Ester 3:8 - Bible in Tzotzil de Chamula

⁸ Va'i un, ti Amane xi laj yalbe ti ajvalil Asueroe: —Ta scotol ti jteclumetic c'u yepal smacoj ti Jcuch abtele, oy jun mu jechuc ta spas jech c'u cha'al ta spas ti yane. Yan o ti mantaletic oy yu'une. Mu xco'olaj xchi'uc jech c'u cha'al ti yan jteclumetique. Mu xich' ta muc' c'u s'elan yaloj mantal ti Jcuch abtele. Ch'ayel xal o ti q'uelbil no'ox nacalic ti jteclum bu c'alal smacoj ti Jcuch abtele.

Bible in Tzotzil de Chenalhó with Deuterocanon

⁸ Li Amane jech laj yalbe li ajvalil Asueroe: —Oy jun lum ta scotol li lumetic c'u smuc'ul aventainoje, voc'ol no'ox yac'oj sba, mu xich' ta muc' li mantaletic avu'une xchi'uc toj yan o li mantaletic yu'unique; mu xco'laj xchi'uc li mantal yu'unic yantic lumetique. Ajvalil, mu'yuc stu avu'un me li' no'ox nacalic li jun lum le'e.

Ester 3:8 Iomraidhean Croise

Esdras 4:6

Ti jsa'-c'opetique lic sva'an sbaic ta stic'bel smul ti jnaclejetic yu'un Judá xchi'uc Jerusalén ta sliquebal yochel ta ajvalil ti Asueroe.

Nehemías 1:8

Ta jt'ambot ava'i ti jech ono'ox laj acaj'albe ya'iique, ti ta xataniuncutic batel ta sbejel banomil mi ta jsa' ti jmulcutique.

Ester 3:9

Le' une, mi lec ta xa'i ti Jcuch abtele, pucuc batel mantal ta yalel ti yich'icuc tsutsesel ta j'ech'ele. Ta xcac' ec lajuneb yuclajunvinic ta mil (330,000) kilo plata ta yoc ta sc'ob ti buch'utic sbainojic ta sq'uelel ti sq'uejleb taq'uin yu'un ti ajvalile.

Ester 4:1

C'alal laj ya'i Mardoqueo scotol ti va'i s'elan c'ot ta pasele, lic xch'i' ta jatel sc'u', senyail mu x'ech' ta xa'i ti vocole. Lajemic xa c'u'il lic slap. Lic svij tan ta sjol. Lic sjoyobta ta xaniel ti jteclum ti x'oc' x'avan yu'un ti vocole.

Jeremías 33:24

“¿Mi mu'yuc to ava'binoj ti xi ta xalilanic ti jnaclejetic ti jtenoj jipoj xa la ti Jerusalene, xchi'uc ti Judae, ti vu'un laj jt'uj ti cha'chop nitiluletique? ¡Jech o xal un, bajbil tenbil xa ta x'ile ti jteclumale, ti mu'yuc xa ta alel yu'unic ti ja' jun muc' ta lume!

Jeremías 50:17

“Ti Israele, jech c'u cha'al jun ch'ayemal chij, nutsbil yu'un ti jti'oval leone. Ba'yel lajic ta ti'el yu'un ti ajvalil ta Asiriae. Ts'acal to un, ti'eic, nulbatic sbaquilic yu'un ti Nabucodonosor ajvalil ta Babiloniae.

Ezequiel 11:16

“Ja' yu'un un, xi xavalbe ya'iique: ‘Xi ta xal ti Diose: Ti laj jbeq'uic loq'uele, ti tan puc batic ta jujun lumetic ti oy ta jujun muc' ta lum ti mu xojtiquinique, xi no'ox yuni jalile. Avi tana une, vu'un jtuc ta jva'an jba ta stojolic ti bu tanijemic batele.’

Ezequiel 6:8

“ ‘Ta jva'an jba xtoc ti oy jlom avu'unic mu xlajique. Cuxul ta xcomic ti tan puc ta xabatic ta jujun muc'tiquil lume.

Daniel 3:8

Oy jun chib caldeoetic ti ja' o xa lec jamal be laj staic ta sa'bel smul ti israeletic ta stojol ti ajvalil Nabucodonosore,

Daniel 6:13

Va'i un, ti stuquique xi xvulajetic liquele: “Yu'un ti Daniele, ti ja' jun israel ti bec'bil loc' tal ta slumale, mi ja'uc xac'ot ta venta ti jech Jcuch abtelote. Mi ja'uc xac' ta venta ti loq'uem xa jun mantal avu'une. Yu'un quilojcutic ti oxib (3) velta ta xc'opoj ta xti'in ta c'ac'ale.”

