Ester 7:8 - Bible in Tzotzil de Chamula

⁸ C'alal sut talel ta ts'unubal nichim ti ajvalile, och batel ta yut na ti bu xyaquet ti ve'el uch'ubajele. Laj yil batel ti ja' o patal ech'el ti Amán ta chotlebal ti bu quiquil ti Estere, ti xi tsots c'opoj ti ajvalile: —¿Mi yu'un ta xavilbajin ava'i xtoc ti me' ajvalil ta jba ta jsat li' ta yut jnae? Ti jech loc' ta ye ta sti' ti ajvalil ti va'i s'elan ti c'op taje, ta jech yepal, talic jun chib j'opisialetic ti c'otem ta yajchabivanej ti ajvalile, nax to ti mac xutbeic sat ti Amane.

Bible in Tzotzil de Chenalhó with Deuterocanon

^8-9 Li ajvalile isut tal yan velta te yo' bu oy li ve'lile, pero li Amane ja'o la spatan sba ta sc'anbe vocol bu chcux yo'nton li Estere. Li ajvalile jech laj yal: —¿Me yu'un chac'an chavuts'inta li' ta jna noxtoc li Estere? —xut. C'alal naca to laj yal jech li ajvalile, li j'abteletic yu'une, la smacbeic sat li Amane. Oy jun j'abtel yu'un, Harbona sbi, jech laj yalbe li ajvalile: —Te ta sna li Amane oy yac'oj ta pajel lec te' sventa te tsjoc'an ox li Mardoqueo li boch'o lec c'usi laj yal ta atojole. Li te' spajojique oy van chibuc xcha'vinic (22) metro stayal —xut. Li ajvalile jech yal: —Ja' te xbat ajoc'anic —xi.

Ester 7:8 Iomraidhean Croise

Ester 1:5

C'alal laj taje, laj to spas yan q'uin ti ajvalil ti jalij vucub (7) c'ac'al ta yamaq'uil sna bu ts'unul ti nichimetique. Scotolic c'u yepal nacalic ta slumal Susae, ic'bilic ti buch'utic tsots yabtelique, xchi'uc ti buch'utic mu tsotsuc yabtelic yich'ojique.

Ester 1:6

Ti amaq'ue nichimtasbil lec ta c'upil sba lequiquil saquil poc', xchi'uc ta yax'elan ti xyaxale, ti joc'ajtic ta yax'elan tsajal xela noe, ti xojbil jelavel ta jomolil sat ta plata taq'uine, ti c'otem xchuc sba ta jujun oy ti meltsanbil ta baxtone. Ti peq'uel chotlebaletic laj yaq'ue, naca meltsanbil ta oro, ta plata, ti yich'oj naca c'upil sba pac'bil tonetic ti sts'ayts'un no'ox yutsile, ti jtos o ta baxtone, ti saquil baxtone, xchi'uc ti ic'al baxtone.

Ester 6:12

C'alal tsuts ti xanobal ta ca' une, ti Mardoqueoe sut batel ta chotlej ta sti'na sna ti ajvalile. Ti Amane svoloj xa ta maquel sat, bat ta anil ta sna.

Ester 7:10

Ti Amane, bat yich' joc'anel stuc ta joc'anobbail ti bu xchapanoj ox ta sventa ti Mardoqueoe. Xlaet to yo'nton laj ya'i ti ajvalil ti jech c'ot ta pasele.

Job 9:24

Ti banomile, ta xac'be comel ta yoc ta sc'ob ti buch'u ch'abal xch'ulel xa'i sbaique; ta smacbe sat ti jchapanvanejetic yu'unique. Mi ma'uc ta spas ti Diose, ¿buch'u xa van un cha'e?

Isaías 22:17

Ta stenot batel ta nom ti Diose jech c'u cha'al ta spas jun vinic ti tsots xu' yu'une, ti sjunul yip ta xmich'ote.

Isaías 49:23

Ti ajvaliletique ta xc'otic ta jts'itesvanej totil. Ti tojol tsebetic ti oy sc'oplal ta xc'ot ta me' ajvalile, ta xc'ot ta avajch'ipomtac. Snupilan xa banomil ta snijan sbaic ta atojol, ti slec' xa ti spucuquil avacane. Ja' jech ta xlic ana' ti vu'un ti Diosune. Ti buch'utic spatoj yo'ntonic ta jtojole, mu xlajic ta lo'lael.”

Amós 3:12

Xi ta xal ti Diose: “Jech c'u cha'al ti jun jq'uel-chij ti ja' xa no'ox ta stabe talel ti xchibal yacane, mi ja' ti juteb xa xchiquin ti xchij ti laj ta ti'el yu'un ti jti'oval leone, ja' jech, jun chib no'ox ta xcolic ti israeletic ti nacalic ta jteclum Samariae. Taje, ja' sc'oplalic ti buch'utic jun xa yutsiquil ti xchotlebic ti chotajtic ta jteclum Damascoe.”

Marcos 14:65

Oy jlom lic stubtabeic sat. Oy jlom lic smacbeic sat yo' ta smajic ti xi lic yalbeique: —Na'o ca'icutic buch'u laj smajot. Ti mayoletic yu'un ti jchabiej ch'ulnae laj smajbeic sat ti Jesuse.