Ester 7:9 - Bible in Tzotzil de Chamula

⁹ Ti Harbonae, jun ta scotol ti yajtunel ti ajvalile, xi laj yale: —Ta sna ti Amane, chapal xa yu'un jun joc'anobbail ti yich'oj chib xcha'vinic (22) metro ti stayleje, ti laj yac' ta pajel ta sventa ta sjoc'an ti Mardoqueoe, ti c'alal ja' jun vinic oy c'usi lec laj yalbe ya'i ti Jcuch abtele. Xi laj yal mantal ti ajvalile: —Ba joc'anic ya'i ti bu taj un cha'e.

Ester 7:9 Iomraidhean Croise

2 Reyes 9:32

Ti Jehue laj sq'uel ech'el ti ventana ti xi laj yalbe ya'ie: —¿Buch'u ti co'ol jol co'nton xchi'uque? Chib oxibuc j'opisialetic ti laj yac' sbaic ta ilel ta nae.

Ester 1:10

Ta yucubal xa c'ac'al ti q'uine, xmuyubaj no'ox ta xa'i ti ajvalil ti xjimet xa sjol yu'un ti vinoe. Jech laj stac talel ti Mehumane, ti Biztae, ti Harbonae, ti Bigtae, ti Abagtae, ti Zetare, xchi'uc ti Carcase, vucub viniquetic ti ja' co'ol yo'ntonic xchi'uque.

Ester 5:14

Va'i ti yajnil une xchi'uc scotol ti buch'u lec xil sbaic xchi'uque, xi laj yalbeique: —Alo mantal ti yich'uc pajel junuc joc'anobbail ti yich'ojuc chib xcha'vinic (22) metro ti snatile. Ti sob oc'ome, c'anbo ti ajvalil ti yich'uc joc'anel ti Mardoqueo ti bu taje. Mi ja'uc xa xvulvun avo'nton jutebuc c'alal ta xabat ta ve'el uch'ubajel xchi'uc ti ajvalile. Xvic'luj to sat laj ya'i ti Amán ti va'i s'elan laj yich' bijubtasele. Laj stac ta smeltsanel ti joc'anobbaile.

Ester 6:14

Mu to ta xlaj yo'ntonic ta slo'iltael c'alal c'otic ti yajtunel stuc ti ajvalile, yo' jech ta xiq'uic batel ta anil ti Amán ta ve'el uch'ubajel ti chapanbil yu'un ti Estere.

Ester 6:2

Ti ta jpoc vune, ts'ibabil ya'yejal laj staic c'u s'elan laj svinajes ti Mardoqueo sc'oplal ti Bigtan xchi'uc ti Terese, yajchabivanej j'opisialetic ta sna ti ajvalile, ti snopojic xa spayojbeic sc'oplal ta xaq'uic ta milel ti ajvalil Asueroe.

Ester 8:7

Ti ajvalil Asueroe xi laj stac'be ti me' ajvalil Estere, xchi'uc ti Mardoqueo ti judio vinique: —Sna ti Amane, laj xa cac'be ti Estere. Laj yich' joc'anel ta te' ti stuque ta scoj ti ta ox xilbe svocol ta yaq'uel sjol sbaquilic ti judioetique.

Ester 9:14

Ti ajvalile laj yal mantal ti jechuc c'otuc ta pasele. Ti c'u s'elan loq'uem ta puquel ti mantale, laj yich' albel sc'oplal ta muc' ta lum Susa. Sbec'tal stacopal ti lajunvo' xnich'nab Amane, laj yich'ic joc'anel ta te'.

Ester 9:25

Le' une, c'alal bat ta stojol ajvalil ti Estere, ti ajvalile laj yal jun mantal ti yich'ic ts'ibael ta vun scotol ti c'u s'elan chopol ta spas ti Amán ta stojol ti judioetique, ti cajaluc c'otuc ta sba stuc xchi'uc ti xnich'nabe.

Salmos 141:10

Ti chapal xa jpets'al yu'un ti buch'u mu'yuc xch'ulel xa'i sbaique, c'otuc ta sba stuquic un, vechetcun no'ox jelavel ti vu'une.

Salmos 35:8

Ta jechuc yepal lamluc c'otuc ta sbaic ti yilbajinelique. Ta jechuc yepal ochuc yalel ta spets'al stuquic ti laj spasique. Lamluc c'otuc ta sbaic ti svocolique.

Salmos 73:19

Mu xa ta sjaliluc ta xc'otic ta tsutsel. Ta xi'el no'ox xbat o xchi'uquic.

Daniel 6:24

Ts'acal to ec un, ti ajvalile laj yal mantal ti ac'o yich'ic iq'uel talel ti viniquetic ti buch'u laj sa'beic smul ti Daniele. Va'i un, jmoj laj yich'ic tiq'uel ochel xchi'uc yajnilic, xchi'uc xnich'nabic ta nail ch'en ti bu tiq'uil ti leonetique. Ja'uc ti stuquic une, mu to ta xc'otic lec ta yut ch'en ti c'alal xjipet no'ox talel ti leonetique. Ta jliquel no'ox lilinatic ta j'ech'el.

Daniel 6:7

Yu'un scotol ti its'inal ajvaliletic ti sbainojic ta spasel mantal ta sjunul ti muc' ta lume, c'ot ta pasel ti laj stsob sbaique. Laj svules ta yo'ntonic ti ac'o yich' alel ti loc'uc mantal yu'un ti ajvalile, ti mu'yucuc buch'u xnijilet xchimilet ta sc'oponel mi junuc ti yan diose, mi ja'uc ta stojol jun vinic ti ta xloc' ti lajuneb xcha'vinic (30) c'ac'ale, ti ja'uc no'ox atuc ti cajaluc ac'oplal ta xc'ot yu'unic ti Jcuch abtelote. Ti buch'u mu xac' ta venta ti va'i s'elan taje, ac'o ba yich' tiq'uel ta nail ch'en ti bu tiq'uil ti leonetique.

1 Samuel 17:51

xvilil batel ta anil ti bu nujul ti filisteoe. Tsac xutbe loq'uel ti yespada ti oy ta snae. Laj stsutses o ta jmoj xchi'uc. Ts'acal to un, c'oc xutbe ti sjole. C'alal laj yilic ti filisteoetic ti cham xa ti banquilal j'ac'-leto yu'unique, xc'uletic no'ox batel ta jatobal.