabic ti avutsilal alequilale.

Ezequiel 20:26

Ch'an xa no'ox xcutic ta soquesel sbaic ta yich'el batel smoton ti loc'tabil diosetique, ta yac'bel svocol xchiq'uel ta c'oc' ti sbanquilal queremique. Yich'uc xi'el ya'iic ma' ti jech laj jpas taj une, sna'icuc ti vu'un Diosune.’

Ezequiel 20:28

C'alal ochic batel ta banomil cu'un ti jbel sc'oplal ta xcac'beique, naca to no'ox laj staic ta ilel toyol stselej mi jun limlim te'. Lic yaq'uic ta anil milbil matanal ti bu taje. Yepal no'ox laj soquesbeicun co'nton yu'un ti matanale, naca yac'bel no'ox yu'unic ti muil momoletique, ti matanal vinoe.

Joel 1:3

Lo'iltabeic ya'i ti avalab anich'nabique yo' jech ta xlic slo'iltabeic ec ti yalab xnich'nabique; jech ti stuquique ta xlic slo'iltabeic ya'iic ti buch'u ts'acal to chlaj voc'uc talele.

Efesios 6:4

Ti vo'oxuque, totil me'iletic, mu me xajajeticuc ta stojol ti avalab anich'nabique yo' jech mu soc yo'nton avu'unic. Ta sventauc syail xc'uxul yo'nton ti Cajvaltique, tojobtasic batel.

Deuteronomio 4:9

Ja' yu'un un, bijanic ti mu xch'ay ta avo'ntonic ti c'usitic laj avilic ti c'ot ta pasele, ti mi ja'uc ta j'ech'el ta xaten ta apat ta axoconique. Ja'uc le'e, albeic ya'iic smelol ti anich'nabique xchi'uc ti amamubtaquique.