Daniel 6:14

C'alal jech laj ya'i ti ajvalile, och ta at-o'nton. Laj sa'olan mi oy c'usi xut ta spoj ti Daniele. Yich'oj o mal c'ac'al ti yo'ntonuc xa xa'i c'usi yut ti xu' ta spoje.

Levítico 26:33

Ja'uc ti vo'oxuque, ta xajtanioxuc batel ta muc'tiquil lumetic. Tuchbil ye'bil ti avespadailic ta xajnutsoxuc batel. Jech ti muc' ta lum avu'unique, ta xjoybij ta sbajtical banomil. Ti bic'tal lumetic yu'une, toj xi'bal sba ti c'u s'elan ti c'ajomal no'ox stuc xch'uch'ulil busul ta xcome.

Zacarías 7:14

Ja' yu'un un, co'ol j'elan junuc sutub ic', tan puc laj jtaniic batel ti ta muc'tiquil lum ti mu ja'uc jutebuc xojtiquinique. Sts'ijlajan xa com, joybijem xa ta sbajtical banomil com ta spatic ti slumalic ti c'alal loq'uic batele, ti c'ot ta pasel ti mu'yuc xa xnaqui teye. ¡Ja' ta scoj stuquic ti jeche' xa xme'inaj com yu'unic ti c'upil sba jteclum to oxe!”

Números 23:9

Ti li' to ta toyol tontique, quilojic lec batel. Yu'un ti li' to ta stselejale, xi s'elan xvinajic ta q'uelel batele: yu'un ja' jun jteclum yan ti c'u s'elan cuxulique, ti mu xco'olaj xchi'uc ti yan lumetique.

San Juan 7:35

Xi lic sjac'be sbaic ta jujun tal ti j'abteletic yu'un ti israeletique: —¿Bu ta xbat yaloj ti ta xal ti mu xu' ta jtatic ta sa'ele? ¿Mi yu'un van ta xbat ta stojol yan israeletic ti tanijemic ta naclej xchi'uc ti jyanlumetique yo' jech ta xbat xchanubtas ti buch'utic yan yajvalique?

Hechos 24:5

Ja' xchamel jteclum ti vinic li'e. Buyuc no'ox ta xanav ta sjoylej banomil, ta sliques c'op ta syanijesbel sjol ti jchi'ilcutic ta svoq'uel sbaique. Ja' jun banquilal xa'i sba ti buch'utic c'otem ta yo'ntonic ta xch'unel ti sbiinoj nazarenoe.

Hechos 28:22

Yu'un ca'binojcutic ti buyuc no'ox ta sjoylej banomile, chopol ta xc'opojic ti oy c'usi ach' sc'oplal ta xc'ot ta stojolique. ¿C'usi ta xaval yu'un taj une?

Deuteronomio 30:3

va'i un, ti Ajvalil ti ja' Dios avu'unique, ta sjel ti avorailique. Ta xlic c'uxubajuc yo'nton ta atojolic. Ti bu laj stanioxuc ech'el ta yan muc'tiquil lumetique, ta stsoboxuc talel yan velta.

Deuteronomio 32:26

‘Yu'un c'ot xa ox ta jnopel cu'un ti tan puc ta xbatique, ti ta jch'aybeic sc'oplal ta banomil ti mu ja'uc xa svulesatic ta o'ntonale.

Deuteronomio 4:27

Yu'un tan puc ta xabatic yu'un ti Dios ta muc'tiquil lume. Yu'un c'ajomal xa no'ox jun chiboxuc ti cuxul ta xacomique.

Santiago 1:1

Vu'un Santiago, yaj'abtelun ti Diose xchi'uc ti Cajvaltic Jesucristoe. Chabanucoxuc, vo'oxuc ti lajcha'chop snitiluloxuc Israele, ti tanijemoxuc ta sjunlej banomile.

1 Pedro 1:1

Vu'un Pedro, yajcholc'opun ti Jesucristoe. Ta jts'iba talel jvun ta stojolic ti buch'utic mu xa teyuc nacalic ta slumalique, ti tanijemic batel ta naclej ta Pontoe, ta Galacia, ta Capadocia, ta Asia, xchi'uc ta Bitinia.