Ester 8:11 - Bible in Tzotzil de Chamula

¹¹ Ta sventa ti vunetic taje, albatic ya'iic yu'un ajvalil ti judíoetic ti buyuc no'ox nacalic ta scotol ti jteclumetique, ti svoluc sbaic ta spaquel ti sc'oplalique, ta smileluc, ta stsutseseluc, ta stubbeluc sc'oplalic, ta yu'ninbeluc ti c'usitic oy yu'unic ti jnaclejetic ti chapalic xchi'uc yabtejebic ta stsacvanic ta leto ti mu'yuc syail xc'uxul yo'ntonic ta smilel ti antsetique, ti ololetique.

Bible in Tzotzil de Chenalhó with Deuterocanon

¹¹ Li ajvalile laj yal batel mantal ta cartaetic ti ac'o stsob sbaic buyuc no'ox lumal nacalic li judaetique; ac'o spoj abaic c'alal chtal milatuc yu'un li yajcontraic ta jujun muc'tic lum xchi'uc ta bic'tal lumetique.

Ester 8:11 Iomraidhean Croise

Ester 3:13

Ta ora no'ox, laj staquic batel ta sventa ti j'ac'-vunetic ta stojol scotol ti bu c'alal ich'bilic ta ventae. Ti vun taje ta xal ti ta jun no'ox c'ac'ale, ac'o yich' tsutsesel ta j'ech'el scotol ti judioetique, mu'yuc ta alel mi querem to, mi molic xa, mi ololetic, mi antsetic. Ac'o yu'ninbeic scotol ti c'usitic oy yu'unique. Ti sc'ac'alil ti chapanbil taje, ja' ta yoxlajunebal (13) c'ac'al yu'un ti slajchebal (12) ue, ja' ti u ti sbiinoj Adare.

Ester 9:18

Yan ti judíoetic nacalic ta lum Susae, vololic o ta sc'ac'alil yoxlajunebal (13) xchi'uc ta xchanlajunebal (14) sc'ac'alil yu'un ti ue. Jech lic xcux yo'ntonic ta yo'lajunebal (15) sc'ac'alil. Xmuyubajic lic spasic q'uin xchi'uc ve'ic uch'ubajic.

Salmos 137:8

Ta xc'ot ta atojol ti ta xavich' lilinele, Babilonia. Mu xa c'usi sna' ti buch'u ta xac' atoj ta ajol ti c'usi chopol laj apasbuncutique.

Salmos 68:3

Ti buch'u oy stuq'uilique xmuyubajic no'ox; ta sba ta sat ti Diose mu'yuc c'usi sna'ic ta xa'iic, xbitic no'ox ta muyubajel un.

Isaías 10:6

Ta jtac ech'el ta svoliel ta yilbajinel ti chopol lume, jun muc' ta lum ti ta soquesbun ti co'ntone, yo' jech ta xc'ot ta pasel ti pojbaticuc ti elc'anbaticuc ech'el ti sc'ulejalique, yo' jech yich'icuc pech'el ta teq'uel jech c'u cha'al ti ach'el ta bee.

Ezequiel 39:10

Laj to c'op ma' ti ta xbat sa'ic talel si' ta osiltique, ti ta xbat sbasic talel si' ta te'tique, yu'un ta xtun ta si' yu'unic scotol ti abtejebaletic taje. Ti x'uninbat ta elc'anel ec un ti c'usi ba'yel laj yu'ninic ta yelc'anele. Ti vu'un Ajvalilune, mu lo'iluc no'ox ta xcal.