Ester 9:2 - Bible in Tzotzil de Chamula

² Ta scotol bic'tal lumetic ti bu c'alal smacoj ti ajvalil Asueroe, ti bu nacalic ta jteclumetic ti judioetique, laj svol sbaic ta jteclumetic yo' ta stsaquic ta leto ti buch'utic ta x'ilbat ti svocolique. Mi junuc ma' ti oy buch'u xu' xa yu'un ta stsaquel ta c'ope. Scotol ti jteclume, batem xch'ulelic ta xi'el.

Bible in Tzotzil de Chenalhó with Deuterocanon

² Scotol li judaetic ti puquemic ta jujun banamil bu c'alal sventainoj li ajvalil Asueroe la stsob sbaic ta jujun lum ti bu nacalique, yu'un chac'beic li yajcontraic ti chapalic xa'ox ja' chaq'uique. Mu'yuc boch'o ivu' yu'un la stsal li judaetique, yu'un scotolic toj ep xi'elal laj ya'yic.

Ester 9:2 Iomraidhean Croise

Génesis 35:5

Ti c'alal loq'uic batele, scotol ti jteclumetic c'u yepal joyole, ac'batic ep xi'el yu'un ti Diose. Jech o xal mu'yuc xbat slubiic ta be ti Jacob xchi'uc ti xnich'nabe.

Ester 8:11

Ta sventa ti vunetic taje, albatic ya'iic yu'un ajvalil ti judíoetic ti buyuc no'ox nacalic ta scotol ti jteclumetique, ti svoluc sbaic ta spaquel ti sc'oplalique, ta smileluc, ta stsutseseluc, ta stubbeluc sc'oplalic, ta yu'ninbeluc ti c'usitic oy yu'unic ti jnaclejetic ti chapalic xchi'uc yabtejebic ta stsacvanic ta leto ti mu'yuc syail xc'uxul yo'ntonic ta smilel ti antsetique, ti ololetique.

Ester 8:17

Ta scotol ti buyuc ti jteclumetique, ti bic'tal lume, c'ot slo'il ya'yejal mantal yu'un ti ajvalile. Mu'yuc xa c'usi x'ech' o ta xa'iic ta muyubajel ti judioetique, xlaet no'ox ta xa'iic. Lic spasic q'uin sventa ve'el uch'ubajel. Ma'uc no'ox taje, yepal jnaclejetic ta jteclum lic snaban sbaic ta stojol ti judíoetic ti mu x'ech' xi'elal ta xa'iic yu'un ti judioetic ti cuch xa yu'unique.

Salmos 71:13

Aq'ueuc ta xq'uexlal, tsutsuc sc'oplalic ta j'ech'el ti jcontratac ti q'uelel ta xtuch'el ti jcuxleje. Aq'ueuc ta lo'il maxil ya'iic ti buch'u ta xilic ya'iic ti jvocole.

Salmos 71:24

Ja' jech xtoc scotol ora ta xloq'uilan ta que ta jti' ti oy stuq'uil avo'ntone, yu'un ti buch'utic ta xil ya'iic ti jvocole, q'uexlaluc c'otic ta j'ech'el un.

Éxodo 23:27

“Yu'un ti bu ta xa'ech'e, ta xc'ot ta pasel cu'un ti yan sba axi'elalic ta xa'iique, ti x'avlajetic no'ox ti jteclumetic avu'une. Ta xc'ot ta pasel cu'un ti c'usiuc no'ox lumalil xc'uletic no'ox batel ta jatobal avu'un ti bu ta xa'ech'e.

Isaías 8:9

Tsobo abaic un, muc'tic lumetic, batuc ach'ulel ta xi'el; chiquintao ava'iic ti xi s'elan ta xich' alele, scotol lumetic ti liquemoxuc talel ta nome: ac'o mi avac'ojbeic yipal ta stsaquel ma' ti avabtejebique, batem xa ach'ulelic ta xi'el. Jech un, ac'o mi avac'ojbeic yipal ta stsaquel ti avabtejebique, batem xa ach'ulelic yu'un ti xi'ele.

Deuteronomio 2:30

“C'u stu un, ti ajvalil Sehone mu'yuc xac' ech'cutic ta yosil sbanomil. Yu'un ti Ajvalil ti ja' Dios avu'unique laj stsatsubtasbe yo'nton yo' jech mu'yuc xac' ye yo' ta xc'ot ta tsutsel ta avoc ta ac'obic jech c'u cha'al oy ta avoc ta ac'obic tana li'e.

Josué 11:20

Yu'un pucujibtasbat yo'ntonic yu'un Dios ti yajcontraique, ti xu' xa yu'unic ta stsaquic ta c'op ti israeletique yo' jech mu'yuc syail xc'uxul o'ntonal ta stsutsesatic yu'un ti israeletique, co'ol jech c'u cha'al albil mantal yu'un Dios ti Moisese.

Josué 2:9

—Ca'binoj lec, ti Diose yac'ojboxuc xa ti banomil li'e. Yu'un c'ot xa ta pasel ti ja' stuc ta xac' ep xi'el ta co'ntoncutique. Yu'un scotol ti c'u yepal nacalic li'e, batem xa xch'ulelic ta xi'el avu'unic.