Ester 9:4 - Bible in Tzotzil de Chamula

⁴ Yu'un ti Mardoqueoe ja' xa jun vinic cajal yabtel c'otem ta sna ti ajvalile, ti puc xa batel sc'oplal ya'yejal ta scotol ti lumetique, ti jujun c'ac'al ta xich' yip ti yabtele.

Bible in Tzotzil de Chenalhó with Deuterocanon

⁴ Yu'un li Mardoqueoe toj muc' yabtel yich'oj te ta stojol li ajvalile, xchi'uc puquem batel sc'oplal ta jujun banamiletic, xchi'uc yantic no'ox ta xich' batel lec stsatsal.

Ester 9:4 Iomraidhean Croise

2 Samuel 3:1

Jal ta j'ech'el letovajic svinictac ti Saúl xchi'uc svinictac ti Davide. Ja'uc ti Davide yantic stsac yip ta ech'el. Svinictac ti Saule yantic xa slubtsajic ech'el.

1 Crónicas 11:9

Yantic no'ox ta xich' batel yip xchi'uc yabtel ti Davide. Chi'inbil yu'un Dios ti scotol xu' yu'une.

1 Crónicas 14:17

Vinaj batel ta scotol muc'tiquil lum ti sc'oplale. C'ot ta pasel yu'un Dios ti xi'bil c'ot ti David ta scotol ti muc'tiquil lume.

Ester 10:2

Scotol ti yip yabtel laj spas ti ajvalile, jech c'u cha'al sc'oplal ti laj yac'be yich' tsots yabtel ti Mardoqueoe, ts'ibabil com ta jpoc vun ti bu ta xich' ts'ibael ti c'usitic ta xc'ot ta pasel yu'un ti ajvaliletic yu'un ti Media xchi'uc ti Persiae.

Salmos 1:3

Ti buch'u jech ta snopilan taje, co'ol s'elan jpets te' teq'uel ta ti' uc'ume, ti ta yorail no'ox ta xac' ti sate, ti j'ech'el mu xnucultaj ti yanaltaque. Scotol ti c'usi ta spase, lec ta xc'ot ta loq'uel yu'un.

Salmos 18:43

Laj apojun ta yoc sc'ob jun toyobba jteclum; li'och ta jun banquilal avu'un ta stojol ti muc'tiquil jteclume; ti jun jteclum ti mu xcojtiquinane, c'ot ta cajtunel avu'un.

Salmos 92:13

Va'anbil, tec'anbil ta xch'ulna ti Diose, ts'o'ol no'ox ta nich ta yamac' ti Dios cu'untique.

Éxodo 11:3

Ti Diose laj yac' c'uxubajuc yo'ntonic ti egipcioetic ta stojol ti israeletique. Ma'uc no'ox taje, yu'un ti yaj'abteltac ti faraone laj yilic ti cajal yabtel yich'oj ti Moisese, ja' jech ta snopic sjunlej ti Egiptoe.

Proverbios 4:18

Xi s'elan stamojic batel ma' ti buch'u oy stuq'uil yutsile, co'ol s'elan jech c'u cha'al ta xvul ta loq'uel ti xojobal c'ac'ale: ti xtixet no'ox yutsilal ta j'ech'el ja' to c'uxi tixil ti xojobale.

Isaías 9:7

Ta xchoti ta spasel mantal ti bu choti ti Davide; buyuc no'ox ta xpuc batel sc'oplal ti yich'oj tsots yabtel ta ajvalilale, mu'yuc xlaj sc'oplal ti lamajem ti c'op yu'une. J'ech'el ta xc'ot ta pasel ti tsots yabtel yich'oje; ti yictac yabtel ti bu stsacoj sba lec xchi'uque, ja' ti tuc' ta xchapanvane, ti ta stic' sba ta xchapel ti bu tsots sc'oplal avi tana le'e, jech o sbatel osil. Taje, ta xc'ot ta pasel ta sventa ti mu no'ox albajuc ayanem syail xc'uxul yo'nton ti Dios ti scotol xu' yu'une.

Sofonías 3:19

Ti jech c'ac'al taje, ta jva'an jba ta scontrainel scotol ti buch'u ta xilbot avocole. Ta jtic' jba ta spojel ti coxov chije. Ta jsa' talel ti bu ch'ayeme. Ti bajbil tenbil c'ote, ti tan jpuc batel ta sbejel banomile, ta joybinbe ta slequilal yutsilal.

San Mateo 4:24

Laj ya'ibeic sc'oplal Jesús ti jnaclejetic ta Siria banomile. Laj yiq'uic talel ta stojol ti c'usiuc no'ox chamelal ta xa'iique, ti ta x'avan ti sjol sbaquilique, ti ta x'ilbajinatic yu'un ti pucuje, ti jtub-iq'uetique, ti pasemic ta moch'e. Scotol ti jchameletique colic ta sventa ti Jesuse.

Josué 6:27

Ti Diose laj stic' sba ta scoltael ti Josuee, ti buyuc no'ox vinaj batel sc'oplale.

1 Samuel 2:30

Ja'uc le' un cha'e, ti Ajvalil ti ja' Dios yu'un ti Israele, ti laj yal ti ta xatunic o xchi'uc ti avalab anich'nabe, avi tana un, xi ta xal ta jamale: ‘Mu xcac' que jti' ti jech le'e. Ta xcac' ta ich'el ta muc' ti buch'u ta xiyac'un ta ich'el ta muq'ue. Ta xcac' ta q'uexlal ti buch'u ta xisoquesbeicun ti jc'oplale. Ti vu'un Ajvalilune mu me lo'iluc no'ox ta xcal.