Éxodo 1:8 - Bible in Tzotzil de Chamula

⁸ Ta ts'acal to un, och jun ach' ajvalil ta Egipto, mu'yuc laj yojtiquin ti Josee. Ja' yu'un un, xi laj yalbe ti svinquilel sbaique:

Bible in Tzotzil de Chenalhó with Deuterocanon

⁸ Ts'acal i'och yan ajvalil ta Egipto; muc xa xotquin li Josee. Jech laj yalbe li egiptoetique:

Éxodo 1:8 Iomraidhean Croise

Salmos 105:25

Le' une, laj sliquesbe sjol ti egipcioetic ti licuc contrainbatuc ti steclumale, slo'laicuc yajtuneltac ti Diose.

Éxodo 3:16

Batan, ba tsobo ti banquilaletic yu'un ti israeletique. Xi xavalbe ya'iique: “Ti Ajvalil Dios yu'unic ti amolmuc'totique, Dios yu'un ti Abrahame, ti Isaaque, ti Jacobe, laj yac' sba iluc ta jtojol ti laj yalbun laj xa sts'etan sni' xchiquin ta atojolique. Laj xa yil ti c'u s'elan ta xapasbatic yu'un ti egipcioetique.

Éxodo 3:7

Jech ti Diose xi to laj yalolan batele: —Laj xa quil lec ti yan sba ta xich' svocol ti calab jnich'nab ta Egiptoe. Laj xa ca'i ti x'ijetic yu'un svocolic ta scoj ti tsots ilbaj x'utatic yu'un ti jq'uel-abteletique. Jna'oj lec ti oyic ta vocole.

Éxodo 3:9

A'yio ava'i lec, yu'un laj xa ca'i ti x'ijetic ta vocol ti israeletique. Yu'un laj xa quil ti ep ta x'ac'batic svocolic yu'un ti egipcioetique.

Eclesiastés 9:15

Ti ta jteclume, nacal jun me'un vinic ti xac' sjolilal yu'un ti sbijile, ti xu' nan ta stic' sba ta spojel ti jteclum ta sventa ti sbijile. Teque' no'ox xch'a un, mu xa svulesat ta o'ntonal.

Hechos 7:18

Va'i un, och jun ajvalil ta Egipto ta ventainvanej, ti mu'yuc laj yojtiquin ti Josee.

Hechos 7:19

Ti ajvalil taje laj sna' c'usi laj yut ta slo'lael ti jmolmuc'totic ta vo'ne ti laj yilbajine. Laj yalbe mantal ti sjipicuc stenicuc ti sq'uelojicuc chamuc ti ach' voq'uel ololetique.

Deuteronomio 26:6

Taj une, laj yilbun jvocolcutic, laj yilbajinuncutic, laj yutilanuncutic ta mosovinel ti egipcioetique.

Jueces 2:10

Chamic scotol xtoc ti israeletic ti buch'utic jmoj xanavic xchi'uc ti Josuee. Ja'uc ti buch'u jts'acal jch'iel jc'opojeletique, mi ja'uc xa ta staic ta na'el ti Diose. Mi ja'uc sna'beic sc'oplal ti yabtel ti laj stic' sba ta spojel ti israeletique.