Ester 5:1 - Bible in Tzotzil de Chamula

¹ Ech' xa ox oxib c'ac'al un, ti Estere lic slap sc'u' sventa ti me' ajvalilale. Och batel ta yut na. C'ot sva'an sba ta stuq'uil bu chotol ti ajvalil ta xchotlebe, ta yeloval ti ti'nae.

Bible in Tzotzil de Chenalhó with Deuterocanon

¹ C'alal i'ech' oxib c'ac'ale, li Estere la slap lec sc'u' sventa yajnil ajvalil, i'och batel ta yamaq'uil spasubmantal li ajvalile; te iva'i ta nopol sti' bu chotol tspas mantal li ajvalile.

Ester 5:1 Iomraidhean Croise

Ester 1:11

Laj yalbeic mantal ti yiq'uicuc talel ta stojol ti me' ajvalil Vasti ti c'upiluc sba xchi'uc ti sronail sjole, yo' jech ti jteclume xchi'uc ti buch'utic cajal yabtel yich'ojique, ch'ayaluc c'otuc yo'ntonic yu'un ti xtixet no'ox yutsil ti me' ajvalile, ti c'upil sba ta j'ech'el ti me' ajvalile.

Ester 2:5

Ta muc' ta lum ti Susae, nacal jun judío vinic sbiinoj Mardoqueo, xnich'on ti Jaire, snitilul ti Simei xchi'uc ti Cise, ta sventa jvoc' snitilultac ti Benjamine.

Ester 4:11

“Sna'ic lec scotolic ti buch'utic ochemic ta tunel yu'un ti ajvalile, xchi'uc ti jnaclejetic ti buyuc no'ox sventainoj ti ajvalile, chapanbil ti oy c'usi tsots albile, ti ta xich' milel scotol, ta vinic ta antsetic, mi ta xjelav batel ta o'lol yamaq'uil na ta sq'uelel ajvalil c'alal mu'yuc ic'bile. Ja' no'ox mu xlaj ta milel ti buch'u ta xye'bat ech'el ta stojol ti vaxtonil ti meltsanbil ta oroe, svinajeb ti c'ux to ta o'ntonale. Mu xa yanuc c'otem ta jtojol ec un, yu'un oy xa ta lajuneb xcha'vinic (30) c'ac'al, mu'yuc staojun ta iq'uel ti ajvalile.”

Ester 4:16

“Batan, ba tsobo scotol ti judíoetic ta Susae, ti yictaicuc yotic ta jventae. Mu'yucuc c'usi stun slajesic oxib c'ac'al xchi'uc oxibuc ac'ubal. Jech ta jpas ec xchi'uc ti cajmosovtaque. Ta ts'acal to un, ta xbat jc'opon ti ajvalile, ac'o mi mu jechuc ta xal ti oy c'usi tsots albile. Mi ta smilicune, ac'o smilicun xch'a.”

Ester 4:17

Va'i ti Mardoqueo une laj spas scotol ti c'u s'elan chapbat yu'un ti Estere.

Ester 6:4

Naca to jech ta xalic taje, och batel ti Amán ta yamaq'uil sna stuc ti ajvalile, ta sc'anel ti yac'uc ye sti' ti ajvalil ta xich' joc'anel ta te' ti Mardoqueo ti bu xa laj yac' ta pajele. —¿Buch'u ti xva'et ta xanav ta amaq'ue? —xi laj sjac' ti ajvalile.

Ester 8:15

Ti Mardoqueoe slapoj loc' ech'el lo'in c'u'il sventa ajvalilal ti yax'elan xyaxal xchi'uc saquile, xchi'uc jun muc' ta ronail jolal ti meltsanbil ta oroe, xchi'uc jlic xela mochib c'u' ti yax'elan stsajale. Xmuyubajic lic avanicuc scotol ti jnaclejetic ta muc' ta lum Susae.

San Mateo 10:16

“A'yio ava'iic, co'ol a'elanic jech c'u cha'al chij ta jtacoxuc batel ta stojol ti jti'vanej-oq'uiletique. Bijanic ec un, jechuc abijilic jech c'u cha'al ti jti'vanej-chone. Ti atalelic une, jechuc jech c'u cha'al ti palomae.

San Mateo 11:8

Mi ma'uque, ¿c'usi ay aq'uelic? ¿Mi ay aq'uelic jun vinic ti jun yutsil sc'u'e? Xana'ic lec, ti buch'u jun yutsiquil sc'u' sna' slapique, ta sna ajvaliletic ta tael.

San Mateo 27:64

Tal calbotcutic ava'i, alo mantal ac'o yich' chabiel oxib c'ac'al ti muquinale yo' mu xtal ti yajchanc'optac ta ac'ubaltic ta yelc'anel loq'uel ti sbec'tal stacopale. Mi laj yelc'anic loq'uele, xu' ta xalbeic ya'i ti jnaclejetic ti cha'cuxie. Mi jech ta xc'ot ta pasele, yepal no'ox ta xlaj ta lo'lael ti jnaclejetique, ja' mu sta ti ta ba'yele.

San Lucas 22:30

Ti vo'oxuque, ta xlic ve'anic xchi'uc ta yuch'el vo' ta jmexa ti bu ta xiventainvane, xchi'uc ta xachotiic ta xchapanel ti lajcha'chop (12) israeletique.”

Apocalipsis 3:21

Ti buch'u ta stsal yu'un scotole, ta xcac' ochuc ta xchi'inun ta spas mantal ti bu ta jpas mantale, jech c'u cha'al ta jchi'in ta pas mantal ti Jtote, ja' ti laj jtsal scotole.