Ester 2:21 - Bible in Tzotzil de Chamula

²¹ Ti chotol ta ochebal ti'na yu'un ajvalil ti Mardoqueo une, laj ya'i c'u s'elan ta xlo'ilaj ti Bigtan xchi'uc ti Terese, chib j'opisial yajchabivanej ti ajvalil ti sbainojic ta sq'uelel ti ochebal ti'nae. Taje, snopojic xa ta scapemal sjolic ta smilic ya'i ti ajvalil Asueroe.

Bible in Tzotzil de Chenalhó with Deuterocanon

²¹ C'alal te chotol ta sti' spasubmantal ajvalil li Mardoqueoe, i'ilin chib jchabi ti'naetic yu'un ajvalil, ja' Bigtán xchi'uc Teres sbiic, jech tsc'an tsmilic li ajvalil Asueroe.

Ester 2:21 Iomraidhean Croise

2 Samuel 16:11

Laj taj une, ti Davide laj sq'uel batel ti Abisaie xchi'uc scotol ti yaj'opisialtaque, ti xi laj yalbe ya'iique: —Ti c'alaluc xa ta jnich'on no'ox ta xismil ya'ie, ¡ja'uc xa van ti jun snitilultac ti Benjamine! ¡Q'uelic no'ox ti ta xisbisun ta cotol chavale, ti yu'un jech ta x'ac'bat sna' yu'un ti Diose!

1 Reyes 16:9

Ja'uc ti Zimrie, yajtunel ti Ela ti sbainoj j'olol jvoc' ti carreta sventa ac'ob letoe, xq'uelbat no'ox sat yu'un ta sliquesbel sc'oplale. Yu'un oy jun c'ac'al, ti Elae, ti c'alal oy ta Tirsae, bat ta sna ti Arsa ti yajbainej ti c'usitic x'ayan yu'une, ti uch'baj ti bu xa c'alal xu' yu'une, ti yacub xchi'uque.

2 Reyes 12:20

Yaj'opisialtac stuc, nopbat, paybat sc'oplal ta mucul, ti mile ta jbej na ta jembil lum ti oy ta yalobaltic yu'un ti Silae.

2 Reyes 21:23

Yaj'opisialtac ti Amone lic spay sc'opic ta mucul yo' jech ta scontrainic ti Amone. Laj smilic ta sna ti c'otem ta chapanobbaile.

Esdras 4:6

Ti jsa'-c'opetique lic sva'an sbaic ta stic'bel smul ti jnaclejetic yu'un Judá xchi'uc Jerusalén ta sliquebal yochel ta ajvalil ti Asueroe.

Ester 2:19

C'alal sc'ac'alil ta stsobbe sutel ti tsebal antsetic ta snail ti antsetique, chotol ta ochebal ti'na yu'un ajvalil ti Mardoqueoe.

Ester 6:1

Ti ta yac'ubalil taj une, mu x'och svayel ti ajvalile. Jech laj stac mantal ti ich'batuc talel svunal bu ts'ibabil ti c'usitic c'otem ta pasel ta sjunul ti muc' ta lume, ti avtabatuc ya'ie.

Ester 6:2

Ti ta jpoc vune, ts'ibabil ya'yejal laj staic c'u s'elan laj svinajes ti Mardoqueo sc'oplal ti Bigtan xchi'uc ti Terese, yajchabivanej j'opisialetic ta sna ti ajvalile, ti snopojic xa spayojbeic sc'oplal ta xaq'uic ta milel ti ajvalil Asueroe.

Salmos 144:10

Ti ta xc'otic ta jtsalvanej avu'un ti ajvaliletique, ti ava'anoj aba ta spojel ti avajtunel Davide, pojun yo' jech mu xve' ti espada cu'une.

Daniel 2:49

Ac'bat ti c'usi laj sc'an ti Daniele. Jech o xal ti ajvalile laj stic' ta abtel ti Sadraque, ti Mesaque, ti Abed-negoe, cajal yabtelic laj yich'ic ta j'ech'el. Laj sbain ta sq'uelel ti c'usitic oy yu'un ti c'u sjamlej yosilal ti jteclum Babiloniae. Ja'uc ti Daniele com ta jpas-mantal yu'un ti ajvalile.