Ester 8:9 - Bible in Tzotzil de Chamula

⁹ Ti jts'ibajometic yu'un ti ajvalile, laj yich'ic tael ta iq'uel ta anil. Taj une, ja' o ta oxib xcha'vinic (23) sc'ac'alil yu'un ti yoxibal u ti sbiinoj Sivane, laj yich' ts'ibael scotol ti c'u s'elan loc' ta ye ta sti' ti Mardoqueoe. Laj yich'ic ts'ibael batel ta sventa ti judioetique, ta sventa ti ajvaliletic jujuvoc' stalelic oyic ta bic'tal jteclumetique, xchi'uc ti yan j'abteletic sbainojic ta sventainel ti vucub xcha'vinic (127) ta chop bic'tal lumetic ti lic ech'el ta India banomile, ti c'ot c'alal to Etiopiae. Ts'ibabil ta sc'op stuquic ti c'u s'elan sna' xc'opojic ti jujuchope. Laj yich' ts'ibael xtoc ta sc'op stuquic ti judíoetic ti c'u s'elan sna' xc'opojique.

Bible in Tzotzil de Chenalhó with Deuterocanon

⁹ Ta yoxibal xcha'vinic (23) c'ac'al yochel li yoxibal u Sivane, lic staquic ta iq'uel li jts'ibajometic yu'un muc'ta ajvalile. Ja' jech la sts'ibaic scotol jech chac c'u cha'al laj yal li Mardoqueoe. Ja' laj yich'ic ts'ibabel batel li judaetique, li ajvaliletique xchi'uc li banquilaletic ti xlic ta India c'alal to ta Etiopía banamile; ja' vucub svucvinic (127) muc'tic lumetic ta scotol. Ta sc'op stuquic xchi'uc ta sts'ib stuquic laj yich'ic ts'ibabel batel ta jujun banamil xchi'uc ta jujun lum. Jech ec li judaetique ta sc'op stuquic xchi'uc ta sts'ib stuquic laj yich'ic ts'ibabel batel.

Ester 8:9 Iomraidhean Croise

2 Reyes 18:26

Ti Eliaquim une, ti Sebnae, xchi'uc ti Joae, xi laj stac'beic ti j'opisial asirioe: —Avocoluc, c'oponuncutic ta arameo c'op, yu'un xca'icutic. Mu xac'oponuncutic ta hebreo c'op. Scotol ti c'u yepal oyic ta ba moque, ta xa'iic lec.

2 Crónicas 15:10

Lic svol sbaic ta Jerusalén ta yoxibal (3) u ti oy xa ta yo'lajunebal (15) jabil yochel ta ajvalilal ti Asae.

Ester 1:1

Ti lo'il a'yej li'e, c'ot ta pasel c'alal tiq'uil ta yabtel ti Asueroe, ti ja' ajvalil yu'unic ti vucub yucvinic (127) ta chop bic'tal lumetique, ti lic ech'el ta slumal Indiae, ti c'ot c'alal to Etiopiae.

Ester 1:22

Lic stac batel vunetic ta jteclumetic ti bu c'alal smacoje, ti ts'ibabil ta sc'op stuquique, ti xa'iic lec ti jujuchop ti bu nacalique, xchi'uc ti jteclum bu c'alal smacoje, ti ta xich'ic albel ti antsetic ti jch'unej-mantaluc ta stojol ti smalalic ta snaique, xchi'uc ti ich'biluc ta muc' sc'opic ti viniquetic yu'unique.

Ester 10:1

Ti ajvalil Asueroe lic suj ta stojel patan ti jujun jteclumetique, xchi'uc ti joyobtabil ta nab ti bu oyique.

Daniel 4:1

Ti Nabucodonosore laj stac batel vun ta stojol ti jnaclejetic ta banomil ti xi ta xale: “Ti ajvalil Nabucodonosorune, oy ta co'nton lamajemuc ti c'op yu'unique, mu'yucuc c'usi sna'ic ti jnaclejetic ta scotol ti jteclumetique, ti muc' ta lumetique, ti ep ta tos sc'opic ti li' nacalic ta banomile.

Daniel 6:1

Ti ajvalil Darioe c'ot ta nopel yu'un ti ta sva'an vacvinic (120) ta vo' its'inal ajvaliletic ta jujun lumetic ti oyic ta nomtique yo' jech ta sbainic ta stuc'ulanel ta scotol ti bu c'alal smacoj ti ajvalile.

Daniel 6:25

Va'i un, ti ajvalil Darioe xi laj yal ti laj sts'iba ech'el vunetic ta stojol ti jnaclejetic ti oy ta sjunul ti muc' ta lume, ti jaylajun-tos ti sc'opic ti buyuc no'ox nacalic ta banomile: “Ta jc'an ti lamajemuc c'op ta atojolique, ti mu'yucuc c'usi xana'ic ta j'ech'ele.