Ester 2:12 - Bible in Tzotzil de Chamula

¹² Scotol ti tsebetique, lajcheb (12) u sjalil, ta xich'ic poxtael ta sventa ti xch'alet no'ox yutsil ta q'uelele. Ti sliqueb svaquibal (6) yuale, ta xich' jaxbel naca yaceiteal muil nichim ta sjunul ti sbec'talique. Ti vaquib (6) u ta to x'ech' batele, ta xich' ac'bel muil poxiletic xchi'uc jaxbil poxiletic sventa ta stunesic ti tsebetique. Mi tsuts xpoxtael ti c'u sjalil une, ti tsebe, ta jujun tal, xcholet ta x'ech' yac' sbaic ta ilel ta stojol ti ajvalil Asueroe.

Bible in Tzotzil de Chenalhó with Deuterocanon

¹² Ta sventa li tsebetic, le'e oy mantal ti jun jabil chich'ic c'ac'umtasel leque, xchi'uc chich'ic ac'bel lec perfume. Vaquib u chich'ic jaxbel mirra, vaquib u chich'ic jaxbel muil poxil, xchi'uc cremaetic ta sventa li antsetique. C'alal me its'aqui jech yepal c'ac'ale, ja'o chbat sva'an sbaic ta junjuntal ta stojol li ajvalile.

Ester 2:12 Iomraidhean Croise

Ester 2:11

Ti Mardoqueoe scotol c'ac'al ta x'ech'ilan ta yeloval yamaq'uil na yu'un ti antsetique yo' jech ta sna' mi lec oy ti Estere, xchi'uc c'u s'elan ta xtuc'ulanat.

Ester 2:13

Ti c'usi xal yo'ntonic ta slap ya'i loq'uel ti tsebetic ta na ti bu oyic yo' ta xbatic ta sna ti ajvalile, ta x'ac'batic batel.

Ester 2:3

Sva'ananuc jtunel viniquetic ta scotol bu c'alal smacoj ta sventainel ti ajvalile, ti sbainojuc ta yiq'uel talel scotol ti tsebal antsetic ta sna ti ajvalil ta muc' ta lum Susae, ti bainbil c'oticuc yu'un ti Hegai jun vinic ti co'ol yo'nton xchi'uc ti ajvalile, ti sbainoj ta xchabiel ti antsetique. Sbainojuc c'otuc ti Hegai ta yalel mantal ti yich'ic jaxbel muil poxil sventa sc'upiltasel ti xch'alet no'ox ta q'uelele.

Ester 2:9

Ti Hegaie lec laj yil ti tsebe, ti xnijet xchimilet laj yac' sba ta stojole. Ti Hegai une laj yac' ta poxtael ta muil poxil ta sventa xch'alet no'ox yutsil ta q'uelele. Lic yac'be ti lequil ve'liletique. Laj yac'be yajtuneltac vucub mosovil antsetic ti jelavem xtojobic ta scotolic ti oy ta sna ti ajvalile, ti jmoj batic yu'un ta spajeb xa no'ox yutsil na ti c'otem ta sna ti antsetique.

Proverbios 7:17

Xmuet ta muil poxil, ta smuil ti xuch'al te'e, ta smuil ti canelae.

Cantares 3:6

¿C'usi ti vi s'elan le' xtal ta sbajtical banomil ti volibil talel ta jun muc' ta tometel ch'aile, ti capal talel ta xch'ailal ti mirrae, ti pome, xchi'uc ta scotol ti ep ta tos ti muil poxiletique?

Isaías 3:24

Ti jech xjiq'uet ta muil poxil avie, ta xc'ot ta stojolic ti mu staq'uic nopel yu'un ti sjomomilique. Ti lequil chuquile, jbej xa uni ch'ojon tumul liquel. Ti xch'alet no'ox yu'unic ta tusel ti sjolique, stuc me boch liquel un. Ti jun xa yutsiquil c'u'il ta stunesique, pac'nochic me liquel un. Ti c'upil xa sba sat yelovic ta q'uelele, mu xa xtal yutsil ta q'uelel yu'un ti q'uexlale.

Isaías 57:9

Xabitet no'ox ta anil ta spat ti dios Méleque, ti avich'ojanbe batel ti aceitee, xchi'uc ti mu no'ox albajuc yepal ti muil poxiletique. Laj atacan batel ti avaj'alc'op j'ich'-mantaletique, ti c'ot avu'un ti bu oy ti lajebale.