Ester 3:12 - Bible in Tzotzil de Chamula

¹² Ta yoxlajunebal (13) sc'ac'alil ti sliqueb u yu'un ti jabile, laj yich'ic tael ta iq'uel ti jts'ibajometic yu'un ti ajvalile. Lic sts'ibaic ti mantaletic laj yal ti Amane yo' jech ta staquic batel ta stojol ti ajvaliletique, ti jujuchop ti sc'opic ti buyuc no'ox nacalique, xchi'uc ta stojolic ajvaliletic yu'un ti jujun muc'tic lume. Ti mantaletic taje, laj yich' ts'ibael ta jpoc vun ti ta xlo'ilaj ta sc'op stuquic ti jujuchop bu oyique, xchi'uc ti jteclume, ti yac'oj spirma ta sventa ti ajvalil Asueroe, ti yich'oj seyo ta sventa seyo ti ajvalile.

Bible in Tzotzil de Chenalhó with Deuterocanon

¹² Ta yoxlajunebal (13) c'ac'al yochel li sba ue, laj yich' tsobel li jts'ibajometic yu'un muc'ta ajvalile. Ja' la stsaquic ta vun li c'usitic laj yal Amane; la stacbeic batel li ajvaliletic xchi'uc li banquilaletic ta jujun lume. Ta sc'op stuquic, xchi'uc ta sts'ib stuquic laj yich'ic ts'ibabel batel ta jujun muc'tic lum, xchi'uc ta bic'tal lumetic. Ta sbi xchi'uc ta sello ajvalil Asuero la sts'ibaic batel.

Ester 3:12 Iomraidhean Croise

1 Reyes 21:8

Ta ora no'ox lic sts'iba vun ta sventa sbi ti Acabe. Laj yac'be seyo ta sventa seyo ti ajvalile, ti laj stac batel ta stojol ti moletique, xchi'uc ta stojol ti banquilaletic ti nacalic ta jteclum ti bu nacal ti Nabot ta ts'acal to une.

Esdras 8:36

Ts'acal to un, ti c'u s'elan ts'ibabil talel smantal ti ajvalile, laj yac'beic yich' ti j'abteletic ti bu c'alal smacoje, xchi'uc ta stojol ti its'inal ajvaliletic ti oyic ta yosilal uc'um Eufrates ti oy ta yeloval smaleb c'ac'ale. Laj stic' sbaic ta scoltael ti jteclum ta sva'anel xch'ulna ti Diose.

Ester 1:22

Lic stac batel vunetic ta jteclumetic ti bu c'alal smacoje, ti ts'ibabil ta sc'op stuquique, ti xa'iic lec ti jujuchop ti bu nacalique, xchi'uc ti jteclum bu c'alal smacoje, ti ta xich'ic albel ti antsetic ti jch'unej-mantaluc ta stojol ti smalalic ta snaique, xchi'uc ti ich'biluc ta muc' sc'opic ti viniquetic yu'unique.

Ester 3:11

ti xi laj yalbee: —Mu tsotsuc sc'oplal ta xavac' ti platae. Paso ta stojol ti jteclum taje, ti c'usi lec ta xava'ie.

Ester 8:2

Va'i ti ajvalile laj sloq'ues ti yixtolal c'obal ti laj xcha'ich' sutel ti laj yac'be to ox ti Amane. Laj yac'be yich' ti Mardoqueoe. Ta sventa ti Estere, laj sva'an ta sq'uelel scotol ti c'usitic x'ayan to ox yu'un ti Amane.

Ester 9:27

Ti judíoetic une, xi s'elan na'bil c'ot yu'unic xchi'uc ti snitilulique, xchi'uc scotol ti buch'utic laj sco'oltas yo'ntonic xchi'uc ti judioetique: Mu stselbuj yu'unic jujun jabil ta spasel q'uin chib c'ac'al co'ol s'elan albil ti sc'oplale, ti mu syanijesic c'u s'elan laj yich'ic chanubtasele,

Daniel 3:10

Ti Jcuch abtelote laj aval mantal ti ac'o squejan sba scotolique, ti ac'o snijan sbaic ta yich'el ta muc' ti loc'obbail oro ti c'alal ta xa'iic xlomet no'ox liquel ta stijel ti vobetique.

Daniel 6:12

C'alal jech laj yilique, ta anil no'ox batic ta stojol ti ajvalile yo' jech ta slo'iltabeic ya'i ti oy chapajem jun mantale, ti xi c'ot yalbeique: “Yu'un ti vo'ote, Jcuch abtel, avac'oj ave ati' ti vinajem lec ti loq'uem jun mantal avu'une. Ti buch'u ta xlic sjol ti xvocolet liquel ta stael ta c'oponel ti c'usiuc no'ox diosale, mi ta stojol jun vinic ti ma'uc ti Jcuch abtele, ti buch'u jech ta spas ti c'alal mu to ta x'ech' ti lajuneb xcha'vinic (30) c'ac'ale, loc' mantal ti ac'o yich' tiq'uel ochel ta nail ch'en ti bu tiq'uil ti leonetique. ¿Mi mu jechuc chapanbil taje? Xi laj stac' ti ajvalile: “Jech unbi, tsots sc'oplal ac'o c'otuc ta pasel jech c'u cha'al ti oy c'usi jbel ti tsots albil yu'un ti medoetique xchi'uc ti persaetique, mi ja'uc stac' ch'ayel ta be.”

Daniel 6:15

C'u stu un, ti viniquetique xi c'ot yalic yan velta xtoc ta stojol ti ajvalile: “Xana' lec, Jcuch abtel, ti c'u s'elan liquem yu'unic ti oy jbel ti c'usi tsots albil yu'unic ti medoetique xchi'uc ti persaetique, ti mi oy c'usi chapanbil ti mu stac' jech ta xich' pasele, ti c'alal pasbil xa pirma yu'un ti ajvalil ti c'usi c'ot ta nopele, mu ono'ox ta xch'ay ta be.”

Daniel 6:25

Va'i un, ti ajvalil Darioe xi laj yal ti laj sts'iba ech'el vunetic ta stojol ti jnaclejetic ti oy ta sjunul ti muc' ta lume, ti jaylajun-tos ti sc'opic ti buyuc no'ox nacalic ta banomile: “Ta jc'an ti lamajemuc c'op ta atojolique, ti mu'yucuc c'usi xana'ic ta j'ech'ele.

Daniel 6:8

Ja' yu'un un, Jcuch abtel, ac'o ave ati' ti jech c'ot ta nopele. Ac'o avuni pirma un. Jech mu'yuc buch'u xu' ta soques ti c'usi c'ot ta nopele, jech c'u cha'al liquem ti oy c'usi jbel tsots albil yu'unic ti medoetique, xchi'uc ti persaetique, ti mu stac' tuch'bel yip ti c'usi nopbile.”