Ester 4:5 - Bible in Tzotzil de Chamula

⁵ Ti Ester une laj sta ta iq'uel ti Hatac jun j'opisial ti sbainoj ta xchabiel sna ti ajvalile. Laj yalbe mantal ti batuc sq'uel ti Mardoqueoe, ti sjac'beuc c'usi ta xc'ot ta pasele, ti c'u cha'al ti va'i s'elan ta spase.

Bible in Tzotzil de Chenalhó with Deuterocanon

⁵ Ja' yu'un li Estere te lic yic' li Hatac, ja' li j'abtel yu'un ajvalil ti te chtun ta stojole, la stac batel ta stojol li Mardoqueoe yu'un ac'o bat sjac'be c'usi chc'ot ta pasel, xchi'uc c'u yu'un ti jech spasoj sbae.

Ester 4:5 Iomraidhean Croise

Ester 1:10

Ta yucubal xa c'ac'al ti q'uine, xmuyubaj no'ox ta xa'i ti ajvalil ti xjimet xa sjol yu'un ti vinoe. Jech laj stac talel ti Mehumane, ti Biztae, ti Harbonae, ti Bigtae, ti Abagtae, ti Zetare, xchi'uc ti Carcase, vucub viniquetic ti ja' co'ol yo'ntonic xchi'uque.

Ester 1:12

Ti me' ajvalil une mu'yuc laj xch'un iq'uel yu'un ti ajvalil ti tacvan ta iq'uel ta sventa ti viniquetic ti co'ol yo'ntonic xchi'uque. Va'i ti ajvalil une ilin ta j'ech'el, ti sbic' xa sc'ac'al yo'nton xchi'uque.

Ester 4:10

Va'i ti Estere laj xcha'tac batel ti Hataque, ti xiuc yalbe ya'i ti Mardoqueoe:

Ester 4:4

Ti me' mosoviletic ta xtunic ta stojol ti me' ajvalil Estere, xchi'uc ti viniquetic ti c'otem ta yajchabivaneje, laj yalbeic ya'i ti c'usi ta xc'ot ta pasele. Va'i ti me' ajvalile, och ta vul o'nton. Laj stac ech'el c'u'il ta stojol ti Mardoqueo ti sjeltauc ti lajemal c'u'il slapoje. Mu ja'uc c'ot ta yo'nton.

Ester 4:6

Ti Hataque bat sc'opon ti Mardoqueo ti oy ta yamaq'uil jteclum ta yeloval sti' sna ti ajvalile.

Ester 4:9

Sut ech'el ti Hataque. Xchapet laj yalbe ya'i Ester ti c'u s'elan laj yal ti Mardoqueoe.

Romanos 12:15

Muyubajanic xchi'uc ti buch'u xmuyubajique. Jmoj oc'anic xchi'uc ti buch'u ta x'oc' x'avanique.

1 Corintios 12:26

Mi oy bu jtos ta xich' svocol ti jbec'taltique, jech ti yane ta xich' svocolic ec. Ja' jech xtoc mi oy bu jtos ich'bil ta muc' ti jbec'taltique, scotolic xmuyubajic xa.

Filipenses 2:4

Ja'uc me ac'o spas ti c'usi ta xtun yu'un ti yane. Mu me ja'uc no'ox ta sa' ti c'usi ta xtun yu'un ti stuque.

Hebreos 4:15

Yu'un ti Banquilal Pale cu'untique ta xc'uxubaj yo'nton yu'un ti jvocoltic ta scoj ch'abal ti yipal cu'untique. Yu'un ti stuque laj ya'i c'u s'elan ti vocol jech c'u cha'al ta xca'itique. Ja' no'ox un, ti stuque mu'yuc x'ech' xjelav ta stael ti smule.