Ester 2:9 - Bible in Tzotzil de Chamula

⁹ Ti Hegaie lec laj yil ti tsebe, ti xnijet xchimilet laj yac' sba ta stojole. Ti Hegai une laj yac' ta poxtael ta muil poxil ta sventa xch'alet no'ox yutsil ta q'uelele. Lic yac'be ti lequil ve'liletique. Laj yac'be yajtuneltac vucub mosovil antsetic ti jelavem xtojobic ta scotolic ti oy ta sna ti ajvalile, ti jmoj batic yu'un ta spajeb xa no'ox yutsil na ti c'otem ta sna ti antsetique.

Bible in Tzotzil de Chenalhó with Deuterocanon

⁹ Li Hegaie toj lec laj yil li tsebe, jech ta ora la sc'ac'ubtas lec, xchi'uc laj yac'be lequil ve'liletic, xchi'uc laj yac'be squiarain vucub tsebetic ti toj ven lequic te ta sna li ajvalile. Ja' te laj yac' ochuc xchi'uc squiaratac ti bu toj lec li na te ta snail antsetique.

Ester 2:9 Iomraidhean Croise

Génesis 39:21

ja' no'ox un, chi'inbil yu'un ti Diose. Yu'un sva'anoj sba ta stojol yo' jech ta sta ti lec x'ilat yu'un ti banquilal jchabiej chuqueletique.

Génesis 39:4

Ti va'i s'elan c'otem ta stojol ti José taje, laj sta ti co'olaj sjol yo'ntonic xchi'uc ti yajvale. Laj yac' ochuc ta yajcoltaobba, xchi'uc xtoc laj yac'be sbain ti snae xchi'uc scotol ti c'usi oy yu'une.

1 Reyes 8:50

Ch'aybo smul scolo' xchi'uc stoyobbailic ti ateclumal ti laj sta smul ta atojole. Avocoluc, c'otuc ta pasel avu'un ti va'ano aba ta stojolic ti jteclum ti buch'utic chucvanic batele, ti c'uxubajuc ti yo'ntonic yu'une.

Esdras 7:6

Ti Esdras taje, ja' jun jchanubtasvanej yich'oj lec chanubtasel ta jbel c'usi tsots albil yu'un ti Ajvalil Dios yu'un Israel ti laj yac' comel ta stojol ti Moisese. Coltabil lec yu'un Dios ti laj sta scotol c'usi laj sc'ananbe ti ajvalil Artajerjese. Ti jech taj une, loc' talel ti Esdras oy ta Babiloniae.

Nehemías 2:8

Laj jc'anbe yan ts'ibabil vun xtoc ti ja' ta xich' ti Asafe jchabiej muc'tic te'tic yu'un ti ajvalile, yo' jech ta xiyac'bun ti te'etic ta sventa ta jcha'meltsan ti ti'naetic ta jteclum yu'un ti ch'ulnae, jech c'u cha'al ti ta xtun ta sventa ti ta xich' pasel smocal ti jteclume, xchi'uc ti ta xtun cu'un ta jna ti bu ta xinaquie. Jech ti ajvalile laj yac'bun scotol, ja' ti coltabilun ta sventa yutsil yo'nton ti Dios cu'un ti c'u s'elan laj jchapbe ya'ie.

Ester 2:12

Scotol ti tsebetique, lajcheb (12) u sjalil, ta xich'ic poxtael ta sventa ti xch'alet no'ox yutsil ta q'uelele. Ti sliqueb svaquibal (6) yuale, ta xich' jaxbel naca yaceiteal muil nichim ta sjunul ti sbec'talique. Ti vaquib (6) u ta to x'ech' batele, ta xich' ac'bel muil poxiletic xchi'uc jaxbil poxiletic sventa ta stunesic ti tsebetique. Mi tsuts xpoxtael ti c'u sjalil une, ti tsebe, ta jujun tal, xcholet ta x'ech' yac' sbaic ta ilel ta stojol ti ajvalil Asueroe.

Ester 2:3

Sva'ananuc jtunel viniquetic ta scotol bu c'alal smacoj ta sventainel ti ajvalile, ti sbainojuc ta yiq'uel talel scotol ti tsebal antsetic ta sna ti ajvalil ta muc' ta lum Susae, ti bainbil c'oticuc yu'un ti Hegai jun vinic ti co'ol yo'nton xchi'uc ti ajvalile, ti sbainoj ta xchabiel ti antsetique. Sbainojuc c'otuc ti Hegai ta yalel mantal ti yich'ic jaxbel muil poxil sventa sc'upiltasel ti xch'alet no'ox ta q'uelele.

Ester 5:2

C'alal laj yil ti ajvalil ti va'al ta amac' ti me' ajvalil Estere, stse'et xa ta stojol laj sye'be ech'el ti xvaxtonil meltsanbil ta oro ta stuq'uil ti bu va'ale. Nopaj ech'el ti Ester ta snupel ti vaxtone.

Salmos 106:46

C'ot ta pasel yu'un ti ayan slequil yo'nton yu'un ti scontraique.

Proverbios 16:7

C'alal lec ta xil Dios c'u s'elan stamoj ti vinique, xu' ta xc'ot ta pasel yu'un ta slamajes c'op xchi'uc ti scontrae.

Daniel 1:9

Yo' laj sta ti lec ilat yu'un banquilal jpas-mantal ti Daniele, ja' yabtel stuc ti Diose.

Hechos 7:10

Mu teyuc no'ox q'uelbil yu'un ti svocole, poje coltae. Ac'bat lec sbijil, laj sta ti lec ile yu'un ti faraone. Va'ane ta its'inal ajvalil ta Egipto banomil yu'un ti faraone xchi'uc ta sventainbel sna stuc ti ajvalil faraone.