Éxodo 1:7 - Bible in Tzotzil de Chamula

⁷ Ja' no'ox un, ti israeletique ep ti yalab xnich'nabique. Ja' yu'un un, epajic ta jmec. Tsalvanic comel ta j'ech'el, yu'un naca israeletic xc'uletic ti ta lume.

Bible in Tzotzil de Chenalhó with Deuterocanon

⁷ Pero ta sventa ti bats'i ep ibol yalab xnich'nabique, jech ibolic ta jyalel, laj yich' lec stsatsalic. Solel inoj yu'unic li banamil bu ic'otique.

Éxodo 1:7 Iomraidhean Croise

Génesis 1:20

Ti Diose xi laj yale: “Ti ta vo'e, ac'o ayanuc ep ta tos c'usitic chanul. Ja' jech xtoc, ac'o ayanuc viletel mutetic ta banomil.” Ja' jech ic'ot ta pasel.

Génesis 1:28

Va'i un, xi laj sts'uiltase: “Epajuc avalab anich'nabic; nojesic sjunul ti banomile, ventainic ta stuc'ulanel; ochuc ta be avu'unic ti choyetique, ti mutetique, xchi'uc scotol ti chonetic ti xquilet ta xanave.”

Génesis 12:2

Yu'un ta sventa ti anitilultaque, ta xlic c'oticuc cu'un ta jun muc' ta lum. Ta jts'uiltasot yo' jech ich'bilot ta muc' ta xac'ot, ja' sliqueb c'uxubinel ta xac'ot yu'unic ta sventa ti yane.

Génesis 13:16

Vu'un ta jpas ta stojolic ti ta xcac' epajuc jech c'u cha'al spucuquil ti banomile. Jech c'u cha'al mu atbajuc c'u yepal ti pucuque, ja' jech mu atbajuc yepal ta xbat ti anitilultaque.

Génesis 15:5

Ja' yu'un un, ti Diose laj yic' loq'uel ti Abram ti xi laj yalbee: —Q'uelo avil batel ti vinajele. Ato avil ti c'analetic mi xchap avu'une. Ja' yu'un un cha'e, ja' jech yepal ta xbat ti anitilultaque.

Génesis 17:16

Ta jts'uiltas, ta xcac'bot jun aquerem ta sventa ti antse. Melel, ta jts'uiltas. Yu'un ti antse, ta xc'ot ta me'il yu'un ti epal muc'tiquil lume, yu'un naca ajvaliletic yu'un jteclumetic ta xbat ti snitilultaque.

Génesis 22:17

Ep ta jc'uxubinot. Ta xcac' bolicuc ti anitilultaque. Ta x'epajic jech c'u cha'al ta xavil ti c'analetic oy ta vinajele, jech c'u cha'al ti yi' oy ta sti'il nabe. Ja' jech xtoc ti stuquique ta ono'ox stsal yu'unic ti scontraique.

Génesis 26:22

Ti Isaaque loc' batel ti bu taje. Bat nacluc ta nom. C'ot sjoc' yan joc'. Mu'yuc xa xlic c'op yu'unic. Ja' yu'un laj yac'be sbi “Colemal joc'”, yu'un xi laj yale: “Avi tana li' une, Dios loc' ayan ta yo'nton ti ch'an xi ute ti li' ta banomile yo' jech ta jta ti c'usi ta xtun cu'une.”

Génesis 26:4

Yu'un ta xquepajes ta j'ech'el ti anitilultac jech c'u cha'al ti c'analetic ti oy ta vinajele. Ta xcac'beic ti banomil li'e. Ta sventa ti anitilultaque, ta staic c'uxubinel scotol ti muc'tiquil lum ti oy ta banomile.

Génesis 28:14

Jech ti stuquique ta x'epajic jech c'u cha'al spucuquil ti banomile. Ta xtanijic batel ta xchanjechal banomil. Ta aventa vo'ot xchi'uc ti anitilultac eque, ta staic slequilal Dios scotol ti jujuchop jnaclejetic ta sbejel banomile.

Génesis 35:11

xi albate: “Vu'un Diosun ti scotol xu' cu'une; ta xcac' epajuc anich'nabtac xchi'uc anitilultac. Ta aventa vo'ot ta xlic ayanuc muc' ta lum xchi'uc epal jteclumetic, ta sventa ti anitilultaque, ta xlic ayanuc talel ajvaliletic.

Génesis 46:3

Ja' yu'un un, xi albat yu'un ti Diose: —Vu'un Diosun. Dios yu'un ti atote. Mu xaxi' ta xabat ta Egipto. Yu'un ti bu taje, ta xlic quepajes ti anitilultaque. Ta xc'otic liquel ta jun muc' ta jteclum.

