Ester 8:10 - Bible in Tzotzil de Chamula

¹⁰ Ti ta vunetique, yac'anoj ech'el spirma ti ajvalil Asueroe. Ti jech laj yich' ac'anbel ti seyoal ta sventa seyo stuc ti ajvalile, laj yich' taquel batel ta sventa jpuc-vunetic ti xviletic no'ox batel ta ca'etic yu'un ti ajvalile.

Bible in Tzotzil de Chenalhó with Deuterocanon

¹⁰ Scotol li cartaetique yich'oj lec sbi xchi'uc sello ajvalil Asueroe. C'alal lec xa chapal yu'unique, la staquic batel li boch'otic bat spuquic li cartae; ja' te la scajlebinic batel li ca'etic yu'un ajvalil ti bu lec tsots x'anilajique.

Ester 8:10 Iomraidhean Croise

1 Reyes 21:8

Ta ora no'ox lic sts'iba vun ta sventa sbi ti Acabe. Laj yac'be seyo ta sventa seyo ti ajvalile, ti laj stac batel ta stojol ti moletique, xchi'uc ta stojol ti banquilaletic ti nacalic ta jteclum ti bu nacal ti Nabot ta ts'acal to une.

1 Reyes 4:28

C'alal ta xc'ot yorail ta sbainel jujun ti c'usi sc'an pasele, ta xalic mantal ta yich'el batel ti bu ta xtun ti jchop o ta trigoe, ti c'ajben ti ta slo' ti cajlebinel ca'e, xchi'uc ti yan jcuch-icatsil chon bolometique.

2 Crónicas 30:6

Loq'uic ech'el ti j'al-mantaletic ta sjunul Israel une, xchi'uc ta sjunul ti Judae, ti yich'ojbeic batel vunetic yu'un ti ajvalile, xchi'uc ti yaj'opisialtac ti xi ta xal smantal ti ajvalile: “Israeletic, sutanic talel ta stojol ti Ajvalile, Dios yu'un ti Abrahame, ti Isaaque, ti Israele. Jech ta xlic sventainoxuc ti stuc une, ja' ti c'u avepalic ti mu'yuc lajemoxuc ta milel yu'un ti ajvaliletic ta Asiriae.

Ester 8:8

Avi tana une, ta xcac' que jti' ti yich'uc ts'ibael ta jventa ti c'usi lec ta xava'i ta sventa spojelic ti judioetique. ¡Ac'beic yich' seyoal ta jseyo jtuc ti vunetic taje! (Ta jlic vun ti yac'oj spirma ta sbi stuc ti ajvalile, xchi'uc ti ac'bil seyoal ta sventa seyo stuc ti ajvalile, mu stac' tuch'bel yip.)

Job 9:25

Ti jch'iel jc'opojele xquechet no'ox batel ta anil, ti ma'uc laj jta ti mu'yuc c'usi jna'e.

Eclesiastés 8:4

Yu'un ti ajvalile yich'oj yabtel ti jbel xc'opoj c'u s'elan ta xloc' ta ye ta stsutsese. Mu'yuc buch'u junuc ta x'ich'bat ye sti' yu'un ti c'usitic ta spase.

Isaías 60:6

Ta xavil ta aba ta asat ti c'ulul ta xvul ta atojol ti epal camelloetic ti lic talel ta lum Madiane, ti lic talel ta Efae. Ti nacalic ta Sabae ta xtalic scotolic ti xcuchojic talel ti oroe xchi'uc ti pome, ti ta xalic ta jamal yutsilal yabtel ti Dios laj spase.

Isaías 66:20

Ti ta muc'tiquil lumetic taje, ta xiq'uic loq'uel talel scotol ti avinquilelique, ti cajalic ta xtalic ta ca'e, ti ta carretae, ti chotol ta xtalic ta q'uechbil chotlebale, ti cajal ta xtalic ta mulae, ti ta camelloe. Co'ol s'elan ta xc'ot ta matanal ta jtojol ta lum Jerusalén, ta ch'ul vits cu'un, jech c'u cha'al ta xich'ic talel matanal ti israeletic ti lec suc'bil ti bis ta xich'ic talel ta jch'ulnae.

Jeremías 2:23

¿Mi xloc' no'ox ta alel avu'un ti xachi ta xaval une: ‘Laj to c'op un quere ma' ti jbonoj jba une, ti jnijanoj jchimanoj jba ta yich'el ta muc' ti diosetic ti mu'yuc c'usi xu' yu'unique’? A'yio ava'i c'u s'elan la'ech' talel ta stenlejaltic. Tuc'ulano avil scotol ti c'u s'elan laj apase, ti co'ol a'elan me' camello ti mu no'ox ta yocuc xbitet ta jujujote.

Jeremías 51:21

Yu'un ta jtunesot ta stubbel sc'oplal ti ca'etic xchi'uc ti yajvaltaque, ti carretaetic xchi'uc ti yajvaltaque.

Daniel 4:1

Ti Nabucodonosore laj stac batel vun ta stojol ti jnaclejetic ta banomil ti xi ta xale: “Ti ajvalil Nabucodonosorune, oy ta co'nton lamajemuc ti c'op yu'unique, mu'yucuc c'usi sna'ic ti jnaclejetic ta scotol ti jteclumetique, ti muc' ta lumetique, ti ep ta tos sc'opic ti li' nacalic ta banomile.

Daniel 6:8

Ja' yu'un un, Jcuch abtel, ac'o ave ati' ti jech c'ot ta nopele. Ac'o avuni pirma un. Jech mu'yuc buch'u xu' ta soques ti c'usi c'ot ta nopele, jech c'u cha'al liquem ti oy c'usi jbel tsots albil yu'unic ti medoetique, xchi'uc ti persaetique, ti mu stac' tuch'bel yip ti c'usi nopbile.”