Éxodo 1:21 - Bible in Tzotzil de Chamula

²¹ Ti jech laj xi'taic Dios ti jvet'ometique, bolesbatic yalab xnich'nabic yu'un ti Diose.

Éxodo 1:21 Iomraidhean Croise

1 Reyes 11:38

Ti mi ta xapas scotol ti c'u s'elan ta xcalbot ava'ie, mi lec ti arazon ta jba ta jsate, mi ta xach'un ta spasel ti jbel ti c'usi albile, ti jmantaltaque, jech c'u cha'al laj spas ti cajtunel Davide, ta xajchi'inot. Ta xcal ta j'ech'el ti ta xcac' ochuc ta ajvalil junuc ti anitilule jech c'u cha'al laj cal ta stojol ti Davide. Ta xcac'bot ta avoc ta ac'ob ti Israele.

1 Reyes 2:24

J'ech'el ta xcal ta stojol ti Diose ti ja' stuc laj stic'un ochele. Laj snop stuc ti laj sva'an sba ti li'och ta xq'uexol ti David ti ja' jtote. Laj yac' ye ti mu xch'ay sc'oplal ti snitilul ta x'och ta ajvalilale. Avi tanae, ta xcham ono'ox ti Adoniase.”

Salmos 112:1

Jun yutsil ta j'ech'el ma' ti Dios une. Xmuyubaj ma' ti buch'u sna' xi'ta ti Diose, ti ta xc'ot ta yo'nton ti smantaltaque.

Salmos 127:1

Ti manchucuc ja' stuc Dios ta sva'an ti ch'ulnae, jeche' no'ox ta x'abtejic ti j'abteletique. Ti manchucuc ja' stuc ti Dios ta xchabi ti jteclume, jeche' no'ox va'ajtic ta q'uel osil ti jchabivanejetique.

Salmos 127:3

Ti calab jnich'nabtic ti chlaj voc'uque, ja' lequil c'uxubinel ta j'ech'el yu'un ti Diose.

Salmos 37:3

Pato avo'nton ta stojol ti Dios une, paso ti c'usi leque, cuxian ta banomil, j'ech'el tuc' xavac' aba.

Éxodo 1:17

Ac'o mi jech albilic un, yu'un ti jvet'ometique xi'taojic ti Diose. Mu'yuc laj spasic jech c'u cha'al albilic mantal yu'un ti ajvalil ta jteclum Egiptoe. Yu'un ch'an no'ox xutic ti queremetique.

Proverbios 24:3

Ta sventa bijilil, tojobtasbil ta stuc'ulanel ti snae, yich'oj liquel yip yu'un ta sventa ti snopbenale.

Eclesiastés 8:12

Jech staoj yav ec un, ti jsa'mulile sa'ilan no'ox smul ti jal jabil ta xch'i xc'opoje. (Ti c'usi ta jna'e, ti buch'u sna' xchiman sbaic ta xi'tael ti Diose, lec ta xc'ot ta stojolic.

Jeremías 35:2

“Batan bu nacalic ti recabitaetique, c'oponano. Mi laj une, ic'o batel ta jc'oluc ti na ti oy ta ch'ulnae. Ac'bo yuch' ti vinoe.”

1 Samuel 2:35

Mi laj taj une, ta jva'an jun pale ti oy stuq'uil sjol yo'ntone, ti ta spas jech c'u cha'al oy ta co'ntone, ti c'usi nopbil cu'une. Mu'yuc spajeb ta xcac'be ti snitilultaque, ti ta xcom o ta yajtunel ti ajvalil ti buch'u vu'un laj jt'uje.

1 Samuel 25:28

Ch'aybo smul scolo' ti avajtunel li'e. Jbel sc'oplal ta j'ech'el ta stic' sba ti Dios ta atojole yo' jech mu xtub ac'oplalic ta spasel mantal xchi'uc ti anitilultaque, ti atic'oj aba ta letovajel yu'un ti Diose. Ti c'u sjalil cuxulote, mu'yuc c'usi chopol ta xc'ot ta atojol.