Ester 8:14 - Bible in Tzotzil de Chamula

¹⁴ Ta sventa smantal ti ajvalile, ta anil loq'uic batel ti jpuc-vunetic ti cajalic batel ta ca'etic yu'un ti ajvalile. Laj yich' puquel ec ti mantal ta muc' ta lum Susae.

Bible in Tzotzil de Chenalhó with Deuterocanon

¹⁴ Li jpuccartaetique ta mantal yu'un ajvalil ibat spuquic ta scotol lumetic, xchi'uc ja' laj yac' batel li sca' stuc ti lec tsots xu' yu'unic anile, xchi'uc ja' ta smantal ti laj yich' puquel noxtoc te ta muc'ta lum Susae.

Ester 8:14 Iomraidhean Croise

Daniel 8:2

Ti c'usi laj quil ti c'alal jam ti jba jsate, co'ol s'elan tey oyun ta jteclum Susa yilel ti oy ta yosilal ti Elame, ta sti'il uc'um ti Ulai sbie.

Ester 3:15

Jech ti j'ac'-vunetique loq'uic batel ta spuquel ta sventa smantal ti ajvalile. Ti ts'ibabil mantal taje, lic ta steclumal Susa. Yan ti ajvalile xchi'uc ti Amane, jun yo'nton chotol ta x'uch'obajic. Ja'uc ti jnaclejetic ta Susae mu stac' a'yeluc ta xa'iic yu'un ti va'i s'elan taje.

Eclesiastés 9:10

Ti c'usi oy ta avoc ta ac'ob ta spasele, o'ntolino ta sbainel scotol. Yu'un ta muquinal ti bu ta xac'ot ta tsutsele, mu'yuc c'usi ta xich' pasel. Mu'yuc xa c'usi ta xich' nopel. Mu xa x'abtej ti snopobile. Mu xa x'abtej ti bijilile.

Ester 2:3

Sva'ananuc jtunel viniquetic ta scotol bu c'alal smacoj ta sventainel ti ajvalile, ti sbainojuc ta yiq'uel talel scotol ti tsebal antsetic ta sna ti ajvalil ta muc' ta lum Susae, ti bainbil c'oticuc yu'un ti Hegai jun vinic ti co'ol yo'nton xchi'uc ti ajvalile, ti sbainoj ta xchabiel ti antsetique. Sbainojuc c'otuc ti Hegai ta yalel mantal ti yich'ic jaxbel muil poxil sventa sc'upiltasel ti xch'alet no'ox ta q'uelele.

Ester 1:2

Ti jteclum Susae, c'otem ta spasob mantal ta scotol.

Nehemías 1:1

Li'e, ja' sc'oplal slo'il ya'yejal ti Nehemías xnich'on ti Hacaliase. Ti jtob xa jabil yochel ta ajvalilal ti Artajerjese, ta yual ti sbiinoj Quisleue, ti vu'un Nehemiase, ja' o oyun ta jteclum Susa.

1 Samuel 21:8

Ti Davide xi laj yalbe ti Ahimeleque: —¿Mi oy avu'un junuc lanza, mi ja' junuc espada? Yu'un toj anil tacbilun talel yu'un ti ajvalile, ti mu xa c'usi xcut laj jtam talel ti quespadae, mi ja'uc xa ti yan cabtejebtaque.

1 Reyes 4:28

C'alal ta xc'ot yorail ta sbainel jujun ti c'usi sc'an pasele, ta xalic mantal ta yich'el batel ti bu ta xtun ti jchop o ta trigoe, ti c'ajben ti ta slo' ti cajlebinel ca'e, xchi'uc ti yan jcuch-icatsil chon bolometique.

2 Crónicas 30:6

Loq'uic ech'el ti j'al-mantaletic ta sjunul Israel une, xchi'uc ta sjunul ti Judae, ti yich'ojbeic batel vunetic yu'un ti ajvalile, xchi'uc ti yaj'opisialtac ti xi ta xal smantal ti ajvalile: “Israeletic, sutanic talel ta stojol ti Ajvalile, Dios yu'un ti Abrahame, ti Isaaque, ti Israele. Jech ta xlic sventainoxuc ti stuc une, ja' ti c'u avepalic ti mu'yuc lajemoxuc ta milel yu'un ti ajvaliletic ta Asiriae.

Ester 3:13

Ta ora no'ox, laj staquic batel ta sventa ti j'ac'-vunetic ta stojol scotol ti bu c'alal ich'bilic ta ventae. Ti vun taje ta xal ti ta jun no'ox c'ac'ale, ac'o yich' tsutsesel ta j'ech'el scotol ti judioetique, mu'yuc ta alel mi querem to, mi molic xa, mi ololetic, mi antsetic. Ac'o yu'ninbeic scotol ti c'usitic oy yu'unique. Ti sc'ac'alil ti chapanbil taje, ja' ta yoxlajunebal (13) c'ac'al yu'un ti slajchebal (12) ue, ja' ti u ti sbiinoj Adare.

Ester 3:14

Ti xcha'pocal vun yu'un ti mantal taje, co'ol s'elan c'ot yu'unic ti oy c'usi tsots sc'oplal albile, yo' jech ta x'ac'bat sna'ic scotol ti buyuc no'ox oyique, xchi'uc ti jteclumetique, yo' jech chapalicuc xa ti jech c'ac'al taje.

Ester 8:13

Sloc'ol ti jlic vune, c'otuc ta oy c'usi tsots albil ti pucuc ech'el ta stojol scotol jnaclejetic ti buyuc no'ox nacalic ta jteclume, ti ta bic'tal lume, ti xchapalicuc ti judíoetic jech c'ac'al ta spacbeic sutel ti scontraique.

Ester 8:15

Ti Mardoqueoe slapoj loc' ech'el lo'in c'u'il sventa ajvalilal ti yax'elan xyaxal xchi'uc saquile, xchi'uc jun muc' ta ronail jolal ti meltsanbil ta oroe, xchi'uc jlic xela mochib c'u' ti yax'elan stsajale. Xmuyubajic lic avanicuc scotol ti jnaclejetic ta muc' ta lum Susae.