Éxodo 1:20 - Bible in Tzotzil de Chamula

²⁰ Ti jech s'elan taje, ja' jech epajic. Laj stsac lec yipic ti jteclum Israele. Yu'un yantic x'epajic ta j'ech'el.

Bible in Tzotzil de Chenalhó with Deuterocanon

^20-21 Ta sventa ti jech la spasic li jnet'umetique, jech ibolic o li israeletique. Laj yich' lec stsatsalic. Ta sventa ti yich'ojic ta muc' Dios li jnet'umetique, jech i'epaj yalabic ec, yu'un icoltaatic yu'un li Diose.

Éxodo 1:20 Iomraidhean Croise

Salmos 103:11

Jech c'u cha'al sjamalil ti vinajel oy ta banomile, jech yepal ti syail xc'uxul yo'nton ta stojol ti buch'utic ta xich'ic ta muc' une.

Salmos 111:5

Ti buch'u sna' snijan sbaic ta stojole, ta xac'be ti sve'elique; ta svules ta yo'nton ma' ti c'u s'elan yaloj ti stratee.

Salmos 145:19

Ta xc'ot ta pasel yu'un ti c'usitic ta sc'anic ti buch'utic ta xich'ic ta muq'ue; c'alal ta sc'anic coltaele, ta x'a'yibat sc'opic, ta xpojatic yu'un.

Salmos 61:5

C'ot ta ani' achiquin un, Dios, ti oy c'usi caloj ta xcaq'ue, laj quich' ti jrexto ti ta xavac'be ti buch'utic ta xayich'ic ta muq'ue.

Salmos 85:9

Ti Diose melel nopol oy yo' ta stic' sba ta spojel ti buch'utic ta xi'taique, li' vulem ta jlumal cosilaltic ti yutsilal slequilal une.

Éxodo 1:12

C'alal jech ta xich'ic tsots ilbajinele, yantic no'ox x'epajic ta jmec ec. Jech o xal ti egipcioetique ep xi'el ta xa'iic.

Éxodo 1:19

Xi laj staq'uique: —Yu'un ti hebreo antsetique mu xco'olaj xchi'uc jech c'u cha'al ti egipcio antsetique. Yu'un ti stuquique tsotsic ta alajel. C'alal mu to ta xic'otcutic ta sq'uelele, colic xa ox ta alajel.

Éxodo 1:7

Ja' no'ox un, ti israeletique ep ti yalab xnich'nabique. Ja' yu'un un, epajic ta jmec. Tsalvanic comel ta j'ech'el, yu'un naca israeletic xc'uletic ti ta lume.

Proverbios 11:18

Naca yijil lo'lael ta sta ti buch'u mu'yuc xch'ulel xa'i sbae, ja'uc ti buch'u stamoj ta spasel ti c'usi leque, mu xch'ay ma' ti matanal yu'une.

Proverbios 19:17

Ti buch'u xt'olbij ta ch'om ta stojol ti me'un mu'nate, ja' xa c'ot ta xch'om ti Diose, ti Diose ta stic' sba ta stojel ti ilile.

Eclesiastés 8:12

Jech staoj yav ec un, ti jsa'mulile sa'ilan no'ox smul ti jal jabil ta xch'i xc'opoje. (Ti c'usi ta jna'e, ti buch'u sna' xchiman sbaic ta xi'tael ti Diose, lec ta xc'ot ta stojolic.

Isaías 3:10

Mu'yuc c'usi sna' ma' ti buch'u oy stuq'uil sjol yo'ntone, yu'un lec ti c'usi ta xc'ot ta stojole, xmuyubaj no'ox xchi'uc ti c'usitic lec ta spase.

San Mateo 10:42

Ta sventa ti sts'acliojun ti ma'uc cajal sc'oplale, buch'uuc no'ox ti ta xac'be jun vasu siquil vo' taje, melel unbi ta xich' ti smotone.”

San Mateo 25:40

Ti vu'un Ajvalilune xi ta jtac'beique: ‘Ta xcalboxuc ava'iic ta melel, ta sventa ti laj ac'uxubinic ti jun jchi'ile, ti peq'uel yuni c'oplale, vu'un laj ac'uxubinicun.’

San Lucas 1:50

Ti buch'u ta xi'taique, staoj yav ta xc'uxubinan.

Hebreos 6:10

Yu'un ti Diose oy stuq'uil yo'nton, mi ja'uc xch'ay ta yo'nton ti ta sventa syail xc'uxul avo'ntonic oy c'usi lec laj apasic ti laj avaq'uic iluc ta scoltael ti jch'unolajeletique, ti jech to yacal ta xapasic avi tana li'e.