Ester 3:7 - Bible in Tzotzil de Chamula

⁷ Ta sba u yu'un ti jabile, ti u sbiinoj Nisane, ti ja' xlajchebal (12) xa jabil stic'lej ta ajvalil ti Asueroe, lic sq'uelic yorail, ta stojol Amán, ta sventa yo' jech ta sna'ic c'usi c'ac'alil, c'usi ual ta xc'ot ta pasel yu'unic ti c'usi nopbile. Vinaj ti ta xc'ot ta yoxlajunebal (13) c'ac'al yu'un xlajchebal (12) ue, ta yual ti sbiinoj Adare.

Bible in Tzotzil de Chenalhó with Deuterocanon

⁷ Ta sba u Nisán ta xlajchabal jabil yochel ta ajvalilal li Asueroe, la spasic canal tajimol te ta stojol Amán ta sventa tsna'ic c'usi c'ac'alil, c'usi ual xu' tspasic li c'usi la snope. Ja' ic'ot ta yoxlajunebal (13) c'ac'al yochel li xlajchabal ue, ja' ta yual Adar.

Ester 3:7 Iomraidhean Croise

Esdras 4:6

Ti jsa'-c'opetique lic sva'an sbaic ta stic'bel smul ti jnaclejetic yu'un Judá xchi'uc Jerusalén ta sliquebal yochel ta ajvalil ti Asueroe.

Esdras 6:15

C'ot ta tsutsel xcha'meltsanel ti ch'ulnae, ta yoxibal c'ac'al sliquel ti yu'al Adar sbie, c'alal svaquibal (6) xa jabil yochel ta ajvalilal ta Persia ti Daríoe.

Nehemías 2:1

Ti jech taj une, jbainej bisun to ox yu'un ti ajvalil Artajerjese. Oy jun c'ac'al ti ta yual Nisan ti jtob xa jabil stic'lej ta ajvalilale, c'alal yacal ta jcolbe svino ti ajvalile, laj yilun ti oyun ta at-o'ntone.

Ester 1:3

Ta yoxibal jabil stic'lej ta ajvalilal une, ti ajvalil Asueroe lic spas q'uin sventa yich'el ta muc' scotol ti yajtuneltaque, xchi'uc ti xchi'iltac ta abtel sventa ti ajvalile, ti banquilal soldado yu'un ti Persia xchi'uc ti Mediae, ti its'inal ajvaliletique, xchi'uc ti banquilaletic yu'un ti jujuchop bic'tal lumetique.

Ester 2:16

Ti Estere, iq'ue batel ta sna ti ajvalile yo' jech ta sva'an sba ta stojol ti ajvalil Asueroe, ta slajunebal (10) u ti sbiinoj Tébet xtoque, ta yucubal (7) xa jabil stic'lej ta ajvalilal.

Ester 9:1

Ta yoxlajunebal (13) c'ac'al yu'un ti xlajchebal (12) u sbiinoj Adare, ja' sc'ac'alil chapanbil ta xc'ot ta pasel smantal ti ajvalile, sc'ac'alil xtoc ti smalaojic ta stsalatic ti judioetique. Mu jechuc c'ot ta pasel un. Laj stsal scontraic ti judioetique.

Ester 9:21

Laj yalbe batel ti jujunuc jabil spasicuc q'uin ta sc'ac'alil xchanlajunebal (14) xchi'uc ta sc'ac'alil yo'lajunebal (15) ti u sbiinoj Adare.

Ester 9:5

Laj smilic ta espada scotol yajcontraic ti judioetique. J'ech'el laj stsutsesic. Laj spasbeic ta stojol ti bu xa c'alal xal ti yo'ntonique.

Proverbios 16:33

Ac'o mi naca ta yorail sna' sq'uelel ti viniquetique, le' une, Dios sna' stuc mi jech ta xac' c'otuc ta pasel.

San Mateo 27:35

C'alal laj xa sjipanic ta curus ti Jesuse, ti soldadoetique lic sq'uelic buch'u oy yorail yu'unic yo' ta xvinaj buch'u junucal ta xich'beic sc'u' ti Jesuse. Taje, ja' o c'ot ta pasel ti xi laj sts'iba comel ti j'alc'ope: “Laj xch'acbe sbaic ti jc'u' ti buch'u junucal c'ot ta yorail yu'unique.”