Éxodo 10:18 - Bible in Tzotzil de Chamula

¹⁸ C'alal loc' batel ti Moisés ta stojol ti faraone, laj sta ta c'oponel ti Diose.

Bible in Tzotzil de Chenalhó with Deuterocanon

¹⁸ C'alal iloc' batel ta stojol faraón li Moisese, la sc'anbe vocol li Muc'ul Diose.

Éxodo 10:18 Iomraidhean Croise

Éxodo 10:19

Ja' yu'un un, ti Diose laj sjeltabe batel sbe ti iq'ue. Laj yac' taluc tsots ic' ti lic talel ta smaleb c'ac'ale. Laj sbec' batel ti c'ulubetic c'alal to Tsajal Nab. Mu xa jcotuc c'ulub com ta Egipto.

Éxodo 8:12

Ti Moisese xchi'uc ti Aarone loq'uic batel ta sna ti faraone. Ts'acal to un, ti Moisese laj sc'anbe ti Ajvalil ti ja' Diose, ti ac'o sloq'ues batel ti ranaetic ti laj stac talel ta stojol ti faraone.

Éxodo 8:8

Jech o xal ti faraone xi laj yalbe ti Moisese xchi'uc ti Aarone ti c'alal laj sta ta iq'uele: —C'anbeic ti Diose ti ac'o sloq'ues batel ti ranaetic ti oy ta jtojole xchi'uc ti jvinquileltaque. Ta xcac' loc'uc batel ti avinquileltaque. Ac'o ba yac'beic smoton ti Diose.

Éxodo 8:9

Ti Moisese xi laj stac'be ti faraone: —Albun ca'i c'usi ora ta xac'an ta jc'anbe ti Dios ti ta sloq'ues batel ti ranaetic ti oy ta atojolale, xchi'uc ta stojol ti avaj'abteltaque, xchi'uc ta stojol ti avinquileltaque, xchi'uc ti oy ta anae. Yan ti oy ta uc'ume, tey ta xcom.

Números 11:2

Ti jteclume x'avlajetic xa laj sc'anic coltael yu'un ti Moisese. Jech ti Moisese laj sc'anbe vocol ti Dios ta sventaique. Jech ti c'oq'ue tub.

San Mateo 5:44

Ta xcalboxuc ava'iic ti vu'une, c'uxubino ti avajcontrae. C'anbeic slequilal Dios ti buch'u ta xaschopol-c'optaoxuque. Pasic lec ta stojol ti buch'u xti'et sjol ta atojolique. C'oponbeic Dios ta stojol ti buch'utic ta xayilbajinoxuque.

San Lucas 6:28

C'anbeic slequil Dios ta stojol ti buch'u ta xasbisic ta cotol chavale. C'oponbeic Dios ta stojol ti buch'u ta xayilbajinoxuque.