Ester 7:6 - Bible in Tzotzil de Chamula

⁶ Xi laj stac' ti Estere: —¡Ti jcontrainvanej jti'ovale, ti spajebal xa no'ox mu'yuc xch'ulele, ja' ti vinic Amán li'e! C'alal laj ya'i ti Amán taje, toj alubel c'ot ta xi'el ta stojol ti ajvalile, xchi'uc ta stojol ti me' ajvalile.

Bible in Tzotzil de Chenalhó with Deuterocanon

⁶ Itac'ov li Estere: —¡Li jcontrainvaneje, li pucujil vinique ja' li bol vinic Amán li' chotole! —xut. C'alal laj ya'ay li Amane, toj batel xch'ulel ta xi'el ic'ot ta stojol li ajvalile xchi'uc li Estere.

Ester 7:6 Iomraidhean Croise

Nehemías 6:16

C'alal laj ya'iic ti cajcontracutique, xchi'uc scotol ti muc'tic lumetic ti joyol ta jpat ta jxoconcutique, lic xi'el yu'unic ta j'ech'el xchi'uc nom to c'ot ti cajal xa'i sbaique, laj sna'ic ti coltabiluncutic yu'un ti Dios cu'uncutic ti c'ot ta tsutsel ti abtele.

Ester 3:10

Va'i ti ajvalile laj snit loq'uel ti yixtolal sc'obe. Laj yac'be ti Amán ti yajcontra ti judioetique,

Ester 7:5

Va'i ti Asuero une xi laj sjaq'ue: —¿Buch'u xa ono'ox taj une? ¿Bu oy ti va'i s'elan snopoje?

Ester 8:1

Ti ta sc'ac'alil no'ox taje, ti ajvalil Asueroe laj sq'uelanbe me' ajvalil Ester sna ti Amane, yajcontra ti judioetique. Tal ta stojol ajvalil ti Mardoqueoe, ta sventa ti laj yal ti Estere, ti snamtal banquil xil sbaic xchi'uc ti Mardoqueoe.

Salmos 27:2

Ti jcontrataque, ti mu'yuc xch'ulel xa'i sbaique, svol xa sbaic ta stsaquicun ta c'op ta stubel ti jc'oplale, le' une, ta sbosi yacanic, ta xyalic ta lum ti stuquic une.

Proverbios 16:14

Ti xvojet no'ox ye ti ajvalile, chamebal xal o; oy sbijil ma' ti buch'u ta xac'be yipal ta spajesbel ti sc'ac'al yo'ntone.

Eclesiastés 5:8

Mu ch'ayaluc xc'ot avo'nton yu'un mi ta xavil jun muc' ta lum ilbajinbilic ti me'un mu'nate, ti mu xa xich'ic ta muc' ti lequil tuq'uil chapanele, xchi'uc ti oy c'usi tsots sc'oplal sc'an xich' pasele. Yu'un ti buch'u cajal yabtel yich'oje, ta xmucbat smul yu'un ti xjelav to cajal yabtel yich'oje. Xchibalic un ta xmucbat smul yu'un ti buch'u spajeb xa tsots yabtel yich'oje.

Isaías 21:4

Mu xa xac' ti snopbenal ta xca'i yu'une. Xit'elt'un xa yu'un ti xi'ele. Ti lec to ox ta xca'i ti jun yutsil siquet ti mal c'ac'ale, c'ot ta pasel ta jtojol un ti xi'bal sbae.

1 Corintios 5:13

Ti vo'oxuque ja' abainojic ta xchapanel ti buch'u oy ta atojolique. Jech o xal, loq'uesic ti jsa'mulil ti ja' no'ox ta soquesvane.

2 Tesalonicenses 2:8

Va'i un, c'alal mi laj yich' loq'uesel ti Buch'u smacoj to ta bee, ja' o ta xvul ta loq'uel ti me'mulil vinique, ti ta xmile ta yic'al ye ta yutsilal xojobal ti Cajvaltic Jesús c'alal ta xcha'sut talele.

1 Samuel 24:13

Yu'un oy bu xi ta x'ale ti c'op yu'unic ta vo'nee: ‘Ti spajebal xa chopol ta xc'ot ta pasele, ta xlic talel ta stojol ti buch'u mu'yuc xa xch'ulele’. Jech o xal un, mi ja'uc ta j'ech'el ta jyales coc jc'ob ta stojol ti Jcuch Abtele.