Ester 8:7 - Bible in Tzotzil de Chamula

⁷ Ti ajvalil Asueroe xi laj stac'be ti me' ajvalil Estere, xchi'uc ti Mardoqueo ti judio vinique: —Sna ti Amane, laj xa cac'be ti Estere. Laj yich' joc'anel ta te' ti stuque ta scoj ti ta ox xilbe svocol ta yaq'uel sjol sbaquilic ti judioetique.

Bible in Tzotzil de Chenalhó with Deuterocanon

⁷ Li ajvalil Asueroe jech la stac'be li Ester xchi'uc li Mardoqueo, ja' li judá vinique: —Li vu'une laj xa cac'be Ester scotol c'usitic oy yu'un li Amane, xchi'uc laj xa cac' ta joc'anel ta te' li Amán ta sventa ti tsc'an ox chac' ta milel scotol li judaetique.

Ester 8:7 Iomraidhean Croise

Esdras 4:6

Ti jsa'-c'opetique lic sva'an sbaic ta stic'bel smul ti jnaclejetic yu'un Judá xchi'uc Jerusalén ta sliquebal yochel ta ajvalil ti Asueroe.

Ester 7:10

Ti Amane, bat yich' joc'anel stuc ta joc'anobbail ti bu xchapanoj ox ta sventa ti Mardoqueoe. Xlaet to yo'nton laj ya'i ti ajvalil ti jech c'ot ta pasele.

Ester 7:9

Ti Harbonae, jun ta scotol ti yajtunel ti ajvalile, xi laj yale: —Ta sna ti Amane, chapal xa yu'un jun joc'anobbail ti yich'oj chib xcha'vinic (22) metro ti stayleje, ti laj yac' ta pajel ta sventa ta sjoc'an ti Mardoqueoe, ti c'alal ja' jun vinic oy c'usi lec laj yalbe ya'i ti Jcuch abtele. Xi laj yal mantal ti ajvalile: —Ba joc'anic ya'i ti bu taj un cha'e.

Ester 8:1

Ti ta sc'ac'alil no'ox taje, ti ajvalil Asueroe laj sq'uelanbe me' ajvalil Ester sna ti Amane, yajcontra ti judioetique. Tal ta stojol ajvalil ti Mardoqueoe, ta sventa ti laj yal ti Estere, ti snamtal banquil xil sbaic xchi'uc ti Mardoqueoe.

Proverbios 13:22

Ti vinic oy yutsil slequile oy xrexto ta xictabe comel ti smamobtaque; ti c'u yepal sbusanoj sc'ulejal ti jsa'mulile, ta xc'ot ta yu'un ti buch'u oy stuq'uil yo'ntone.

Gálatas 3:13

Ti Cristoe tal scoltaotic ta scoj ti mu xc'ot ta ch'unel cu'untic ti oy c'usi tsots sc'oplal albile. Ti stuque co'ol s'elan jbaj-mantal c'ot, yu'un xi ta xal ti ch'ul c'ope: “Ti buch'u jipil ta curus ta xlaje, ja' jun jbaj-mantal.”