Ester 2:3 - Bible in Tzotzil de Chamula

³ Sva'ananuc jtunel viniquetic ta scotol bu c'alal smacoj ta sventainel ti ajvalile, ti sbainojuc ta yiq'uel talel scotol ti tsebal antsetic ta sna ti ajvalil ta muc' ta lum Susae, ti bainbil c'oticuc yu'un ti Hegai jun vinic ti co'ol yo'nton xchi'uc ti ajvalile, ti sbainoj ta xchabiel ti antsetique. Sbainojuc c'otuc ti Hegai ta yalel mantal ti yich'ic jaxbel muil poxil sventa sc'upiltasel ti xch'alet no'ox ta q'uelele.

Bible in Tzotzil de Chenalhó with Deuterocanon

³ Li ajvalile ac'o sva'an viniquetic ta jujun lum, yu'un ja' ac'o tal yaq'uic li tsebetic te ta snail antsetic yu'un ajvalil ta lum Susae. Ja' ac'o xchabi li Hegai, ja' li jchabi antsetic yu'un ajvalile, xchi'uc ja' ac'o sc'ac'ubtas lec.

Ester 2:3 Iomraidhean Croise

Ester 2:19

C'alal sc'ac'alil ta stsobbe sutel ti tsebal antsetic ta snail ti antsetique, chotol ta ochebal ti'na yu'un ajvalil ti Mardoqueoe.

Ester 2:4

Ti bu x'ech' to c'upil laj yil tseb ti ajvalile, yich'uc va'anel ta me' ajvalil yo' jech ta xc'ot ta xq'uexol ti Vastie. Ti va'i s'elan taje, lec laj ya'i ti ajvalile. Jech laj yich' pasel un.

Ester 2:5

Ta muc' ta lum ti Susae, nacal jun judío vinic sbiinoj Mardoqueo, xnich'on ti Jaire, snitilul ti Simei xchi'uc ti Cise, ta sventa jvoc' snitilultac ti Benjamine.