Ester 8:8 - Bible in Tzotzil de Chamula

⁸ Avi tana une, ta xcac' que jti' ti yich'uc ts'ibael ta jventa ti c'usi lec ta xava'i ta sventa spojelic ti judioetique. ¡Ac'beic yich' seyoal ta jseyo jtuc ti vunetic taje! (Ta jlic vun ti yac'oj spirma ta sbi stuc ti ajvalile, xchi'uc ti ac'bil seyoal ta sventa seyo stuc ti ajvalile, mu stac' tuch'bel yip.)

Bible in Tzotzil de Chenalhó with Deuterocanon

⁸ Li' ta orae xu' ta xcac' ac'o ats'ibaic batel cartaetic ta jbi sventa chacoltaic li achi'iltaquic ta judaile. Ts'ibaic ta jbi ti c'u x'elan lec chava'yique; aq'uic batel li sello cu'un sventa ajvalile. Yu'un me oy jun carta ti yich'oj batel jbi xchi'uc sello cu'un, vu'un li ajvalilune, mu'yuc boch'o xu' tsoques o —xi.

Ester 8:8 Iomraidhean Croise

1 Reyes 21:8

Ta ora no'ox lic sts'iba vun ta sventa sbi ti Acabe. Laj yac'be seyo ta sventa seyo ti ajvalile, ti laj stac batel ta stojol ti moletique, xchi'uc ta stojol ti banquilaletic ti nacalic ta jteclum ti bu nacal ti Nabot ta ts'acal to une.

Ester 1:19

Mi lec ta xa'i ti Jcuch abtel une, xi s'elan licuc sts'iba mantal ti ajvalile, ti bejanbil comuc jmoj xchi'uc ti oy c'usi tsots albil yu'un ti Persia xchi'uc ti Mediae, yo' jech mu xtub ti yipe: “Ti me' ajvalile, j'ech'eluc mu xa xbat sva'an sba ta xchi'inel ti ajvalile.” Ti sbiinoj me' ajvalile, yich'uc yan ants ti buch'u xich'be ti smelole.

Ester 3:12

Ta yoxlajunebal (13) sc'ac'alil ti sliqueb u yu'un ti jabile, laj yich'ic tael ta iq'uel ti jts'ibajometic yu'un ti ajvalile. Lic sts'ibaic ti mantaletic laj yal ti Amane yo' jech ta staquic batel ta stojol ti ajvaliletique, ti jujuchop ti sc'opic ti buyuc no'ox nacalique, xchi'uc ta stojolic ajvaliletic yu'un ti jujun muc'tic lume. Ti mantaletic taje, laj yich' ts'ibael ta jpoc vun ti ta xlo'ilaj ta sc'op stuquic ti jujuchop bu oyique, xchi'uc ti jteclume, ti yac'oj spirma ta sventa ti ajvalil Asueroe, ti yich'oj seyo ta sventa seyo ti ajvalile.

Ester 8:10

Ti ta vunetique, yac'anoj ech'el spirma ti ajvalil Asueroe. Ti jech laj yich' ac'anbel ti seyoal ta sventa seyo stuc ti ajvalile, laj yich' taquel batel ta sventa jpuc-vunetic ti xviletic no'ox batel ta ca'etic yu'un ti ajvalile.

Ester 8:5

ti xi laj yale: —Ti mi lec ta xa'i ti Jcuch abtele, ti mi ta xch'un ti oy smelol ti c'usi ta jc'anbee, ti oy jtu ta xil ti Jcuch abtele, ti mi ta xa'i ta yo'nton ti c'ux ta xiya'iune, yich'uc ts'ibael junuc mantal ti ta xtuch'be yip ti vunetic ti laj stac batel ti Amane, ti bu ta xalbe sc'oplal ta xich' tsutsesel ti judíoetic ti buyuc no'ox nacajtic ta banomil ti bu c'alal smacoj ti ajvalile.

Daniel 6:8

Ja' yu'un un, Jcuch abtel, ac'o ave ati' ti jech c'ot ta nopele. Ac'o avuni pirma un. Jech mu'yuc buch'u xu' ta soques ti c'usi c'ot ta nopele, jech c'u cha'al liquem ti oy c'usi jbel tsots albil yu'unic ti medoetique, xchi'uc ti persaetique, ti mu stac' tuch'bel yip ti c'usi nopbile.”

2 Timoteo 2:19

Ac'o mi jech ta xc'ot ta pasel un, ti Diose jbel sc'oplal xi laj sbejan ta alele: “Ti Cajvaltique ta xojtiquin ti buch'utic ja' yu'untaque. Scotol ti buch'utic xvocoletic ta stojol ti Cristoe, tsots sc'oplal ta sjip ta stenic comel ti mulile.”