Éxodo 10:13 - Bible in Tzotzil de Chamula

¹³ Ti Moisese laj stoy ti sc'ob ta stojol ti jteclum Egiptoe. Jech ti Diose laj yac' taluc ic' ta sloq'ueb c'ac'al. Sjunul c'ac'al, sjunul ac'ubal, xjumet no'ox vulel ta stojol ti jteclume. Ta yoc'omal un, ti iq'ue laj sbec' talel ti c'ulubetic ti lic talel ta sloq'ueb c'ac'ale.

Bible in Tzotzil de Chenalhó with Deuterocanon

¹³ Li Moisese la stoy snamte' ta sba li Egipto banamile, jech li Muc'ul Diose laj yac' taluc tsots ic' ta sloq'ueb c'ac'al. Ta c'ac'al ta ac'ubal xpujet no'ox loq'uel tal li ic' te ta Egipto banamile. Ta yoc'omal c'alal chloc' tal li ic' ta sloq'ueb c'ac'ale, te xcuchoj tal epal c'ulubetic.

Éxodo 10:13 Iomraidhean Croise

Génesis 41:6

Ts'acal to laj yil loc' talel vucub sjol trigo ta spat ti yane, ti unin taquijem no'ox ta scoj ti maje yu'un jumetel ic' lic talel ta sloq'ueb c'ac'ale.

Salmos 105:34

Mi ja'uc xa stac' chapel c'u yepal ta j'ech'el vul ta loq'uel ti c'ulub ta sventa sc'opojel ti Diose.

Salmos 148:8

Ti chaucote, ti botote, ti taivote, ti lumal tocote, lequil c'optaic ti Diose. Ti ts'otetel ic'ote, ti xc'ot ta pasel avu'un ti smantaltaque, lequil c'optao ti Diose.

Salmos 78:26

Ta sventa smuc'ul stsatsal ti Diose, xjumet no'ox liquel ic' lic talel ta sloq'ueb c'ac'al, lic talel ta yac'ol ti xocon sloq'ueb c'ac'ale.

Salmos 78:46

Ti c'ulubetique ac'bat soquesan ti slubel xchamel yoc sc'obic ti c'usitic sts'unojanique.

Éxodo 14:21

Jech ti Moisese laj xlich' batel sc'ob ta sba ti nabe. Jech ti Diose laj yac' taluc tsots ic' ti xjumet sjunul ac'ubal ti lic talel ta sloq'ueb c'ac'ale. Jech ti nabe laj spas sba ta cha'ch'ac. Ja' yu'un un, ti Diose joybij yu'un ta taquin banomil ti nabe.

Proverbios 30:27

ti c'ulubetique, mu'yuc ajvalil yu'unic, ja'uc le'e, jmoj xvolet ta xvilic;

Jonás 1:4

C'u stu un, ti Diose laj yac' taluc tsots ic' ti xjumet no'ox liquel xchi'uc ya'lel ta o'lol ti nabe, ti tsots ta j'ech'el ti co'ol xa s'elan yilel ta xlic lilijuc ti barcoe.

Jonás 4:8

C'alal xchijlajan xa vulel ti c'ac'ale, jech ti Diose laj yac' taluc jun ic' ti q'uixin ta j'ech'ele, ti lic talel ta stuq'uil ti sloq'ueb c'ac'ale. Ti jech va'al lec ti c'ac'al ta xc'ot ta sjol ti Jonase, laj ya'i ti ta xa xyal ta lume, sc'an xa chamuc. “Ja' xu' ta j'ech'el ti chamcune. Jeche' xa no'ox ta j'ech'el ti li' to cuxulune”, xut sba.

San Mateo 8:27

Ch'ayal c'ot yo'nton ti yajchanc'optaque, xi lic sjac'be sbaique: —¿Buch'u xa ono'ox xcal le'e ti ta xch'unbat smantal yu'un ti iq'ue, ti nabe?