Ester 9:1 - Bible in Tzotzil de Chamula

¹ Ta yoxlajunebal (13) c'ac'al yu'un ti xlajchebal (12) u sbiinoj Adare, ja' sc'ac'alil chapanbil ta xc'ot ta pasel smantal ti ajvalile, sc'ac'alil xtoc ti smalaojic ta stsalatic ti judioetique. Mu jechuc c'ot ta pasel un. Laj stsal scontraic ti judioetique.

Bible in Tzotzil de Chenalhó with Deuterocanon

¹ C'alal ista li yoxlajunebal (13) c'ac'al yochel xlajchabal u Adare, ja' li sc'ac'alil ti ac'o c'otuc ta pasel li mantal yaloj ajvalile, li yajcontra judaetique chapalic xa'ox yu'un tsc'an chulesic o li Judae, pero mu jechuc ic'ot ta pasel. Ja' ijoybij ta stojol stuquic li yajcontraique yu'un ja' itsalatic yu'un li judaetique.

Ester 9:1 Iomraidhean Croise

2 Samuel 22:41

Va'i un, ta jba ta jsat, jatavic ech'el ti cajcontrataque, ja' jech laj jtsutsesic ti buch'utic xti'et sjolic ta jtojole.

Ester 3:13

Ta ora no'ox, laj staquic batel ta sventa ti j'ac'-vunetic ta stojol scotol ti bu c'alal ich'bilic ta ventae. Ti vun taje ta xal ti ta jun no'ox c'ac'ale, ac'o yich' tsutsesel ta j'ech'el scotol ti judioetique, mu'yuc ta alel mi querem to, mi molic xa, mi ololetic, mi antsetic. Ac'o yu'ninbeic scotol ti c'usitic oy yu'unique. Ti sc'ac'alil ti chapanbil taje, ja' ta yoxlajunebal (13) c'ac'al yu'un ti slajchebal (12) ue, ja' ti u ti sbiinoj Adare.

Ester 3:7

Ta sba u yu'un ti jabile, ti u sbiinoj Nisane, ti ja' xlajchebal (12) xa jabil stic'lej ta ajvalil ti Asueroe, lic sq'uelic yorail, ta stojol Amán, ta sventa yo' jech ta sna'ic c'usi c'ac'alil, c'usi ual ta xc'ot ta pasel yu'unic ti c'usi nopbile. Vinaj ti ta xc'ot ta yoxlajunebal (13) c'ac'al yu'un xlajchebal (12) ue, ta yual ti sbiinoj Adare.

Ester 8:12

Albatic xtoc ti junuc no'ox c'ac'ale, c'otuc ta pasel scotol ti bu c'alal smacoj ti ajvalil Asueroe, ta sc'ac'alil ti chapanbil sc'oplal ta oxlajuneb (13) c'ac'al ti xlajchebal (12) u ti sbiinoj Adare.

Ester 8:6

¿Mi xal xa ono'ox la xana' ta sts'ic cu'un ti vocol ta xc'ot ta stojol ti jteclumale, ti j'ech'el ta xich'ic tsutsesel ti cuts' calaltaque?

Ester 9:17

Taj une, ta sc'ac'alil xchanlajunebal (14) ti ue, lic xcux yo'ntonic un. Xmuyubajic lic spasic q'uin xchi'uc ve'ic uch'ubajic.

Salmos 18:40

Jatvil xa loq'uic ech'el ta jtojol ti cajcontra une; c'ot ta pasel ti laj jtsutses ta slilinel ti buch'utic xti'et sjolic ta jtojole.

Salmos 30:11

Ti xime'inal oq'ue, joybij xa ta muyubajel avu'un; laj xa atamun loq'uel ti oyun ta muc'ul vul-o'ntone, laj xa jlap c'u' avu'un ta sventa ti q'uin une.

Hechos 12:11

Va'i un, ti Pedro ja' to laj sna' lec ti melel ono'oxe, ti xi lic yale: —Avi tana une, ta xquil ta melel laj stac talel yaj'ánjel ti Diose yo' jech tal scoltaun loq'uel ta yoc ta sc'ob ti ajvalil Herodese xchi'uc ti c'usi snopoj ta spasbun ox ti israeletique.

Deuteronomio 32:36

“Ti Diose ta xloc' talel ta spojel ti slumal ti c'alal ta xil ti mu'yuc xa ti yipal yu'unique. Yu'un ti Diose ta xlic xc'uxubaj yo'nton yu'un ti yajtuneltac ti c'alal ta xil ti mu ja'uc xa junuc ta xcom ti buch'u tsotsique, ti mu ja'uc xa junuc ta xcom ti buch'u ch'abal ti yipic ono'oxe.

Apocalipsis 11:18

Ti muc'tiquil lumetique soquet ti sjolique, yu'un sta xa yorail lic sc'ac'al avo'nton ta xavac'be stojic ta j'ech'el, ti ja' yorail xa ta xachapan ti animaetique. Sta xa yorail ta xavac'be smoton ti avajtuneltaque, ja' ti buch'utic c'opojic ta aventae, ti laj yich'ot ta muq'ue, manchuc mi yalel toyol ti sbijilique. Sta xa yorail ta xatubbe sc'oplal ti jsoquesej-banomile.”