Ester 8:1 - Bible in Tzotzil de Chamula

¹ Ti ta sc'ac'alil no'ox taje, ti ajvalil Asueroe laj sq'uelanbe me' ajvalil Ester sna ti Amane, yajcontra ti judioetique. Tal ta stojol ajvalil ti Mardoqueoe, ta sventa ti laj yal ti Estere, ti snamtal banquil xil sbaic xchi'uc ti Mardoqueoe.

Bible in Tzotzil de Chenalhó with Deuterocanon

¹ Li ajvalil Asueroe te no'ox ta sc'ac'alil laj yac'be ta sc'ob Ester li sna xchi'uc scotol c'usitic oy yu'un Amane, ja' li yajcontra judaetique. Li Mardoqueoe te ital ta stojol li ajvalile, yu'un li Estere yalojbe xa'ox ti ja' sjuntot li Mardoqueoe.

Ester 8:1 Iomraidhean Croise

Ester 1:14

Ti buch'utic nabalic ta sts'el ta stojol ti ajvalile, ja'ic ti Carsenae, ti Setare, ti Admatae, ti Tarsise, ti Merese, ti Marsenae, xchi'uc ti Memucane, vucub viniquetic cajal yabtelic yich'oj yu'un ti Persia xchi'uc ti Mediae, ti sbainojic ti jbijubtasvanej ti cajal yabtel yich'ojic ta sventa ti ajvalil yu'un ti muc' ta lume.

Ester 2:15

Ti Ester une, yantsil nich'on ti Abihaile, sjun-nich'on ti Mardoqueoe, c'alal sta yorail laj yich' iq'uel batel ta stojol ti ajvalile, c'ajomal no'ox laj yich' batel c'u s'elan albil yu'un ti Hegai jun vinic ti co'ol yo'ntonic xchi'uc ti ajvalile, ti sbainoj ta xchabiel ti tsebetique. Staoj xa ti Ester une, ti lec x'ile yu'un scotol ti buch'u tuc'ulanvanique.

Ester 2:7

Ti Mardoqueoe oy jun snamtal ixlel ti ch'abal xa ti stot sme'e, ti laj sbis jech c'u cha'al ta stseb stuc c'alal chamem xa ti stot sme'e. Ti tseb taje sbiinoj Hadasa, Ester ti yan sbie. C'upil sba ta j'ech'el ta q'uelbel ti sat yelove.

Ester 7:6

Xi laj stac' ti Estere: —¡Ti jcontrainvanej jti'ovale, ti spajebal xa no'ox mu'yuc xch'ulele, ja' ti vinic Amán li'e! C'alal laj ya'i ti Amán taje, toj alubel c'ot ta xi'el ta stojol ti ajvalile, xchi'uc ta stojol ti me' ajvalile.

Ester 8:7

Ti ajvalil Asueroe xi laj stac'be ti me' ajvalil Estere, xchi'uc ti Mardoqueo ti judio vinique: —Sna ti Amane, laj xa cac'be ti Estere. Laj yich' joc'anel ta te' ti stuque ta scoj ti ta ox xilbe svocol ta yaq'uel sjol sbaquilic ti judioetique.

Salmos 39:6

Co'ol s'elan junuc queov xva'et no'ox ta x'ech' scotolic. Mu'yuc c'usi tun o ti laj stsob ti sc'ulejalique, mu na'baj buch'u ta stsob comel un.

Proverbios 13:22

Ti vinic oy yutsil slequile oy xrexto ta xictabe comel ti smamobtaque; ti c'u yepal sbusanoj sc'ulejal ti jsa'mulile, ta xc'ot ta yu'un ti buch'u oy stuq'uil yo'ntone.

Proverbios 28:8

Ti buch'u ta xc'ot ta c'ulej ta sventa ti sjol staq'uine, busul ta xictabe comel ti buch'u sna' xc'uxubin ti me'unetique.

San Lucas 12:20

Xi albat yu'un ti Diose: ‘Toyobba vinic, ti ac'ubal tana li'e, ta xacham. Ti c'usiticuc x'ayan avu'une, ¿buch'u van ta xich' comel?’