Génesis 47:27

Ti israeletique com nacliicuc ta Egipto. Laj yich'ic yosilal ti Gosene. Lic epajicuc ta j'ech'el.

Génesis 48:16

ti Ánjel buch'u laj spojun ta scotol ti c'usi chopole, ac'o sva'an sba ta stojol ti queremetic li'e. Ta sventa ti stuquique, c'otuc ta pasel ti na'bil ta xic'ote, ti na'bil c'otuc ti jmuc'totcutic Abrahame, xchi'uc ti jtot Isaaque. C'otuc ta pasel epajuc ti xnich'nabique, ti yepaluc voleticuc ta banomile.”

Génesis 48:4

ti xi laj yalbune: “A'yio ava'i, ta xcac'bot ep anich'nab. Ja' jech xtoc ti anitilultaque ta x'epajic. Ta xc'otic ta jun muc' ta lum. Ta xcac'be yich'ic ti banomil li'e. Ta xc'ot ta yu'unic sbatel osil.”

Génesis 9:1

Xi laj yal ti Dios c'alal laj sts'uiltas ti Noee xchi'uc ti xnich'nabe: “Epajuc avalab, anich'nabic. Bolanic ta banomil.

Nehemías 9:23

C'ot ta pasel ta stojolic avu'un ti co'ol s'elan c'anal ta vinajel yepal laj avac'be ti yalab xnich'nabique. Avic'oj batel ta yu'ninel ti muc' ta jteclum ti avalojbe ono'ox ta xavac'be ta xrextoic ti stot sme'ic ti laj ech'uc ta vo'nee.

Salmos 105:24

Laj sboles ta j'ech'el steclumal ma' ti Dios une, ti jelavem xu' yu'unique, mu sta ti egipcioetique.

Salmos 107:38

Ta sva'an sba ta c'uxubinvanej, ta xc'ot ta pasel ti lec ta xch'ie, ta x'epaj ti xchon sbolomic yu'une.

Éxodo 1:12

C'alal jech ta xich'ic tsots ilbajinele, yantic no'ox x'epajic ta jmec ec. Jech o xal ti egipcioetique ep xi'el ta xa'iic.

Éxodo 12:37

Jech ti israeletique iloq'uic batel ta Ramsés. C'otic ta Sucot. Oy nan vaquibuc ciento ta mil (600,000) ti lec to no'ox jva'lej viniquetic ti ja' to sjabilal ta x'ochic ta soldadoil ti ta xanavic batele. Ja' mu'yuc tsacbil ta atel ti antsetique xchi'uc ti ololetique.

Éxodo 5:5

Xi laj yal xtoc ti faraone: —Ti jech epic xa ti israeletic ti li' ta jteclum avi tanae, ¿mi yu'un ta xac'anic ti ta xicta sbaic ta abtel avu'unique?

Ezequiel 16:7

Lach'i lac'opoj cu'un jech c'u cha'al jtec' momol ta osiltic. Lach'i, lamuq'uib un, la'elomaj ta ants, bejelic no'ox liquel ti avuni chu'e, xlimet no'ox ti avuni jole. Le' une, j'ech'el cuxul t'analot un.

Hechos 13:17

Ti jmolmuc'totic ta vo'nee, t'ujeic yu'un ti Dios yu'un ti jteclum Israele. C'ot ta jun muc' ta jteclum yu'un c'alal tiq'uilic ta mosovil ta Egipto banomile. Ts'acal to un, ta sventa smuc'ul stsatsal stuc, laj sloq'ues talel ta mosovil.

Deuteronomio 10:22

C'alal c'otic ta Egipto ti amolmuc'totic ti laj ech'icuc ta vo'nee, c'ajomal no'ox lajuneb xchanvinic (70) ta vo'. Avi tana li' une, ti Ajvalil Dios avu'unique laj yepajesoxuc ti co'ol a'elanic lac'otic jech c'u cha'al ti c'analetic ti oy ta vinajele.

Deuteronomio 26:5

Ja'uc le' une, xi xcholet ta jamal ta xaval ta stojol ti Ajvalil Dios avu'un jech c'u cha'al li'e: ‘Ti jmolmuc'totac ta vo'nee, ja' arameoetic ti xloc' x'ochic no'ox batele, ti uni jutebic ta j'ech'el ti bat nacliicuc ta Egiptoe. Comic ta naclej ti bu taje. C'otic ta jun muc' ta lum ta j'ech'el. Ts'acal to une, ech'em yepalic ta jmec ti tsots xu' yu'unique.