Éxodo 10:16 - Bible in Tzotzil de Chamula

¹⁶ Jech ti faraone ta anil laj stac mantal ta stojol ti Moisese xchi'uc ti Aarone, ti xi laj yalbee: —Laj jta jmul ta stojol ti Ajvalil ti ja' Dios avu'unique xchi'uc ta atojolic ec.

Bible in Tzotzil de Chenalhó with Deuterocanon

¹⁶ Li faraone ta ora la stac ta iq'uel li Moisés xchi'uc Aarone, jech laj yalbe: —Laj xa jta jmul ta stojol li Muc'ul Dios avu'unique xchi'uc ta atojolic ec li vo'oxuque.

Éxodo 10:16 Iomraidhean Croise

2 Samuel 19:20

Laj quil jba jtuc ti oy jmule. Ti c'u yepal oy snitilultac ti Josee, vu'un ti ba'yel liloc' talel ta snupelot ta bee, Jcuch abtel.

2 Samuel 24:10

Ja'uc le' une, laj ya'i ta yo'nton ti David ti laj sta smul ti laj sliques ti tsacob-biil yu'un ti jteclume, ti xi jamal laj yalbe ti Diose: —Tsots laj xa jta jmul ti jech laj jpas le'e. Ja'uc le' une, ta xajc'anbe vocol, Dios, ch'aybun jmul jcolo' ti laj sta ti avajtunelune. Pimil toyobba xca'i jba ti jech laj jpase.

2 Samuel 24:17

C'alal laj yil ti David ti ta slilin ta milel jteclum ti ánjele, xi laj yalbe ti Diose: —¡Vu'un ta jcoj le'e! ¡Vu'un ta jmul jcolo'! ¿Mi yu'un la oy c'usi chopol laj spasic ti uni chijetic le'e? ¡Ti tsitsel ta xavac'bee, cajano ta jba xchi'uc ti c'u yepal oy ta jnae!

Éxodo 8:25

Ja' yu'un un, ti faraone laj sta ta iq'uel ti Moisese xchi'uc ti Aarone, ti xi laj yale: —Batanic, ba ac'beic smoton ti Dios avu'unique. Ja' no'ox un, mu xaloq'uic batel ti li' ta jteclume.

Éxodo 8:8

Jech o xal ti faraone xi laj yalbe ti Moisese xchi'uc ti Aarone ti c'alal laj sta ta iq'uele: —C'anbeic ti Diose ti ac'o sloq'ues batel ti ranaetic ti oy ta jtojole xchi'uc ti jvinquileltaque. Ta xcac' loc'uc batel ti avinquileltaque. Ac'o ba yac'beic smoton ti Diose.

Éxodo 9:27

Jech o xal ti faraone xi laj yal ti c'alal laj stac ta iq'uel ti Moisese xchi'uc ti Aarone: —Laj xa jna' jba ti oy jmule. Jmul jtuc xchi'uc ti jvinquileltaque. Ma'uc smul ti Diose.

Proverbios 28:13

Mu lecuc ta xc'ot xchi'uc ti buch'u smucoj no'ox ti smule; ti buch'u ta sjam ti smule, ti ta xicta comele, ta xch'aybat.

Números 21:7

Va'i un, batic ti bu oy ti Moisese ti xi laj yalbeique: —¡Laj xa jta jmulcutic ti chopol lic'opojcutic ta stojol ti Diose, xchi'uc ti chopol lic'opojcutic ta atojole! ¡C'anbo ti Diose ti ac'o sloq'ues ech'el ti jti'oval chon ta jtojolcutique! Ti Moisese laj sc'anbe ti Diose ti ac'o xch'aybe smul scolo'ic ti israeletique.

Números 22:34

Ti Balaame xi laj stac'be ti yaj'ánjel ti Diose: —Laj xa jta jmul. Yu'un mu laj jna' mi li' oyot ta xamacun ta bee. Mi yu'un toj chopol ta xavil ti ta xibate, ta xisut ech'el.

San Mateo 27:4

ti xi c'ot yale: —Laj xa jta jmul, yu'un laj xa cac' ta c'abal jun vinic ti ch'abal smule. —¿C'usi jventacutic? ja' aventa atuc —xi tac'bate.

1 Samuel 15:24

Ti Saule xi laj yalbe ti Samuele: —Melel ava'uc, laj xa jta jmul. Jelav ta jpat ta xocon ti c'usi laj yal ti Diose, ti c'u s'elan laj atojobtasune, yu'un lixi' yu'un ti lume. Laj jch'unbe ti sc'opique.

1 Samuel 15:30

—Oy xa jmul —xi laj xcha'al ti Saule—. Ja'uc le' une, ta jc'anbot vocol ta sba ta satuc ti moletic yu'un ti Israele, ta sba ta satuc scotol ti jteclume, ti staojuc yav ich'bilucun ta muc' avu'un ti jech ajvalilune. Ja' yu'un un cha'e, sutan talel yo' chba quich' ta muc' ti Ajvalil ti ja' Dios avu'une.

1 Samuel 26:21

Va'i un, xi laj stac' ti Saule: —¡Nich'on David, ta xca'i jba ti oy ti jmule! ¡Mu pochanun toyobba xca'i jba, ti mu albajuc xchopolal ta j'ech'el ti c'usi ta jpase! Ja'uc le' une, sutan ech'el. Mi ja'uc xa ta xquilbot ti avocole. Ti c'ac'al avie, laj avac' ta ilel ti mu'yuc ta avo'nton ta xamilune.