Ester 3:2 - Bible in Tzotzil de Chamula

² Scotol ti jtuneletic yu'un ti ajvalil ti oy ta snae, ta snijan squejan sbaic ta stojol ti Amán c'alal ta x'ech'ic ta sts'elique, mi ta xc'otic ta stojolique, yu'un ja' jech yaloj mantal ti ajvalile. Ti Mardoqueoe mu jechuc laj spas.

Bible in Tzotzil de Chenalhó with Deuterocanon

² Scotol li j'abteletic yu'un ajvalile la squejan sbaic ta stojol; la snupbeic sc'ob c'alal te chjelov ta sts'elique, xchi'uc ti c'alal chc'otic ta stojole, yu'un jech yaloj mantal li ajvalile. Yan li Mardoqueoe mu'yuc la squejan sba ta stojol; mu'yuc la snupbe sc'ob.

Ester 3:2 Iomraidhean Croise

Génesis 41:43

Ts'acal to un, laj yac' muyuc batel ta carreta ti nabal batel ta spat bu tiq'uil ti ajvalile. Laj yal mantal ti xi ac'o avanicuc ti buch'utic oy ta jba'bee: “¡Jamic be!” Ja' jech lic sva'an sba ta sventainel sjunlej muc'ul lum Egipto ti Josee.

Ester 2:19

C'alal sc'ac'alil ta stsobbe sutel ti tsebal antsetic ta snail ti antsetique, chotol ta ochebal ti'na yu'un ajvalil ti Mardoqueoe.

Ester 2:21

Ti chotol ta ochebal ti'na yu'un ajvalil ti Mardoqueo une, laj ya'i c'u s'elan ta xlo'ilaj ti Bigtan xchi'uc ti Terese, chib j'opisial yajchabivanej ti ajvalil ti sbainojic ta sq'uelel ti ochebal ti'nae. Taje, snopojic xa ta scapemal sjolic ta smilic ya'i ti ajvalil Asueroe.

Ester 2:5

Ta muc' ta lum ti Susae, nacal jun judío vinic sbiinoj Mardoqueo, xnich'on ti Jaire, snitilul ti Simei xchi'uc ti Cise, ta sventa jvoc' snitilultac ti Benjamine.

Ester 3:1

Ech' c'uc sjaliluc un, ti ajvalil Asueroe lic yac'be yich' cajal yabtel ti Amán xnich'on ti Hamedatae, snitilul ti Agage, ti c'ot ta banquilal yu'un scotol yaj'abteltac ti ajvalile.

Ester 3:3

Va'i un, yaj'opisialtac ti ajvalile, laj sjac'beic ti Mardoqueoe c'u cha'al mu xc'ot ta pasel yu'un smantal ti ajvalile.

Ester 3:5

C'alal laj yil ti Amán ti mu'yuc ta snijan squejan sba ta stojol c'alal ta x'ech'e, soquet xa sjol xchi'uc.

Ester 5:9

C'alal laj yo'nton ta ve'el uch'ubajel ti Amane, mu xa c'usi sna', xmuyubaj xa loc' batel. Ja' no'ox un, toj ilinel c'ot yu'un ti Mardoqueoe, ti laj yil ti oy ta sti' sna ajvalil ti jeche' nijil ta j'ech'ele, ti mu stoy sat ta stojol ti ta x'ech'e.

Salmos 15:4

ti buch'u ta sjip ta sten ti oy sc'oplal jipbil tenbil ono'oxe, ti ta xich' ta muc' xtoc ti buch'u ta xich' ta muc' ti Diose, ti ta xc'ot ta pasel yu'un ti c'usi yaloje, manchuc mi mu lecuc ti ta xc'ot ta stojole,

Éxodo 17:14

Ja' yu'un un, ti Diose xi laj yalbe ti Moisese: —Ti jech le'e, ts'ibao ta jpoc vun yo' jech na'bil ta xcom sc'oplal. Albo ya'i xtoc ti Josuee ti vu'un ta jch'ay ta o'ntonal sc'oplal ti amalecitaetique.

Éxodo 17:16

Yu'un xi laj yale: “Ti sbandera Diose xlich'et no'ox ta toyol ti oy ta c'obale. Yu'un ti Diose ochem ta letovajel xchi'uc ti amalecitaetic ti jaylajun q'uexel ta x'ech'ic ti snitilultaque.”

Daniel 2:49

Ac'bat ti c'usi laj sc'an ti Daniele. Jech o xal ti ajvalile laj stic' ta abtel ti Sadraque, ti Mesaque, ti Abed-negoe, cajal yabtelic laj yich'ic ta j'ech'el. Laj sbain ta sq'uelel ti c'usitic oy yu'un ti c'u sjamlej yosilal ti jteclum Babiloniae. Ja'uc ti Daniele com ta jpas-mantal yu'un ti ajvalile.

Deuteronomio 25:19

Ja' yu'un un, vuleso ta ajolic ti c'alal ta xc'ot ta pasel ta stsalboxuc scotol avajcontraic ti Ajvalil Dios avu'unic ti joyolic ta naclej ta banomil ti bu ta xayac'boxuc ta arextoique, ¡ta j'ech'el, ch'aybeic sc'oplal ta banomil ti amalecitaetique!

Filipenses 2:10

C'alal ta xa'iic “Jesús”, xi ti sc'oplale, scotol ti buch'utic oy ta vinajele, ti oy ta banomile, ti oy ta c'atimbaque, ta squejan sbaic ta stojol.

1 Samuel 15:3

Ja' yu'un un cha'e, batan, ba tsaco ta leto. Tsutseso ta j'ech'el scotol ti c'usitic x'ayan yu'unique, ti mu ja'uc jutebuc xc'uxubaj avo'nton yu'une. Milo ta viniquetic, ta antsetic, ta muc'tic ololetic, ta jvoq'uel ololetic, ta vacaxetic, ta chijetic, ta camelloetic, c'alal ta burroetic.’