Ester 8:5 - Bible in Tzotzil de Chamula

⁵ ti xi laj yale: —Ti mi lec ta xa'i ti Jcuch abtele, ti mi ta xch'un ti oy smelol ti c'usi ta jc'anbee, ti oy jtu ta xil ti Jcuch abtele, ti mi ta xa'i ta yo'nton ti c'ux ta xiya'iune, yich'uc ts'ibael junuc mantal ti ta xtuch'be yip ti vunetic ti laj stac batel ti Amane, ti bu ta xalbe sc'oplal ta xich' tsutsesel ti judíoetic ti buyuc no'ox nacajtic ta banomil ti bu c'alal smacoj ti ajvalile.

Bible in Tzotzil de Chenalhó with Deuterocanon

⁵ jech laj yalbe: —Me lec chavilune, ajvalil, me lec ac'anojune, xchi'uc me lec chava'ay, me xc'ot ta avo'nton li c'usi ta xcale, ac'o ta ts'ibael yan cartaetic sventa ac'o lajuc sc'oplal li amantal spucoj batel ta carta li Amán sventa chac' ta milel scotol li jchi'iltac ti bu c'alal aventainoje.

Ester 8:5 Iomraidhean Croise

Ester 2:17

Ti Asuero une, ic'bil c'ot yo'nton yu'un ti mu bac'niuc x'ic'bun yo'nton yu'un yan ants jech c'u cha'al ti Estere. Yu'ninojbe c'ot yo'nton Asuero ti Ester eque. Laj scajtsanbe ti sc'oplale, ja' mu sta ti yan tsebetic ti ech' ta stojole. Laj yac'be slap ti sronail sjole. C'ot ta me' ajvalil ta sventa xq'uexol ti Vastie.

Ester 2:4

Ti bu x'ech' to c'upil laj yil tseb ti ajvalile, yich'uc va'anel ta me' ajvalil yo' jech ta xc'ot ta xq'uexol ti Vastie. Ti va'i s'elan taje, lec laj ya'i ti ajvalile. Jech laj yich' pasel un.

Ester 3:1

Ech' c'uc sjaliluc un, ti ajvalil Asueroe lic yac'be yich' cajal yabtel ti Amán xnich'on ti Hamedatae, snitilul ti Agage, ti c'ot ta banquilal yu'un scotol yaj'abteltac ti ajvalile.

Ester 5:8

Mi c'ux ta xiya'i ti Jcuch abtele, ti ta spas ta jtojol ti c'usi oy ta co'ntone, ti ta xc'ot ta pasel yu'un ti c'usi ta jc'anbee, talanic oc'om ta ve'el ta uch'ubajel xchi'uc ti Amane, ti chapanbil xa cu'un xtoc ti ve'el uch'ubajel ta sventa ti Jcuch abtele. Va'i unbi, ta xlic calbe ya'i ti c'usi ta xisc'anbun ti Jcuch abtele.

Ester 7:3

Ti Estere xi laj staq'ue: —Mi c'uxun ta yo'nton ti Jcuch abtele, mi lec ta xa'i ti c'u s'elan ta xcalbee, jun no'ox ti yatel co'nton ta jc'anbe ti Jcuch abtele. Ta jc'anbot ti xch'ayuc to ti jmul jcolo' ta yaq'uel ti jol jbaquile, ta yaq'uel sjol sbaquil ti jteclumale.

Éxodo 33:13

Ti mi jech ta melel taje, ac'bun jna' ti c'usi anopoje yo' jech xu' ta jpat co'nton ta atojolal, yo' jech staoj yav ta xca'i ti lec xavilune. Mu xach'ay ta avo'nton ti israeletic li'e, ja' anich'nab.

Éxodo 33:16

Va'i un, mi yu'un mu xachi'inuncutic batele, ¿c'usi xa xut ta xa'iic ti yan jteclum ti ta jchapbecutic ya'i ti lec xaviluncutic xchi'uc ti avalab anich'nabe? Yu'un ja' to jech ta xvinaj ti mu co'olucuncutic xchi'uc scotol ti jteclumetic ti oyic ta scotol banomile.

1 Samuel 20:29

Laj sc'anbun vocol ti ac'o cac' quee. Ti c'u yepal oyic ta nae, ta la xaq'uic chic'bil matanal ta slumalic ti tsots sc'oplal tae ta iq'uel yu'un ti xchi'iltac ta voq'uele. Ti mi ta la xcac' quee, laj yalbun xtoc ti ta la xbat sq'uel ta anil ti yuts' yalaltaque. Jech o xal mu'yuc xtal chotiuc ta ve'el xchi'uc ti Jcuch abtele.